ଝାରସୁଗୁଡ଼ା ଅଫିସ/ଲଖନପୁର, ୧୨।୯(ଡି.ଏନ୍.ଏ.): ଝାରସୁଗୁଡ଼ା ଜିଲା ମୁଖ୍ୟ ଡାକ୍ତରଖାନାରେ ଚିକିସତ୍। ଅବହେଳାରୁ ଜଣେ ରୋଗୀଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି । ଏପରି କି ଜଣେ ନର୍ସ ସଂପୃକ୍ତ ବ୍ୟକ୍ତିଙ୍କ ମୃତଦେହରେ ସାଲାଇନ୍ ଲଗାଇବା ସହ ଇଞ୍ଜେକଶନ ଦେବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି । ଏହାର ଭିଡିଓ ଭାଇରାଲ ହେବା ପରେ ସମସ୍ତ ଚିତ୍ର ସାମ୍ନାକୁ ଆସିଛି ।
ମିଳିଥିବା ସୂଚନା ଅନୁଯାୟୀ, ଝାରସୁଗୁଡ଼ା ଜିଲା ଲଇକେରା ବ୍ଲକ ଖୁଣ୍ଟାପାଲି ପଞ୍ଚାୟତ ଜାଲିମାଲ ଗ୍ରାମର କ୍ଷେତ୍ରମଣି କୁସୁମ(୩୦)ଙ୍କୁ ବୁଧବାର ପରିବାର ଲୋକ ଗୁରୁତର ଅବସ୍ଥାରେ ଝାରସୁଗୁଡ଼ା ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ। ଏହାର କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା । ଚିକିସତ୍। ଅବହେଳାରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଥିଲେ। ଏନେଇ ଉତ୍ତେଜନା ପ୍ରକାଶ ପାଇଥିଲା। କ୍ଷେତ୍ରମଣିଙ୍କର ମାନସିକ ବିକୃତି ଥିଲା। ସେ ବୁଧବାର ଦିନ ପ୍ରାୟ ୧୧ଟାରେ କୀଟନାଶକ ପିଇ ଦେଇଥିଲେ। ପରିବାର ଲୋକ ତାଙ୍କୁ ଗୁରୁତର ଅବସ୍ଥାରେ ଦିନ ୧୨ଟାରେ ଜିଲା ମୁଖ୍ୟ ଚିକିସତ୍ାଳୟରେ ଭର୍ତ୍ତି କରିଥିଲେ। ସେଠାରେ ସ୍ବାସ୍ଥ୍ୟକର୍ମୀମାନେ କ୍ଷେତ୍ରମଣିଙ୍କୁ ଦେଖିଲା ପରେ ଡାକ୍ତରଖାନାର ଉପର ମହଲାକୁ ନେବାକୁ କହିଥିଲେ। ହେଲେ ସେଠାରେ କେହି ନ ଥିବାରୁ ପୁଣି ପରିବାର ଲୋକ ତାଙ୍କୁ ତଳକୁ ଆଣିଥିଲେ। ଏପରି ଉପର ତଳ ହେବାରେ ସମୟ ଅତିବାହିତ ହୋଇଥିଲା। ଫଳରେ କ୍ଷେତ୍ରମଣିଙ୍କ ସ୍ବାସ୍ଥ୍ୟାବସ୍ଥା ଅତି ଗୁରୁତର ହୋଇପଡିଥିଲା। ଏହାର କିଛି ସମୟ ପରେ ଡାକ୍ତର ପହଞ୍ଚତ୍ ଚିକିସତ୍ା ଆରମ୍ଭ କରିଥିଲେ ମଧ୍ୟ କ୍ଷେତ୍ରମଣିଙ୍କ ମୃତ୍ୟୁ ଘଟିଥିଲା। କ୍ଷେତ୍ରମଣିଙ୍କ ମୃତ୍ୟୁ ପରେ ବି ଦାୟିତ୍ୱରେ ଥିବା ନର୍ସ ଚିକିସତ୍। ଜାରି ରଖି ସାଲାଇନ୍ ଲଗାଇଥିଲେ। ଏହାର କିଛି ସମୟ ପରେ ତାଙ୍କୁ ଇଞ୍ଜେକ୍ଶନ ଦେଇଥିଲେ । ଡାକ୍ତରଖାନାରେ ଉପସ୍ଥିତ ଥିବା ମୃତକଙ୍କ ଭାଇ ଛାତ୍ରଲାଲ୍ ଏ ଘଟଣା ଦେଖି ବିରୋଧ କରିବା ସହ ଜଣେ ରୋଗୀଙ୍କ ମୃତ୍ୟୁ ପରେ ମଧ୍ୟ କାହିଁକି ସାଲାଇନ୍ ଓ ଇଞ୍ଜେକ୍ଶନ ଦିଆଯାଉଛି ବୋଲି ସ୍ବାସ୍ଥ୍ୟ କର୍ମଚାରୀଙ୍କୁ ପ୍ରଶ୍ନ କରିଥିଲେ। ହେଲେ ଛାତ୍ରଲାଲ୍ଙ୍କୁ ସ୍ବାସ୍ଥ୍ୟ କର୍ମଚାରଙ୍କଠାରୁ କୌଣସି ସନ୍ତୋଷଜନକ ଉତ୍ତର ମିଳି ନ ଥିଲା। ତା’ପରେ ଚିକିସତ୍। ଛାଡ଼ି ସ୍ବାସ୍ଥ୍ୟ କର୍ମଚାରୀମାନେ ସେଠାରୁ ଚାଲି ଯାଇଥିଲେ । ଏହି ସବୁ ଘଟଣାବଳୀକୁ କେହି ଜଣେ ବ୍ୟକ୍ତି ମୋବାଇଲ ଫୋନ୍ରେ ରେକଡିଂ କରି ସୋସିଆଲ ମିଡିଆରେ ଅପ୍ଲୋଡ଼ କରିଥିଲେ। ତାହା ଭାଇରାଲ ହେବା ପରେ ଗଣମାଧ୍ୟମ ପ୍ରତିନିଧି ମୁଖ୍ୟ ଚିକିସତ୍ାଳୟରେ ପହଞ୍ଚତ୍ ଖୋଲତାଡ଼ କରିଥିଲେ। ଏନେଇ ଅତିରିକ୍ତ ମୁଖ୍ୟ ଚିକିତ୍ସକ ଡା.ଆର୍.କେ. ଚୌଧୁରୀ କହିଛନ୍ତି, ବିଷକ୍ରିୟା ଯୋଗୁ ଯୁବକଙ୍କ ଛାତିରେ ପାଣି ଜମି ଯାଇଥିଲା। ଗୁରୁତର ଅବସ୍ଥାରେ ଚିକିସତ୍। କରାଯାଉଥିବାବେଳେ ତାଙ୍କର ମୃତ୍ୟୁ ହୋଇଛି। ଚିକିସତ୍ରେ। କୌଣସି ଅବହେଳା କରାଯାଇ ନାହିଁ ବୋଲି ସେ କହିଛନ୍ତି।
