ପଦ୍ମପୁର,୧୪ା୪(ଡି.ଏନ୍.ଏ.)- କରୋନା ମହାମାରୀ ପାଇଁ ଓଡ଼ିଶାରେ ଲକ୍ ଡାଉନ ଘୋଷଣା ହୋଇଛି। ଏହି ପରିସ୍ଥିତିରେ କେତେକ ଅସାଧୁ ବ୍ୟବସାୟୀ ଚଢା ଦାମ୍ରେ ଅତ୍ୟାବଶ୍ୟକୀୟ ସାମଗ୍ରୀ ବିକ୍ରି କରୁଥିବା ଅଭିଯୋଗ ହେଉଛି। ଏନେଇ ପ୍ରଶାସନ ପକ୍ଷରୁ ଚଢାଉକୁ ଜୋରଦାର କରାଯାଇଛି। ବାସୁଦେବପୁର ତହସିଲଦାର ସୌମ୍ୟଶ୍ରୀ ପାଣିଗ୍ରାହୀ, କାର୍ଯ୍ୟନିର୍ବାହୀ ଅଧିକାରୀ ଓ ପୋଲିସ ବାସୁଦେବପୁର ବଜାରରେ ଡାଲି ଓ ତେଲକୁ ନିର୍ଦ୍ଧାରିତ ଦାମ୍ ଠାରୁ ଅଧିକ ଦାମରେ ବିକୁଥିବାରୁ ୩ ଜଣ ଦୋକାନୀଙ୍କ ଠାରୁ ୧ ଲକ୍ଷ ୨୫ ହଜାର ଜରିମାନା ଆଦାୟ କରିଛନ୍ତି। ସୁଦର୍ଶନପୁର ମାଛହାଟ ଠାରେ ଦୁଇଟି ଲୁଗା ଦୋକାନ ଖୋଲା ରଖିଥିବାରୁ ୨୦ ହଜାର ଟଙ୍କା ଜରିମାନା ଆଦାୟ କରାଯାଇଛି। ସେହିପରି ଅତିରିକ୍ତ ତହସିଲଦାର ବିଶ୍ୱନାଥ ବିଶ୍ୱାଳ ପଦ୍ମପୁର-ବିରସ ରାସ୍ତାରେ ଯାଉଥିବା କୋଇଲା ଗାଡ଼ି ଠାରୁ ୫ ହଜାର ଜରିମାନା ଆଦାୟ କରିଛନ୍ତି। ୧୪ଟି ବାଇକ୍ ଠାରୁ ୨୮ ହଜାର ଓ ଲକ୍ ଡାଉନ ନିୟମ ନ ମାନି ବାହାରେ ବୁଲୁଥିବା ଲୋକମାନଙ୍କ ଠାରୁ ୬ ହଜାର ଜରିମାନା ଆଦାୟ କରିଛନ୍ତି। ଏଥିସହ ମାସ୍କ ପିନ୍ଧିବା ପାଇଁ ସଚେତନତା ସୃଷ୍ଟି କରିବା ସହ ୧୦୦ ମାସ୍କ ତହସିଲଦାର ବଣ୍ଟନ କରିଛନ୍ତି।
ଭଦ୍ରକରେ ଭୟଙ୍କର ଦୁର୍ଘଟଣା; ଟ୍ରଲରକୁ ପିଟିଲା ପୋଲିସ ଗାଡ଼ି; ମୃୃତ୍ୟୁ ସଂଖ୍ୟା…
ବାସୁଦେବପୁର,୧୩।୧୧(ନାରାୟଣ ପ୍ରସାଦ ବାରିକ୍): ଭଦ୍ରକ ଜିଲାର ବାସୁଦେବପୁର, ଧାମରା ରାସ୍ତାର ବିରସ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଗୁରୁବାର ବିଲମ୍ବିତ ରାତିରେ ପୋଲିସ ଗାଡ଼ି…

