ନୟାଗଡ଼ ଅଫିସ,୧୪।୮- ନୟାଗଡ଼ ଜିଲା ଓଡ଼ଗାଁ ବ୍ଳକ ଶରଧାପୁର ଗ୍ରାମରେ ଘରର ତାଜା ଭୁଶୁଡ଼ି ୩ ଜଣ ମହିଳା ଆହତ ହୋଇଛନ୍ତି। ସେମାନେ ହେଲେ ଶରଧାପୁର ତଳସାହିର ପ୍ରମିଳା ସାହୁ (୪୭), ସୁଷମା ସାହୁ (୪୩) ଓ ବାସନ୍ତୀ ସାହୁ (୪୩)। ପ୍ରକାଶ ଯେ, ସମସ୍ତ ମହିଳା ଗୋଟିଏ ପରିବାର ସଦସ୍ୟ। ମଙ୍ଗଳବାର ଅପରାହ୍ନ ୧ଟା ୩୦ରେ ଏମାନେ ବାରଣ୍ଡାରେ ବସି କଥା ହେଉଥିଲେ। ୩ ଦିନ ହେଲାଣି ଲଗାଣ ବର୍ଷାରେ ତାଜାଟି ପାଣି ଖାଇ ରହିଥିଲା। ହଠାତ୍ ତାହା ୩ ଜଣଙ୍କ ଉପରେ ଭାଙ୍ଗି ପଡ଼ିଥିଲା। ସଙ୍ଗେ ସଙ୍ଗେ ସମସ୍ତଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ପ୍ରମିଳା ଓ ସୁଷମା ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ବେଳେ ବାସନ୍ତୀଙ୍କ ଗୋଡ ଭାଙ୍ଗିଯାଇ ଗୁରୁତର ହୋଇଥିବାରୁ ତାଙ୍କୁ ଭୁବନେଶ୍ୱରକୁ ସ୍ଥାନାନ୍ତର କରାଯାଇଛି।
