ମୁମ୍ବାଇ: କରୋନା ପାଇଁ ସମଗ୍ର ଦେଶରେ ଲକ୍ଡାଉନ୍ ଘୋଷଣା କରାଯାଇଛି। ସାଧାରଣ ଲୋକଙ୍କ ଠାରୁ ଆରମ୍ଭ କରି ବଲିଉଡ ଅଭିନେତ୍ରୀ, ଅଭିନେତା ସମସ୍ତେ ଘରେ ଏକ ପ୍ରକାର ବନ୍ଦ ହୋଇ ରହିଛନ୍ତି। ମାତ୍ର ଏହା କଳାକାରଙ୍କ ସୃଜନଶୀଳତାକୁ ଅଟକାଇପାରି ନାହିଁ। ନିକଟରେ ଅଭିନେତା ସଲମାନ ଖାନ ‘ପ୍ୟାର କରୋନା’ ଶୀର୍ଷକ ଏକ ଗୀତ ପ୍ରସ୍ତୁତ କରିଥିବା ବେଳେ ଏବେ ଆଉ ଏକ ଗୀତର ଭିଡିଓ ରିଲିଜ କରିଛନ୍ତି। ଗୀତଟି ହେଲା ‘ତେରେ ବିନା ’। ଏହି ଗୀତଟି ସଲମାନଙ୍କ ପାନଭେଲସ୍ଥିତ ଫାର୍ମହାଉସ୍ରେ ସୁଟ୍ ହୋଇଛି। ଜାକ୍ଲିନ୍ ଫର୍ନାଣ୍ଡିଜ୍ଙ୍କ ସହ ସେ ଏହି ଗୀତରେ ଅଭିନୟ କରିଛନ୍ତି। ତେବେ ସଲମାନ ନିଜ ଇନ୍ଷ୍ଟାଗ୍ରାମରେ ଏହି ଭିଡିଓଟିକୁ ଶେୟାର କରିଛନ୍ତି। ସଲମାନ ଆଉ ମଧ୍ୟ ଉଲ୍ଲେଖ କରିଛନ୍ତି ଯେ, ମୁଁ ଆଉ ବସିପାରିବି ନାହିଁ। ପ୍ରଥମ ଥର ପାଇଁ କାମ ଛାଡ଼ି ମୁଁ ଏତେଦିନ ଖାଲି ବସିଛି। ଦର୍ଶକଙ୍କ ମନୋରଞ୍ଜନ କରିବାକୁ ମୁଁ ମୋର ଉଦ୍ୟମ ଜାରି ରଖିଛି। ଇନ୍ଷ୍ଟାରେ ଭିଡିଓଟି ଭାଇରାଲ ହେବାରେ ଲାଗିଛି। ଦର୍ଶକମାନେ ଏହି ଗୀତକୁ ମଧ୍ୟ ପସନ୍ଦ କରିଛନ୍ତି।
