ନୂଆଦିଲ୍ଲୀ, ୧।୬: ବିହାରର ଜାମୁଇ ଜିଲାର ଲକ୍ଷ୍ମୀପୁର ବ୍ଲକରୁ ଏକ ବିବାହ ଖବର ସାମ୍ନାକୁ ଆସିଛି, ଯାହା ବ୍ୟାପକ ଆଲୋଚନାର ବିଷୟ ପାଲଟିଛି। ହରଲା ଗାଁର ଜଣେ BPSC ଶିକ୍ଷୟିତ୍ରୀ ନୟନ ଶ୍ରୀ ତାଙ୍କ ସମ୍ପର୍କୀୟ ଭଉଣୀ ରାଖି କୁମାରୀଙ୍କୁ ବିବାହ କରିଛନ୍ତି। ବିବାହ ପୂର୍ବରୁ ରାଖି ଲିଙ୍ଗ ପରିବର୍ତ୍ତନ କରି ତାଙ୍କ ନାମ ରାହୁଲ ରଖିଥିଲେ। ମେ ୩୧, ୨୦୨୬ରେ ହିନ୍ଦୁ ରୀତିନୀତି ଅନୁଯାୟୀ ଲକ୍ଷ୍ମୀପୁରର ପାଟେଶ୍ୱରନାଥ ମନ୍ଦିରରେ ଉଭୟଙ୍ଙ୍କର ବିବାହ ହୋଇଛି।
ସ୍ଥାନୀୟ ଲୋକଙ୍କ ଅନୁସାରେ, ନୟନ ଶ୍ରୀ ଏବଂ ରାଖି କୁମାରୀ ପିଲାଦିନରୁ ପରସ୍ପରକୁ ଜାଣିଥିଲେ। ସେମାନେ ସମ୍ପର୍କୀୟ ଭଉଣୀ। ସେମାନେ ଏକାଠି ପାଠପଢ଼ିଥିଲେ ଏବଂ ୨୦୧୯ରେ ମାଟ୍ରିକ ପରୀକ୍ଷାରେ ପାସ କରିଥିଲେ । ଏହି ସମୟ ମଧ୍ୟରେ, ସେମାନେ ନିକଟତର ହୋଇଥିଲେ ଏବଂ ଏହି ବନ୍ଧୁତା ଧୀରେ ଧୀରେ ଏକ ପ୍ରେମ ସମ୍ପର୍କରେ ପରିଣତ ହୋଇଥିଲା। ଯାହାପରେ ଦୁହେଁ ଦୀର୍ଘ ସମୟ ଧରି ଏକାଠି ଜୀବନ ବିତାଇବାକୁ ନିଷ୍ପତ୍ତି ନେଇଥିଲେ।ହେଲେ ସେମାନଙ୍କ ପରିବାର ଏହି ସମ୍ପର୍କ ବିଷୟରେ ଅଜ୍ଞ ଥିଲେ।
ରିପୋର୍ଟ ଅନୁଯାୟୀ, ୨୦୨୩ରେ ନୟନ ଶ୍ରୀ ଏବଂ ରାଖି କୁମାରୀ BPSC ଶିକ୍ଷକ ନିଯୁକ୍ତି ପରୀକ୍ଷା ପାଇଁ ପ୍ରସ୍ତୁତି ପାଇଁ ପାଟନା ଯାଇଥିଲେ। ୨୦୨୫ରେ, ନୟନ ଶ୍ରୀ BPSC ପରୀକ୍ଷାରେ ପାସ କରିଥିଲେ ଏବଂ ବର୍ତ୍ତମାନ ଲକ୍ଷ୍ମୀପୁର ବ୍ଲକର ମେଦିନୀପୁରର ପ୍ରାଥମିକ ବିଦ୍ୟାଳୟରେ ଶିକ୍ଷୟିତ୍ରୀ ଭାବରେ କାର୍ଯ୍ୟ କରୁଛନ୍ତି। ଏହି ସମୟ ମଧ୍ୟରେ, ଦୁହେଁ ବିବାହ କରିବାକୁ ନିଷ୍ପତ୍ତି ନେଇଥିଲେ ଏବଂ ସେମାନଙ୍କ ସମ୍ପର୍କକୁ ଏକ ନୂତନ ନାମ ଦେବାକୁ ପ୍ରସ୍ତୁତି ଆରମ୍ଭ କରିଥିଲେ।
Odisha’s No.1 Odia Daily
