ବାଲେଶ୍ୱର ଅଫିସ, ୨୦।୭: ଦିଲ୍ଲୀରୁ ୧୦ଲକ୍ଷ ଟଙ୍କାର ଗହଣା ଚୋରି କରି ପଳାଇ ଆସିଥିବା ସୋର ଜିଲା ବାଲେଶ୍ୱର ଥାନା କରୁଣାକର ଗ୍ରାମର ରଘୁନାଥ ଦାସ (୨୯)ଙ୍କୁ ଶୁକ୍ରବାର ଦିଲ୍ଲୀ ପୋଲିସ ସୋର ପୋଲିସ ସହାୟତାରେ ଗିରଫ କରିଥିଲା। କରୁଣାକରଙ୍କୁ ଦିଲ୍ଲୀ ନିଆଯାଉଥିବା ବେଳେ ବାଲେଶ୍ୱର ରେଳଷ୍ଟେଶନ ରାସ୍ତାରେ ପୋଲିସ୍ଙ୍କୁ ଚକ୍ମା ଦେଖାଇ କରୁଣାକରଙ୍କ ଅନ୍ୟ ସାଥିମାନେ ତାଙ୍କୁ ଫେରାର କରାଇ ନେବାରେ ସଫଳ ହୋଇଛନ୍ତି।
ଦିଲ୍ଲୀ ଆଦର୍ଶନଗର ଥାନା ଅଞ୍ଚଳର କୁମାର ଖାରିଙ୍କ ଘରେ କରୁଣାକର କାମ କରୁଥିଲେ। ଗତ ଜୁନ୍ ୩ ତାରିଖରେ ଘରେ କେହି ନ ଥିବାବେଳେ ସେ ୨ଟି ହୀରା କାନଫୁଲ, ସୁନା ଚୁଡ଼ି, ଚେନ୍, ମଙ୍ଗଳସୂତ୍ର ଆଦି ୧୦ଲକ୍ଷ ଟଙ୍କାର ଗହଣା ଚୋରି କରି ପଳାଇଆସିଥିଲେ। ଏନେଇ ଗତ ଜୁନ୍ ୪ତାରିଖରେ ନିକଟସ୍ଥ ଥାନାରେ ଅଭିଯୋଗ କରିଥିଲେ। ସୋର ଆଇଆଇସି କ୍ଷମାସାଗର ପଣ୍ଡା ଅଭିଯୁକ୍ତ ଙ୍କୁ ଅଟକ ରଖି ଦିଲ୍ଲୀ ପୋଲିସକୁ ଖବର ଦେଇଥିଲେ। ଦିଲ୍ଲୀ ପୋଲିସ ସୋରରେ ପହଞ୍ଚତ୍ କରୁଣାକରଙ୍କୁ ବାଲେଶ୍ୱର ଜଜ୍ଙ୍କ ନିକଟରେ ହାଜର କରାଇ ଶୁକ୍ରବାର ମଧ୍ୟରାତ୍ରରେ ବାଲେଶ୍ୱର ରେଳଷ୍ଟେଶନ ରାସ୍ତାରେ ଦିଲ୍ଲୀ ନେଇ ଯାଉଥିଲେ। ଏହି ସମୟରେ ଦୁଇଜଣ ଯୁବକ ୨ଟି ମୋଟରସାଇକେଲରେ ଆସି ପଛପଟରୁ ଦିଲ୍ଲୀ ପୋଲିସକୁ ଧକ୍କା ଦେଇଥିଲେ। ପୋଲିସ କର୍ମଚାରୀ ପଡିଯିବା ପରେ ମୋଟରସାଇକେଲରେ ବସି ଘଟଣାସ୍ଥଳରୁ ଫେରାର ହୋଇଯାଇଛନ୍ତି।
