Posted inଜାତୀୟ

ଜାତି ଉଦ୍ଦେଶ୍ୟରେ ପ୍ରଧାନମନ୍ତ୍ରୀଙ୍କ ବାର୍ତ୍ତା: ଉପତ୍ୟକା ଓ ଲଦାଖର ବିକାଶରେ ସହାୟକ ହୁଅନ୍ତୁ

ନୂଆଦିଲ୍ଲୀ,୮।୮(ପି.ଟି./ଆଇଏଏନ୍‌ଏସ୍‌)-
ଜମ୍ମୁ-କଶ୍ମୀରରେ ଖୁବ୍‌ଶୀଘ୍ର ବିଧାନସଭା ନିର୍ବାଚନ ଅନୁଷ୍ଠିତ ହେବ। ଉପତ୍ୟକାବାସୀ ସେମାନଙ୍କ ମତାଧିକାର ସାବ୍ୟସ୍ତ କରି ନିଜ ନିଜ ପ୍ରତିନିଧି ବାଛିବାର ସୁଯୋଗ ପାଇବେ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ସ୍ପଷ୍ଟ କରିବା ସହ ଏହାକୁ ନେଇ ରହିଥିବା ଅନିଶ୍ଚିତତା ଦୂର କରିଛନ୍ତି। ସମ୍ବିଧାନ ଅନୁଚ୍ଛେଦ ୩୭୦କୁ ଉଚ୍ଛେଦ କରି ଜମ୍ମୁ-କଶ୍ମୀର ଓ ଲଦାଖକୁ ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ କରାଯିବା ପରେ ପ୍ରଧାନମନ୍ତ୍ରୀ ପ୍ରଥମଥର ପାଇଁ ୪୦ ମିନିଟ ଧରି ଏକ ଟେଲିଭିଜନ କାର୍ଯ୍ୟକ୍ରମରେ ଜାତି ଉଦ୍ଦେଶ୍ୟରେ ସମ୍ବୋଧିତ କରିଛନ୍ତି।
ପ୍ରଧାନମନ୍ତ୍ରୀ ମୋଦି ଗୁରୁବାର ରାତି ୮ଟାରେ ଦେଶବାସୀଙ୍କୁ ଉଦ୍‌ବୋଧନ ଦେଇ ଅନୁଚ୍ଛେଦ ୩୭୦ ଉଚ୍ଛେଦକୁ ଏକ ଐତିହାସିକ ପଦକ୍ଷେପ ଭାବେ ଅଭିହିତ କରିଛନ୍ତି। ସେ କହିଛନ୍ତି, ଏହାଦ୍ୱାରା ଶ୍ୟାମା ପ୍ରସାଦ ମୁଖାର୍ଜୀ, ଅଟଳବିହାରୀ ବାଜପେୟୀ ଓ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ସମେତ କୋଟି କୋଟି ଭାରତୀୟଙ୍କ ସ୍ବପ୍ନ ପୂରଣ ହୋଇଛି। ଅନୁଚ୍ଛେଦ ୩୭୦ ହଟିବା ପରେ କଶ୍ମୀରବାସୀଙ୍କ କ’ଣ ଲାଭ ହେବ ତାହା କେହି କହିପାରୁ ନ ଥିଲେ। ଅନୁଚ୍ଛେଦ ୩୭୦ ଏବଂ ୩୫ଏ ଯୋଗୁ ଆତଙ୍କବାଦ, ପରିବାରବାଦ ଓ ଭ୍ରଷ୍ଟାଚାର ବୃଦ୍ଧି ପାଉଥିଲା। ପାକିସ୍ତାନ ଦ୍ୱାରା ଏହା କେବଳ ଏକ ଅସ୍ତ୍ର ଭାବେ ବ୍ୟବହୃତ ହେଉଥିଲା। ୩ ଦଶକରେ ୪୨,୦୦୦ ନିର୍ଦ୍ଦୋଷ ଅକଥନୀୟ ଯନ୍ତ୍ରଣା ଭୋଗି ପ୍ରାଣ ହରାଇଛନ୍ତି। ଜମ୍ମୁ-କଶ୍ମୀରର ବିକାଶ ହୋଇପାରିଲା ନାହିଁ, ଯାହାର ସେମାନେ ହକ୍‌ଦାର। ଏବେ ଅବସ୍ଥା ସୁଧୁରିବ। ସବୁ ସରକାର ଲୋକଙ୍କ ମଙ୍ଗଳ ପାଇଁ ଆଇନ ପ୍ରଣୟନ କରନ୍ତି। ଉଭୟ ପାର୍ଲାମେଣ୍ଟ ବାହାରେ ଓ ଭିତରେ ବିତର୍କ ହୁଏ। ଏହି ପ୍ରକ୍ରିୟା ଦେଇ ଗତି କରୁଥିବା ଆଇନ ଦେଶବାସୀଙ୍କ ହିତସାଧନ କରେ। କିନ୍ତୁ ତାହା ଦେଶର ଏକ ଭାଗରେ ଲାଗୁ ନ ହେବା ସମସ୍ତଙ୍କ ପରିକଳ୍ପନାର ବାହାରେ। ସେମାନଙ୍କ ଶିଶୁ ଶିକ୍ଷା, ସ୍ବାସ୍ଥ୍ୟ ଓ ଅନ୍ୟ ମୌଳିକ ଅଧିକାରଗୁଡ଼ିକରୁ ବଞ୍ଚତ୍ତ। ସେମାନଙ୍କ ଦୋଷ କ’ଣ। ଝିଅମାନେ ଅନେକ ଅଧିକାରରୁ ବଞ୍ଚତ୍ତ ହେଉଛନ୍ତି। ସଫେଇ କର୍ମଚାରୀ, ଦଳିତ, ସଂଖ୍ୟାଲଘୁମାନେ ଅନେକ ସୁବିଧା ପାଉନାହାନ୍ତି। ସର୍ବନିମ୍ନ ମଜୁରି ଆଇନ କେବଳ କାଗଜକଲମରେ ସୀମିତ। ନିର୍ବାଚନ ବେଳେ ଏସ୍‌ସି, ଏସ୍‌ଟି ସଂରକ୍ଷଣ ସୁବିଧା ଜମ୍ମୁ-କଶ୍ମୀରବାସୀଙ୍କୁ ମିଳୁନାହିଁ।
ଅନୁଚ୍ଛେଦ ୩୭୦ ଏବଂ ୩୫ଏ ଇତିହାସ ପାଲଟିବା ପରେ ନକାରାମତ୍କ ପ୍ରଭାବରୁ ଉପତ୍ୟକା ଖୁବ୍‌ଶୀଘ୍ର ମୁକ୍ତ ହେବ ବୋଲି ବିଶ୍ୱାସ। ଅନ୍ୟ କେନ୍ଦ୍ରଶାସିତ ଅଞ୍ଚଳର କର୍ମଚାରୀ ଓ ପୋଲିସ କର୍ମୀଙ୍କ ଭଳି ସୁବିଧା ମିଳିବ। ଶିକ୍ଷା, ସ୍ବାସ୍ଥ୍ୟ ଆଦି ଭତ୍ତା ମିଳିବ। ଶୀଘ୍ର ଜମ୍ମୁ-କଶ୍ମୀର ଏବଂ ଲଦାଖରେ ସବୁ କେନ୍ଦ୍ରୀୟ ଓ ରାଜ୍ୟ ପଦବୀ ପୂରଣ କରାଯିବ। ନିଯୁକ୍ତି ସୁଯୋଗ ମିଳିବ। କର୍ମସଂସ୍ଥାନ ସୃଷ୍ଟି କରାଯିବ। ସେନା ଓ ଅର୍ଦ୍ଧସାମରିକ ବଳରେ ନିଯୁକ୍ତି ପାଇଁ ରାଲି କରାଯିବ। ପ୍ରଧାନମନ୍ତ୍ରୀ ବିସ୍ତାର ଯୋଜନା କାର୍ଯ୍ୟକାରୀ କରାଯିବ। ରାଜସ୍ବ ନିଅଣ୍ଟର ପ୍ରଭାବକୁ ହ୍ରାସ କରାଯିବ। ୩୭୦ ଉଚ୍ଛେଦ ପରେ କିଛି କାଳ ପାଇଁ ଜମ୍ମୁ-କଶ୍ମୀରକୁ କେନ୍ଦ୍ର ସରକାରଙ୍କ ଅଧୀନରେ ରଖାଯିବା ନିଷ୍ପତ୍ତି ଭାବିଚିନ୍ତି ନିଆଯାଇଛି। ରାଷ୍ଟ୍ରପତି ଶାସନ ଅମଳରେ ସୁଶାସନ, ଆର୍ଥିକ ବିକାଶ ହୋଇଛି। ଦଶନ୍ଧି ଧରି ଅଟକି ରହିଥିବା ବିକାଶମୂଳକ ପ୍ରକଳ୍ପ କାର୍ଯ୍ୟକାରୀ ହୋଇଛି। ଆଇଆଇଟି, ଏମ୍ସ ଭଳି ପ୍ରୋଜେକ୍ଟ ଏବଂ ଦୁର୍ନୀତି ନିରୋଧୀ ବ୍ୟୁରୋ କାମ ତ୍ୱରାନ୍ବିତ ହୋଇଛି। ରେଲଓ୍ବେ, ବିମାନବନ୍ଦର କାମ ମଧ୍ୟ ଜୋରସୋରରେ ଚାଲିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।
ମୋଦି ଆହୁରି କହିଛନ୍ତି, ଦେଶର ଗଣତନ୍ତ୍ର ମଜଭୁତ। ଉପତ୍ୟକାରେ ବହୁ ଲୋକ ଲୋକ ସଭା ପାଇଁ ଭୋଟ ଦେଉଥିଲେ। ହେଲେ ବିଧାନସଭା ଓ ସ୍ଥାନୀୟ ନିର୍ବାଚନରେ ସାମିଲ ହୋଇପାରୁ ନ ଥିଲେ କି ଭୋଟ ଦେଇପାରୁ ନ ଥିଲେ। ସେମାନଙ୍କ ଉପରେ କ’ଣ ଏମିତି ଅନ୍ୟାୟ ଚାଲିଥାଆନ୍ତା। ଏବେ ସେଠାକାର ଭୋଟର ନିଜର ଜନ ପ୍ରତିନିଧି ବାଛିବେ। ନୂଆ ବ୍ୟବସ୍ଥାରେ ଆତଙ୍କବାଦ ଓ ବିଚ୍ଛନ୍ନତାବାଦରୁ ମୁକ୍ତି ମିଳିବ। ଜମ୍ମୁ-କଶ୍ମୀରର ବିକାଶ ଧାରା ସଫଳତାର ନୂଆ ଉଚ୍ଚତାକୁ ସ୍ପର୍ଶ କରିବ। ନାଗରିକଙ୍କୁ ସେମାନଙ୍କ ଅଧିକାର ମିଳିବ। ଫଳରେ କେନ୍ଦ୍ରଶାସିତ ଅଞ୍ଚଳ ବଜାୟ ରହିବାର ଆବଶ୍ୟକତା ରହିବନାହିଁ। କିନ୍ତୁ ଲଦାଖ କେନ୍ଦ୍ରଶାସିତ ଅଞ୍ଚଳ ହୋଇ ରହିବ। ସଚ୍ଚୋଟତା ସହ ପ୍ରତିନିଧି ବାଛିବାର ସୁଯୋଗ ଖୁବ୍‌ଶୀଘ୍ର ମିଳିବ ବୋଲି ମୋଦି ପ୍ରତିଶ୍ରୁତି ଦେଇଛନ୍ତି। ସେହିପରି ବ୍ଲକ୍‌ ଡେଭେଲପ୍‌ମେଣ୍ଟ କାଉନ୍‌ସିଲ୍‌ ଶୀଘ୍ର ଗଠନ ପାଇଁ ରାଜ୍ୟପାଳଙ୍କୁ ଅନୁରୋଧ କରିଛନ୍ତି। ୪-୫ ମାସ ପୂର୍ବରୁ ଜମ୍ମୁ-କଶ୍ମୀର ଏବଂ ଲଦାଖ ପଞ୍ଚାୟତ ନିର୍ବାଚନରେ ବିଜୟୀ ହୋଇଥିବା ପ୍ରତିନିଧିମାନେ ଭଲ କାମ କରୁଛନ୍ତି। ସେମାନେ ଅଭିନନ୍ଦନର ଅଧିକାରୀ। ପଞ୍ଚାୟତ ପ୍ରତିନିଧି ଓ ପ୍ରଧାନଙ୍କ ଯୋଗୁ ଗ୍ରାମୀଣ ସ୍ତରରେ ବିକାଶ ସାଧିତ ହୋଇପାରିଛି। ଏବେ ପଞ୍ଚାୟତ ସଦସ୍ୟମାନେ ନୂଆ ବ୍ୟବସ୍ଥାରେ ଉତ୍ତମ କାର୍ଯ୍ୟକରି ଉଦାହରଣ ସୃଷ୍ଟି କରିବେ। ଜନତା ବିଚ୍ଛିନ୍ନତାବାଦୀଙ୍କୁ ପ୍ରତ୍ୟାଖ୍ୟାନ କରି ନୂଆ ଆଶା ଓ ବିକାଶ ଦିଗରେ ଉତ୍ସାହର ସହ ଲକ୍ଷ୍ୟ ପୂରଣ କରିବେ।
ଲଦାଖ ଓ ଜମ୍ମୁ-କଶ୍ମୀରର ଯୁବପିଢ଼ି ନିଜ ନିଜ କ୍ଷେତ୍ରରେ ବିକାଶ ଦିଗରେ ଅଗ୍ରସର ହେବେ। ପର୍ଯ୍ୟଟନ କେନ୍ଦ୍ର ପାଇଁ ଆବଶ୍ୟକ ପରିବର୍ତ୍ତନ ଅଣାଯାଉଛି। ଏଥିପାଇଁ ଦେଶବାସୀଙ୍କ ସମର୍ଥନ ଲୋଡ଼ା। ପ୍ରାୟ ସବୁ ଫିଲ୍ମ ଶୁଟିଂ ପାଇଁ ସାରା ବିଶ୍ୱର ପ୍ରଯୋଜକ ଏଠାକୁ ଆସିବେ। ହିନ୍ଦୀ ଓ ତେଲୁଗୁ ସିନେମା ଶୁଟିଂ ପାଇଁ ଏହି କ୍ଷେତ୍ରକୁ ବାଛିବେ। ସେମାନେ ନିଜ ନୀତି ନିଷ୍ପତ୍ତିରେ ପ୍ରାଥମିକତା ଦିଅନ୍ତୁ। ସ୍ଥାନୀୟ ଅଧିବାସୀ କାରିଗରି ବିଜ୍ଞାନ ସହ ଯୋଡ଼ିହୋଇ ନିଜ ଜୀବନକୁ ସହଜ କରନ୍ତୁ। କ୍ରୀଡ଼ା କ୍ଷେତ୍ରରେ ବିକାଶ ପାଇଁ ନୂଆ ସ୍ପୋର୍ଟସ ଏକାଡେମୀ, ଷ୍ଟାଡିୟମ୍‌ ନିର୍ମାଣ କରାଯିବ। କଶ୍ମୀରର ପିଲା ଦୁନିଆଁରେ ନାମ ରଖିବ। ଲଦାଖ ଯୁବପିଢ଼ିଙ୍କୁ ସବୁ ପ୍ରକାର ସୁଯୋଗ ମିଳିବ। ଭିତ୍ତିଭୂମିର ଆଧୁନିକୀକରଣ କରାଯିବ।
ଗଣତନ୍ତ୍ରରେ କେତେଜଣ ସମର୍ଥନ ଓ କେତେଜଣ ସମାଲୋଚନା କରନ୍ତି। ସେମାନଙ୍କୁ ଅନୁରୋଧ ଦେଶହିତରେ ବ୍ୟବହାର କରନ୍ତୁ ଓ ଏହି ଦୁଇ ନୂଆ କେନ୍ଦ୍ରଶାସିତ ଅଞ୍ଚଳର ଲୋକଙ୍କ ବିକାଶରେ ସହାୟକ ହୁଅନ୍ତୁ। ବିଲ୍‌ ସପକ୍ଷରେ କିଏ ଭୋଟ ଦେଲା କିଏ ନ ଦେଲା ତହିଁରୁ ଊର୍ଦ୍ଧ୍ୱକୁ ଯାଇ କାମ କରନ୍ତୁ। ୩୭୦ରୁ ମୁକ୍ତି ଏକ ସତ୍ୟତା। ହାତଗଣତି ନ୍ୟସ୍ତସ୍ବାର୍ଥ ବ୍ୟକ୍ତିଙ୍କୁ ସ୍ଥାନୀୟ ଲୋକେ ଜବାବ ଦେଇଛନ୍ତି। ପାକିସ୍ତାନକୁ ମଧ୍ୟ ଉଚିତ ଜବାବ ମିଳିଛି। ସ୍ବପ୍ନ ସାକାର କରିବାର ସୁଯୋଗ ସେମାନଙ୍କ ଅଧିକାର। ଧୀରେ ଧୀରେ ସ୍ଥିତି ସୁଧୁରିବ ଓ ସବୁକିଛି ସ୍ବାଭାବିକ ହେବ ବୋଲି ମୋଦି ଆଶାବ୍ୟକ୍ତ କରିଛନ୍ତି। ଏହି ଅବସରରେ ସେ ଇଦ୍‌ ପାଇଁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି, ଇଦ୍‌ ପାଳନ ବେଳେ ଯେପରି କାହାରି କିଛି ଅସୁବିଧା ହେବନାହିଁ ସେଦିଗରେ ସରକାର ଧ୍ୟାନ ଦେଉଛନ୍ତି। ସୁରକ୍ଷା ବଳ, ପୋଲିସ ପ୍ରଶାସନର କାର୍ଯ୍ୟ ପ୍ରଶଂସନୀୟ। ପରିବର୍ତ୍ତନ ଲୋକହିତରେ ସମ୍ଭବ। ଜମ୍ମୁ-କଶ୍ମୀର ଦେଶର ମୁକୁଟ। ଏହାର ସୁରକ୍ଷା ପାଇଁ ଜମ୍ମୁ-କଶ୍ମୀରବାସୀ ତ୍ୟାଗ କରିଛନ୍ତି। ମିଳିମିଶି ସେମାନଙ୍କ ସ୍ବପ୍ନକୁ ସାକାର କରିବା। ଏହା ସାରାଦେଶର ପ୍ରଗତିରେ ଓ ସ୍ବାଭାବିକ ଭାବେ ବିଶ୍ୱଶାନ୍ତିରେ ମଧ୍ୟ ସହାୟକ ହେବ। ଆସନ୍ତୁ ନୂଆ ଭାରତ ସହ ନୂଆ ଜମ୍ମୁ-କଶ୍ମୀର ଓ ନୂଆ ଲଦାଖର ନିର୍ମାଣ କରିବା ବୋଲି ପ୍ରଧାନମନ୍ତ୍ରୀ ଦେଶବାସୀଙ୍କୁ ଆହ୍ବାନ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କୋର୍ଟଙ୍କ ବଡ଼ ରାୟ, ଅନୈତିକ ସମ୍ପର୍କର ଅଭିଯୋଗ ଥିଲେ ବି ସ୍ବାମୀଙ୍କ ଠାରୁ ଭରଣପୋଷଣ ପାଇପାରିବେ ସ୍ତ୍ରୀ

ଭୋପାଳ,୨୯।୩: ବିବାହ ପରେ ସ୍ତ୍ରୀ ପରପୁରୁଷଙ୍କ ସହ ଅନୈତିକ ସମ୍ପର୍କ ରଖିଥିଲେ ମଧ୍ୟ ସ୍ବାମୀଙ୍କ ଠାରୁ ଭରଣପୋଷଣ ପାଇପାରିବେ। ଏନେଇ ବଡ଼ ରାୟ ଦେଇଛନ୍ତି ମଧ୍ୟପ୍ରଦେଶ...

୨୦୦୪ରେ ଭାଜପାର ଏହି ହେଭିଓ୍ବେଟ୍‌ ନେତାଙ୍କୁ ହରାଇ ହଇଚଇ ସୃଷ୍ଟି କରିଥିଲେ ଗୋବିନ୍ଦା, କିଛି ଏଭଳି ଥିଲା…

ନୂଆଦିଲ୍ଲୀ,୨୯।୩: ୧୪ ବର୍ଷର ବଡ଼ ବ୍ୟବଧାନ ପରେ ଅଭିନେତା ଗୋବିନ୍ଦା ପୁଣିଥରେ ରାଜନୀତିକୁ ଫେରିଛନ୍ତି। ଲୋକ ସଭା ନିର୍ବାଚନ ୨୦୨୪ର ଠିକ୍‌ ପୂର୍ବରୁ ସେ ଦ୍ୱିତୀୟ...

ରିଲ୍‌ ଲାଇଫର ‘ରାମ’ଙ୍କ ପରି ପୂର୍ବରୁ ‘ରାବଣ’ଙ୍କୁ ମଧ୍ୟ ଟିକେଟ୍‌ ଦେଇଛି ଭାଜପା, ଜାଣନ୍ତୁ ‘ଲଙ୍କେଶ’ଙ୍କ କିପରି ଥିଲା ରାଜନୈତିକ କ୍ୟାରିୟର

ମୁମ୍ବାଇ: ଚାରି ଦଶକ ପୂର୍ବରୁ ଟିଭି ସିରିଆଲରେ ଲୋକପ୍ରିୟ ହୋଇଥିଲା ରାମାୟଣ। ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ହିନ୍ଦୁଙ୍କ ରିଅଲ ଲାଇଫର...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

କଂଗ୍ରେସ ଏହି ଖୁସିକୁ ସହି ପାରିଲା ନାହିଁ, କାହିଁକି ଏମିତି କହିଲେ କଙ୍ଗନା

ଶିମଲା,୨୯।୩: ହିମାଚଳ ପ୍ରଦେଶର ମଣ୍ଡି ଲୋକ ସଭା ଆସନରୁ ଭାଜପା ପ୍ରାର୍ଥୀ ତଥା ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କୁ ନେଇ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେତ...

କଂଗ୍ରେସ ପରେ ବଢିଲା ଏହି ଦଳର ମୁଣ୍ଡବ୍ୟଥା, ଆୟକର ବିଭାଗରୁ ମିଳିଲା ନୋଟିସ

ନୂଆଦିଲ୍ଲୀ,୨୯।୩: କଂଗ୍ରେସ ପରେ ଏବେ ଅନ୍ୟ ଏକ ଦଳର ସମସ୍ୟା ବଢିଥିବା ସୂଚନା ମିଳିଛି। ଏହି ପାର୍ଟିକୁ ଆୟକର ବିଭାଗ ପକ୍ଷରୁ ଏକ ନୋଟିସ ମଧ୍ୟ...

ଆସିଲା ମୁଖତାର ଅନସାରୀଙ୍କ ପୋଷ୍ଟ ମର୍ଟମ ରିପୋର୍ଟ, ଏହି କାରଣ ପାଇଁ ହୋଇଛି ମୃତ୍ୟୁ

ବାନ୍ଦା,୨୯।୩: ମାଫିଆ ମୁଖତାର୍‌ ଅନସାରୀଙ୍କ ଶବ ବ୍ୟବଚ୍ଛେଦ ପରେ ହୃଦ୍‌ଘାତ ହେତୁ ତାଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି। ପୋଷ୍ଟମର୍ଟମ ଘରୁ ବାହାରକୁ ଆସିଥିବା ଡାକ୍ତରମାନେ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri