ଡାଲା ଅଟୋ- ବାଇକ୍‌ ଧକ୍କା: ଜଣେ ମୃତ, ୭ ଆହତ
5:24 pmMarch 10, 2020 / 21

ଆସିକା,୧୦।୩(ଡି.ଏନ୍‌.ଏ.)- ଆସିକା-ଭଞ୍ଜନଗର ମୁଖ୍ୟ ରାସ୍ତାର ଗାଙ୍ଗପୁର ଥାନା ନିମିନା ଗ୍ରାମ ନିକଟରେ ସୋମବାର ରାତିରେ ଏକ ଡାଲା ଅଟୋ ସହ ବାଇକ୍‌ ମୁହଁାମୁହିଁ ଧକ୍କା ହେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ୭ଜଣ ଆହତ ହୋଇଛନ୍ତି। ମୃତକ ହେଲେ ବାଇକ୍‌ ଆରୋହୀ ଦଣ୍ଡପାଣି ସେଠୀ (୫୫)। ଆହତମାନେ ହେଲେ ପୀତବାସ ଡାକୁଆ, ସନିଆ ସାହୁ, ଆଲୋକ ରାଉତ, ତ୍ରିଲୋଚନ ସାହୁ, ଶ୍ରୀଧର ସାହୁ, ଶିବ ସାହୁ, ଅଳିଆ ସାହୁ।
ଦଣ୍ଡପାଣି ନିଜ ବାଇକ୍‌ରେ ଆସୁଥିବା ବେଳେ ଡାଲାଅଟୋ ସହ ଧକ୍କା ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ସମସ୍ତ ଆହତଙ୍କୁ ଉଦ୍ଧାର କରାଯାଇ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ଦଣ୍ଡପାଣିଙ୍କୁ ମୃତ ଘୋଷଣା କରିଥିଲେ। ତ୍ରିଲୋଚନ ଓ ଅଳିଆଙ୍କୁ ବ୍ରହ୍ମପୁର ବଡ଼ ମେଡିକାଲ ସ୍ଥାନାନ୍ତର କରାଯାଇଛି। ଖବର ପାଇ ଗାଙ୍ଗପୁର ପୋଲିସ ଘଟଣାସ୍ଥଳରେ ପହଞ୍ଚତ୍ ନଂ. ୫୩/୨୦ରେ ମାମଲା ରୁଜୁ କରି ତଦନ୍ତ ଚଳାଇଛି।