ମୁମ୍ବାଇ: ବଲିଉଡ୍ ଅଭିନେତ୍ରୀ ଦିବ୍ୟାଙ୍କା ତ୍ରିପାଠୀଙ୍କ ଭୋପାଳସ୍ଥିତ ଘର ବାହାରେ ‘କୋଭିଡ୍-୧୯ ଡୁ ନଟ୍ ଭିଜିଟ୍’ ନୋଟିସ୍ ଲଗାଯାଇଛି। କାରଣ ତାଙ୍କ ଭାଇ ଐଶ୍ୱର୍ଯ୍ୟ ତ୍ରିପାଠୀ ଇଣ୍ଡିଗୋ ଫ୍ଲାଇଟ୍ରେ ପାଇଲଟ୍ ଥିଲେ। ଫ୍ଲାଇଟ୍ ଉଡ଼ାଣ କରି କିଛିଦିନ ତଳେ ସେ ଭୋପାଳ ଫେରିଥିଲେ। ତେଣୁ ତାଙ୍କୁ କ୍ୱାରାଣ୍ଟାଇନ୍ରେ ରହିବା ପାଇଁ କୁହାଯାଇଥିଲା। ଭଉଣୀ ଦିବ୍ୟାଙ୍କା କହିଛନ୍ତି ସେ କରୋନା ସଂକ୍ରମିତ ନୁହନ୍ତି। ସୁରକ୍ଷା ଦୃଷ୍ଟିରୁ ତାଙ୍କୁ କ୍ୱାରାଣ୍ଟାଇନ୍ରେ ରହିବା ପାଇଁ କୁହାଯାଇଛି।
ଏକ ସାକ୍ଷାତକାରରେ ଦିବ୍ୟାଙ୍କା କହିଛନ୍ତି, ମୋ’ ଭାଇ ୧୩ ଦିନ ତଳେ ଫ୍ଲାଇଟ୍ ଚଳାଇଥିଲେ। ତାଙ୍କଠାରେ କରୋନା ଭାଇରସ୍ର କୌଣସି ଲକ୍ଷଣ ନାହିଁ। ଏହାବ୍ୟତୀତ ପ୍ରତିଦିନ ଅଧିକୃତ ସରକାରୀ ଡାକ୍ତର ତାଙ୍କ ସ୍ବାସ୍ଥ୍ୟର ଯାଞ୍ଚ କରୁଛନ୍ତି। ଆମେ ନିଜ ସୁରକ୍ଷା ପାଇଁ ତାଙ୍କୁ କ୍ୱାରାଣ୍ଟାଇନ୍ରେ ରଖିଛୁ। ଏହାର ଅର୍ଥ ନୁହେଁ ସେ କରୋନା ଭାଇରସ୍ରେ ସଂକ୍ରମିତ। ଏହା କେବଳ ସୁରକ୍ଷା ଉପାୟ।
ଦିବ୍ୟାଙ୍କା ସୋସିଆଲ ମିଡିିଆରେ ମଧ୍ୟ ସଫେଇ ଦେଇଛନ୍ତି। ସେ ଲେଖିଛନ୍ତି, ମୋ ଭାଇ ପାଇଲଟ୍। ସେ ନିଜ ଇଚ୍ଛାରେ କ୍ୱାରାଣ୍ଟାଇନ୍ରେ ଥିଲେ। ୧୩ ଦିନ ଭିତରେ ତାଙ୍କଠାରେ ସେପରି କୌଣସି ଲକ୍ଷଣ ଦେଖାଯାଇନାହିଁ। ଯଦି ସେ ଆକ୍ରାନ୍ତ ହୋଇଥାନ୍ତେ ତେବେ ତାଙ୍କୁ ସ୍ବତନ୍ତ୍ର ଭାବରେ ଚିକିତ୍ସା କରାଯାଇଥା’ନ୍ତା। ଅଧିକାରୀମାନେ ଆମ ଭୋପାଳ ଘର ବାହାରେ ନୋଟିସ୍ ମାରିଛନ୍ତି। ଯାହା ଜରୁରୀ ଥିଲା। ମାତ୍ର ଏହା ନୁହେଁ କି , ମୋ’ ଭାଇ କରୋନା ପଜିଟିଭ୍। କାହାର ସମ୍ମାନରେ ଆଞ୍ଚ ଆସିବାକୁ ଦିଅନ୍ତୁ ନାହିଁ। ଧନ୍ୟବାଦ ନ ଦିଅନ୍ତୁ ମାତ୍ର ସମ୍ମାନର ସହ ବଞ୍ଚିବାକୁ ଦିଅନ୍ତୁ।
