ଖଇରା, ୧୩।୮(ଉତ୍କଳବନ୍ଧୁ ପଣ୍ଡା)-ଆଖିରେ ଆଖିଏ ସ୍ବପ୍ନ ା ଅନ୍ୟ ସାଙ୍ଗମାନଙ୍କ ଭଳି ବହି ବସ୍ତାନି ଧରି ସ୍କୁଲ ଯିବାକୁ ଇଚ୍ଛା ା ହେଲେ ଆଖି ୨ଟି ତାଙ୍କର ସବୁ ଆଶାରେ ବାଧକ ସାଜିଛି। ଦୃଷ୍ଟିହୀନତା ତାଙ୍କ ଚଲାପଥରେ କଣ୍ଟା ହୋଇ ଛିଡା ହୋଇଛି ା ସବୁକିଛି କରିବାର ଆକାଂକ୍ଷାକୁ ମନରେ ଚାପି ଯନ୍ତ୍ରଣାରେ ଛଟପଟ ହେଉଥିବା ୧୩ ବର୍ଷର ଝିଅ ହେଲେ ବାଲେଶ୍ୱର ଜିଲା ଖଇରା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ଚାନ୍ଦଗୋଛି ଗ୍ରାମର ସବିତା ବେହେରା। ମା’ କନକଲତା ବେହେରା ଓ ବାପା ଚକ୍ରଧର ବେହେରାଙ୍କର ସେ ଏକମାତ୍ର ଝିଅ।
୨୦୦୭ ମାର୍ଚ୍ଚ ୩୦ତାରିଖରେ ଜନ୍ମ ହେବାର ୨ଦିନ ମଧ୍ୟରେ ସବିତା ଆଖି ମିଟି ମିଟି କରିବା ମା’ବାପାଙ୍କୁ ଅଡୁଆ ଲାଗିଥିଲା ା ବାଲେଶ୍ୱର ହସି୍ଟାଲରେ ଚକ୍ଷୁ ବିଶେଷଜ୍ଞଙ୍କୁ ଦେଖାଇବା ପରେ ଝିଅଟି ଦୃଷ୍ଟିଶକ୍ତି ହରାଇଥିବା କହିଥିଲେ। ଏକଥା ଶୁଣିବା ପରେ ଚକ୍ରଧରଙ୍କ ମାଟିତଳୁ ଗୋଡ ଖସିଯିବା ଭଳି ଲାଗିଥିଲା। ରୋଟାରୀ କ୍ଲବ ମାଧ୍ୟମରେ ୮୦ହଜାରରୁ ଊର୍ଦ୍ଧ୍ୱ ଟଙ୍କା ଖର୍ଚ୍ଚ କରି ମା’ ବାପା ଝିଅର ଅସ୍ତ୍ରୋପଚାର କରାଇଥିଲେ। ଆଖିରେ ଚଷମା ଲଗାଇ ସେ ସବୁ ଜିନିଷ ଦେଖିପାରୁଥିଲେ। ପ୍ରଥମେ ଶ୍ରୀ ଗଣେଶ ଶିଶୁ ମନ୍ଦିର ଓ ପରେ ଝାଟିଆ ପ୍ରାଥମିକ ବିଦ୍ୟାଳୟରେ ଅନ୍ୟ ପିଲାଙ୍କ ସହ ମିଶି ତୃତୀୟ ଶ୍ରେଣୀ ପର୍ଯ୍ୟନ୍ତ ସବିତା ପାଠ ପଢିଲେ। ଏହାପରେ ପୁଣି ଦୃଷ୍ଟିଶକ୍ତି ଧୀରେ ଧୀରେ କମିବାରେ ଲାଗିଲା। କିଛି ଦିନ ମଧ୍ୟରେ ଆଖି ୨ଟି ସମ୍ପୂର୍ଣ୍ଣ ନିଷ୍କ୍ରିୟ ହୋଇଗଲା ା ଅନ୍ୟ ଗାଡିରେ ଡ୍ରାଇଭର ଭାବେ କାର୍ଯ୍ୟ କରି ଜୀବିକା ନିର୍ବାହ କରୁଥିବା ଚକ୍ରଧରଙ୍କ ଆର୍ଥତ୍କ ଚିନ୍ତା ପୁଣି ବଢିଲା। ଭୁବନେଶ୍ୱରର ଏକ ଘରୋଇ ହସପିଟାଲରେ ଝିଅକୁ ଦେଖାଇ ପୁଣି ଚିକିତ୍ସା ଆରମ୍ଭ କରାଗଲା। ଚିକିତ୍ସାରେ ୩ଲକ୍ଷ ଟଙ୍କା ଖର୍ଚ୍ଚ କରିସାରିଲେଣି ା ତଥାପି ତାଙ୍କର ଦୃଷ୍ଟିଶକ୍ତି ସମ୍ପୂର୍ଣ୍ଣ ଫେରିପାରୁନାହିଁ ା ଡାକ୍ତର କହୁଛନ୍ତି ବଡ ଧରଣର ଅସ୍ତ୍ରୋପଚାର ପାଇଁ ଆହୁରି ୮୦ହଜାର ଦରକାର। ଏଭଳି ଅର୍ଥ ଚିନ୍ତାରେ ମା’ ବାପା ଖାଇବା ପିଇବା ଭୁଲିଗଲେଣି ା ଶହେ ପ୍ରତିଶତ ଦିବ୍ୟାଙ୍ଗ ପ୍ରମାଣପତ୍ର ଥାଇ ବି ତାଙ୍କୁ ଭତ୍ତା କି ଇନ୍ଦିରା ଆବାସ ମିଳିପାରୁନାହିଁ ା ସେପଟେ ଭୁବନେଶ୍ୱରରେ ଅନ୍ଧପିଲାଙ୍କ ପାଇଁ ସ୍ବତନ୍ତ୍ର ସ୍କୁଲ ଥିବା କଥା ଚକ୍ରଧର ଶୁଣିଥିବା ଏବଂ ଝିଅକୁ ସେଠାରେ ପଢାଇବାକୁ ଇଚ୍ଛା ଥିଲେ ବି କେମିତି ସେଠାକୁ ଯିବେ ସାହସ ଜୁଟାଇ ପାରୁନାହାନ୍ତି ା ଭତ୍ତା ସମ୍ପର୍କରେ ବିଭାଗୀୟ ଅଧିକାରୀ ଚନ୍ଦ୍ରକାନ୍ତ ଭଲ୍ଲୁକଙ୍କୁ ଯୋଗାଯୋଗ କରିବାରେ ଛୁଟି ପରେ ସେ ଅନୁଧ୍ୟାନ କରିବେ ବୋଲି କହିଛନ୍ତି ା
