ବଲାଙ୍ଗୀର ଅଫିସ, ୮ା୩ ମହିଳା ଦିବସ ଅବ୍ୟବହତି ପୂର୍ବରୁ ବଲାଙ୍ଗୀର ଜିଲା ପ୍ରଶାସନ ଜଣେ ଗରିବ ଦୃଷ୍ଟିହୀନ ମହିଳାଙ୍କୁ ନୂଆ ଘର ତିଆରି କରି ହସ୍ତାନ୍ତର କରିଛି ା ଦୃଷ୍ଟିହୀନ ମହିଳା ଶୈଳନ୍ଦ୍ରୀ ସୁନାଙ୍କୁ ଶନିବାର ଉପଜିଲାପାଳ ସଞ୍ଜୟ କୁମାର ମିଶ୍ର ନୂଆ ଘରର ଚାବି ହସ୍ତାନ୍ତର କରଛନ୍ତି। ଏହି ସମୟରେ ସହକାରୀ ଜିଲାପାଳ ସନ୍ତୋଷ ଦାଶ, ମ୍ୟୁନିସିପାଲିଟି ନିର୍ବାହୀ ଅଧିକାରୀ ବିପିନ ଦୀପ, ପୂର୍ତ୍ତ ସହକାରୀ ନିର୍ବାହୀ ଯନ୍ତ୍ରୀ ମନୋଜ କୁମାର ମହାନନ୍ଦ ଉପସ୍ଥିତ ଥିଲେ ା ବଲାଙ୍ଗୀର ସହର ରାଜେନ୍ଦ୍ର ସ୍ବୟଂଶାସିତ କଲେଜ ସମ୍ମୁଖ ଗାନ୍ଧୀ ଷ୍ଟାଡିୟମ ନିକଟ ସରକାରୀ ଜମିରେ ଏହି ଦୃଷ୍ଟିହୀନ ମହିଳା ଏକ ଛାଟିମାଟି ଘର କରି ରହୁଛନ୍ତି ା ସେହି ଅଞ୍ଚଳରେ ରିଙ୍ଗ୍ରୋଡ ତିିଆରି କରାଯାଉଥିବାରୁ ଶୈଳେନ୍ଦ୍ରୀଙ୍କ ଝାଟିମାଟି ଘର ଉଚ୍ଛେଦ କରିବାକୁ ପଡିବ ା ଉକ୍ତ ଘରେ ଶୈଳେନ୍ଦ୍ରୀଙ୍କ ସହ ତାଙ୍କ ସ୍ବାମୀ ସୁରେଶ ଓ ଛୋଟ ପୁଅ ରହୁଛନ୍ତି ା ଘର ଉଚ୍ଛେଦ ହେଲେ ଶୈଳେନ୍ଦ୍ରୀ ପରିବାରଙ୍କ ଦୁଃଖ ବଢ଼ିଯାଇଥାନ୍ତା ା ଏଣୁ ଜିଲା ପ୍ରଶାସନ ପକ୍ଷରୁ ପ୍ରଥମେ ତାଙ୍କ ପାଇଁ ଏକ ଘର ତିଆରି କରାଯିବା ପରେ ତାଙ୍କ ଝାଟିମାଟିର ଘର ଉଚ୍ଛେଦ କରିବା ପାଇଁ ଯୋଜନା କରାଯାଇଥିଲା ା ପୂର୍ତ୍ତ ବିଭାଗ ରିଙ୍ଗରୋଡ କଣ୍ଟିଜେନ୍ସି ଫଣ୍ଡରୁ ୩ଲକ୍ଷ ୫୦ହଜାର ଟଙ୍କା ବ୍ୟୟରେ ଉକ୍ତ ନିର୍ମାଣାଧୀନ ରିଙ୍ଗରୋଡ କଡରେ ଥିବା ସରକାରୀ ଜମିରେ ୫୦୦ ବର୍ଗଫୁଟ ଜମିରେ ଏକ ଆଜବେଷ୍ଟସ ଛାଉଣୀର ପକ୍କାଘର ତିଆରି କରିଥିଲା ା ଉକ୍ତ ଘରେ ପାଇଖାନା, ବାରଣ୍ଡା, ଶୟନ ଘର ଓ ରନ୍ଧାଘର ରହିଛି ା ଜଣେ ନେତ୍ର୍ରହୀନ ମହିଳାଙ୍କ ଘର ଉଚ୍ଛେଦ କରିବା ପୂର୍ବରୁ ପ୍ରଶାସନ ପକ୍କା ଘରଟିଏ ତିଆରି ହସ୍ତାନ୍ତର କରିବା ପଦକ୍ଷେପକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ା ମୁଦ୍ରା ଯୋଜନାରେ ୨୦ ହଜାର ଟଙ୍କା ଋଣ ଶୈଳେନ୍ଦ୍ରୀଙ୍କୁ ପ୍ରଦାନ କରାଯିବ ା ସେ ରିଙ୍ଗରୋଡ ରାସ୍ତାକଡରେ ଚା କିମ୍ବା ଅନ୍ୟ କିଛି ଦୋକାନ କରି ପରିବାର ପ୍ରତିପୋଷଣ ବ୍ୟବସ୍ଥା କରାଯିବ ବୋଲି ଉପଜିଲାପାଳ ମିଶ୍ର ସୂଚନା ଦେଇଛନ୍ତି ା
