ଝାରସୁଗୁଡା ଅଫିସ୍/ଲଖନପୁର,୧୪ା୯(ଡି.ଏନ୍.ଏ.):
ସ୍ବାସ୍ଥ୍ୟ ଓ ପରିବାର କଲ୍ୟାଣମନ୍ତ୍ରୀ ନବ କିଶୋର ଦାସଙ୍କ ନିର୍ବାଚନମଣ୍ଡଳୀ ଝାରସୁଗୁଡ଼ାରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡ଼ିଛି। ଜିଲା ମୁଖ୍ୟ ଚିକିସତ୍ାଳୟରେ ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କ ଅବହେଳାରୁ ଗୋଟିଏ ପରେ ଗୋଟିଏ ରୋଗୀଙ୍କ ଜୀବନହାନି ହେବାରେ ଲାଗିଛି। ଏହାର ପ୍ରତିବାଦରେ ଜିଲା ଭାଜପା ଯୁବମୋର୍ଚ୍ଚା ତରଫରୁ ଶୁକ୍ରବାର ମଧ୍ୟାହ୍ନରେ ଝାରସୁଗୁଡ଼ା ଶୁକ୍ରବାର ବଜାର ସମ୍ମୁଖରୁ ଏକ ଶୋଭାଯାତ୍ରା ବାହାରି ବଜାର ମୁଖ୍ୟ ମାର୍ଗଦେଇ ଷ୍ଟେଶନ୍ ଛକରେ ପହଞ୍ଚତ୍ଥିଲା। ସେଠାରେ ଭାଜପା ନେତା ଓ କର୍ମୀମାନେ ସ୍ବାସ୍ଥ୍ୟମନ୍ତ୍ରୀଙ୍କ ଅପାରଗତାକୁ ଦାୟୀକରି ତାଙ୍କ ବିରୋଧରେ ବିଭିନ୍ନ ସ୍ଲୋଗାନ ଦେଇଥିଲେ। ଏହି ପରିପେକ୍ଷୀରେ ସେମାନେ ସ୍ବାସ୍ଥ୍ୟ ଓ ପରିବାର କଲ୍ୟାଣମନ୍ତ୍ରୀ ଦାସଙ୍କ କୁଶପୁତ୍ତଳିକା ଦାହ କରିଥିଲେ। ଏଥିରେ ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦୀନେଶ ଜୈନ, ଜିଲା ଭାଜପା ଯୁବମୋର୍ଚ୍ଚା ସଭାପତି ବଲବିନ୍ଦର ସିଂହ, ସାଧାରଣ ସମ୍ପାଦକ ନୀଳାମ୍ବର ଦଣ୍ଡସେନା, ରାଜ୍ୟ ଯୁବମୋର୍ଚ୍ଚା ସଂଯୋଜକ ବିଶ୍ୱଜିତ ଷଡଙ୍ଗୀ, ନରେଶ ନାୟକ, ସତ୍ୟନାରାୟଣ ବହିଦାର ପ୍ରମୁଖ ଶତାଧିକ ଦଳୀୟକର୍ମୀ ଉପସ୍ଥିତ ଥିଲେ।
ଗତ ବୁଧବାର ଜିଲା ମୁଖ୍ୟ ଚିକିସତ୍ାଳୟରେ ଚିକିସତ୍ା ଅବହେଳାରୁ ଲଇକେରା ବ୍ଲକ ଖୁଣ୍ଟାମାଲ ପଞ୍ଚାୟତ ଜାଲିମାଲ ଗ୍ରାମର କ୍ଷେତ୍ରମଣି କୁସୁମ(୩୦)ଙ୍କ ମୃତ୍ୟୁ ହୋଇଥିଲା। ମୃତ୍ୟୁ ପରେ ମଧ୍ୟ ସ୍ବାସ୍ଥ୍ୟକର୍ମୀମାନେ ତାଙ୍କୁ ସାଲାଇନ୍ ଓ ଇଞ୍ଜେକ୍ସନ ଦେଇ ଚିକିସତ୍ା ଜାରି ରଖିଥିଲେ। ଏନେଇ ସାମାଜିକ ଗଣମାଧ୍ୟମରେ ଭିଡିଓ ଭାଇରାଲ୍ ହେବାପରେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ଏହା ଏକ ସମ୍ବେଦନଶୀଳ ଘଟଣା ହୋଇଥିବାରୁ ସାରାରାଜ୍ୟରେ ଚର୍ଚ୍ଚାର ବିଷୟ ହୋଇଥିଲା। ଖୋଦ୍ ସ୍ବାସ୍ଥ୍ୟମନ୍ତ୍ରୀଙ୍କ ଜିଲାରେ ଏଭଳି ଦୁଃଖଦ ଘଟଣାକୁ ନେଇ ବିଭିନ୍ନ ରାଜନୈତିକ ଦଳ ପକ୍ଷରୁ ମଧ୍ୟ ନିନ୍ଦା କରାଯାଇଥିଲା। ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣମନ୍ତ୍ରୀ ଦାସ ଝାରସୁଗୁଡା ଜିଲା ମୁଖ୍ୟ ଚିକିସତ୍ାଳୟର ଅତିରିକ୍ତ ମୁଖ୍ୟ ଚିକିସତ୍କଙ୍କୁ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି। ସେହିଭଳି ଗତ ଜୁଲାଇ ୨୦ ତାରିଖରେ ଝାରସୁଗୁଡ଼ା ରେଳବାଇ କଲୋନୀ ବାସିନ୍ଦା ଶନି ଷଣ୍ଢଙ୍କ ୯ ମାସର ଶିଶୁପୁତ୍ର ସାହିଲ ଗରମ ଡାଲିରେ ପଡି ଆହତ ହୋଇଥିଲେ। ତାଙ୍କୁ ଚିକିସତ୍ା ପାଇଁ ପରିବାର ଲୋକ ଜିଲା ମୁଖ୍ୟ ଚିକିସତ୍ାଳୟରେ ଭର୍ତ୍ତି କରିଥିଲେ। ହେଲେ ପରେ ଚିକିସତ୍ା ଅବହେଳାରୁ ସାହିଲର ମୁତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଥିଲେ। ଏ ଘଟଣାକୁ ନେଇ ସେ ସମୟରେ ଝାରସୁଗୁଡ଼ାରେ ଆଇନ୍ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ସେତେବେଳେ ସ୍ବାସ୍ଥ୍ୟମନ୍ତ୍ରୀ ଦାସ ଝାରସୁଗୁଡ଼ାରେ ପହଞ୍ଚତ୍ ଘଟଣାର ତଦନ୍ତ ନିର୍ଦ୍ଦେଶ ଦେବା ସହ ମୃତକଙ୍କ ପରିବାରକୁ କ୍ଷତିପୂରଣ ଦେବା ପାଇଁ ପ୍ରତିଶ୍ରୁତି ଦେଇଥିଲେ। ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜୈନ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ରାଜ୍ୟ ସରକାରଙ୍କ ମନ୍ତ୍ରିମଣ୍ଡଳରେ ଝାରସୁଗୁଡ଼ା ବିଧାୟକ ନବ କିଶୋର ଦାସ ସ୍ବାସ୍ଥ୍ୟ ମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କଲାପରେ ଜିଲାବାସୀ ସ୍ବାସ୍ଥ୍ୟ କ୍ଷେତ୍ରରେ ସୁଧାର ଆସିବ ବୋଲି ଆଶା ବାନ୍ଧିଥିଲେ। ସରକାରଙ୍କ ତରଫରୁ ଝାରସୁଗୁଡ଼ାରେ ଜିଲା ମୁଖ୍ୟ ଚିକିସତ୍ାଳୟ ପାଇଁ ୬ ମହଲା କୋଠା ନିର୍ମାଣ କରାଯାଇଛି। ଏଠାରେ ଆବଶ୍ୟକ ଡାକ୍ତର, କର୍ମଚାରୀ, ଆଧୁନିକ ସ୍ବାସ୍ଥ୍ୟ ଉପକରଣ ଯନ୍ତ୍ରପାତି, ପାନୀୟଜଳ, ଲାଇଟ୍, ରାସ୍ତା ଆଦି ସୁବିଧା ସୁଯୋଗନାହିଁ। ଫଳରେ ମୁଖ୍ୟ ଚିକିସତ୍ାଳୟରେ ରୋଗୀସେବା ଦିନକୁଦିନ ବିପର୍ଯ୍ୟସ୍ତ ହେବାରେ ଲାଗିଛି।
