ଭୋଗରାଇ,୧୦।୭(ଡି.ଏନ୍.ଏ.): ବାଲେଶ୍ୱର ଜିଲା ଭୋଗରାଇ ସୀମାନ୍ତ ସାହାବାଜିପୁରସ୍ଥିତ ଏକ ଗେଷ୍ଟହାଉସ୍ରୁ ୨ ବଙ୍ଗୀୟ ଯୁବତୀଙ୍କୁ ସ୍ଥାନୀୟ ଯୁବକମାନେ ଧରି ତାଳସାରୀ ମେରାଇନ ଥାନାରେ ଜିମା ଦେଇଛନ୍ତି। ଉକ୍ତ ଯୁବତୀଦ୍ୱୟଙ୍କୁ ଦିଘାରୁ ଦଲାଲମାନେ ହୋଟେଲ୍ରେ ରୁମ୍ ଦେବାକୁ କହି ନେଇ ଆସି ଉକ୍ତ ଗେଷ୍ଟହାଉସ୍ରେ ରଖିଥିଲେ। ସେଠାରେ ମଙ୍ଗଳବାର ରାତିରେ ତାଙ୍କୁ ବଳାତ୍କାର କରାଯାଇଥିବା ଯୁବତୀଦ୍ୱୟ ପୋଲିସ ନିକଟରେ ପ୍ରକାଶ କରିଛନ୍ତି। ତେବେ ସେମାନଙ୍କ ବୟାନ ବଦଳୁଥିବାରୁ ସେମାନେ ଗଣବଳାତ୍କାରର ଶିକାର ନା ପେସାଦାର ଯୌନକର୍ମୀ ତାହା ପୋଲିସ ଲାଗି ମୁଣ୍ଡବିନ୍ଧାର କାରଣ ପାଲଟିଛି। ଅଦ୍ୟାବଧି ଯୁବତୀ କିମ୍ବା ତାଙ୍କର ସମ୍ପର୍କୀୟ ଥାନାରେ ଅଭିଯୋଗ କରି ନ ଥିବା ପୋଲିସ କହିଛି।
