ଢେଙ୍କାନାଳ ଅଫିସ,୨ା୮- ଢେଙ୍କାନାଳ ଜିଲା କ୍ରୀଡା ସଂଘ ପକ୍ଷରୁ ସ୍ଥାନୀୟ ଷ୍ଟାଡିୟମଠାରେ ଚାଲିଥିବା ବିଦ୍ୟାଳୟସ୍ତରୀୟ ଫୁଟବଲ ପ୍ରତିଯୋଗିତାର ଶୁକ୍ରବାର ଅନୁଷ୍ଠିତ ମ୍ୟାଚରେ ସଦର ବ୍ଲକ, ଭୁବନ ବ୍ଲକକୁ ଟାଇବ୍ରେକର ଜରିଆରେ ୫-୩ ଗୋଲରେ ପରାସ୍ତ କରି କ୍ୱାଟର ଫାଇନାଲରେ ପ୍ରବେଶ କରିଛି। ନିର୍ଦ୍ଧାରିତ ସମୟରେ ଦୁଇ ଦଳ ମଧ୍ୟରେ ମ୍ୟାଚ ୧-୧ ଗୋଲରେ ଅମିମାଂସିତ ରହିଥିଲା। ଏହାପରେ ଟାଇବ୍ରେକର ଜରିଆରେ ସଦର ବ୍ଲକ ବିଜୟୀ ହୋଇଥିଲା। ରେଫରୀ ପର୍ଶୁରାମ ମିଶ୍ର, ସନ୍ତୋଷ କୁମାର କାନୁନଗୋ, ଅମୁଲ୍ୟ ସାମଲ, ଅଭିଜିତ ମିଶ୍ର ପରିଚାଳନା କରିଥିଲେ। ମାୟାଧର ସାହୁ ମ୍ୟାଚ କମିଶନର ରହିଥିଲେ। ମୁଖ୍ୟଅତିଥି ଭାବେ ବରିଷ୍ଠ କ୍ରୀଡାବିତ ଦେବେନ୍ଦ୍ରନାଥ ପଟ୍ଟନାୟକ ଯୋଗ ଦେଇଥିଲେ। କ୍ରୀଡା ସଂଘ ଉପସଭାପତି ସଞ୍ଜୟ କୁମାର ଭଞ୍ଜ, ସଭ୍ୟ ଶତୃଘ୍ନ ମାଟି, ଅଜୟ କୁମାର ସ୍ବାଇଁ, ପ୍ରେମାନନ୍ଦ ବିହାରୀ, ପ୍ରତାପ ମହାନ୍ତି ଉପସ୍ଥିତ ଥିଲେ। ଶନିବାର ହିନ୍ଦୋଳ ବ୍ଲକ ଓ ମଣ୍ଟଫୋର୍ଟ ସ୍କୁଲ ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି କ୍ରୀଡା ସଂଘ ସମ୍ପାଦକ ନଳିନୀ କୁମାର ଦାସ ଜଣାଇଛନ୍ତି।
