କେନ୍ଦୁଝର, ୧।୯-ଆସନ୍ତା ସୋମବାର ଗଣେଶ ପୂଜା ଆରମ୍ଭ ା ଏଥି ପାଇଁ ସବୁଠି ପ୍ରସ୍ତୁତି ଆରମ୍ଭ ହୋଇଛି ା କେନ୍ଦୁଝର ଡିଏଫଓ ଅଫିସରେ ମଧ୍ୟ ପ୍ରତିବର୍ଷ ଭଳି ଚଳିତ ବର୍ଷ ଗଣେଶ ପୂଜା ହେବ ା ଏଥିପାଇଁ ପ୍ରସ୍ତୁତି ଆରମ୍ଭ ହୋଇଛି ା ୧୯୭୩ ମସିହାରୁ ଏହି ପୂଜା ହୋଇ ଆସୁଛି ବୋଲି କୁହାଯାଏ ା ସେ ସମୟରେ ଲକ୍ଷ୍ମୀଧର ମହାପାତ୍ର ନାମକ ଜଣେ କିରାଣୀଙ୍କ ଉଦ୍ୟମରେ ଏହା ଆରମ୍ଭ ହୋଇଥିଲା ା ଚଳିତ ବର୍ଷ ୧୦ ଫୁଟ ଉଚ୍ଚତାର ମୂର୍ତ୍ତି ତିଆରି ଚାଲିଥିବା ମୁଖ୍ୟ କାରିଗର ପଦ୍ମନାଭ ପୁହାଣ କହିଛନ୍ତି। ଦୀର୍ଘ ୧୨ ବର୍ଷ ହେଲା ଏହି ମୂର୍ତ୍ତି ସେ ଗଢିଆସୁଥିବା କହିଛନ୍ତି। ସ୍ଥାନୀୟ ଅରେଡେଇ ନଦୀ କୂଳରୁ ମାଟି ଆଣି ମୂର୍ତ୍ତି ଗଢାଚାଲିଛି। ନିର୍ମାଣ ପରେ ପ୍ଲାଷ୍ଟିକ ରଙ୍ଗରେ ରଙ୍ଗ ଦିଆଚାଲିଛି ା ଏହି ମୂର୍ତ୍ତି ଗଢା କାର୍ଯ୍ୟ ପ୍ରାୟ ୮ ଦିନ ଆଗରୁ ଚାଲିଛି ା ଚଳିତ ବର୍ଷ ତିନୋଟି ସାଇଡ ଷ୍ଟଲ ନିର୍ମାଣ କରାଯାଇଛି ା ସେଥିରେ ନୀଳମାଧବଙ୍କ ଜଗନ୍ନାଥ ଦର୍ଶନ, ଜଙ୍ଗଲ ଓ ବନ୍ୟପ୍ରାଣୀ ସୁରକ୍ଷା, ବନୀ କରଣ ଆଦି ଉପରେ ଆଧାରିତ ଧାର୍ମିକ ଓ ସଚେତନତା ଧର୍ମୀ ପ୍ରକଳ୍ପ ପ୍ରଦର୍ଶିତ ହେବ ବୋଲି କାରିଗର ସହାୟତା କରୁଥିବା କାରିଗର ପାଣ୍ଡବ ବେହେରା କହିଛନ୍ତି। ଚଳିତ ବର୍ଷ ପ୍ରଥମ ଥର ପାଇଁ ଜରି ମେଢ ନିର୍ମାଣ କରାଯିବ ବୋଲି ଜଣାପଡିଛି। ପ୍ରତ୍ୟେକ ବର୍ଷ ଭଳି ରଙ୍ଗିନ ଲୁଗା ଓ ଆଲୋକରେ ସୁସଜ୍ଜିତ କରାଯିବା ସହ ଭକ୍ତଙ୍କୁ ସୁବିଧାରେ ଦର୍ଶନ ପାଇଁ ବ୍ୟବସ୍ଥା ଗ୍ରହଣ କରାଯାଇଛି ା ସେହିପରି ପ୍ରସାଦ ସେବନ ବ୍ୟବସ୍ଥା କରାଯାଇଥିବା ଆୟୋଜକଙ୍କ ପକ୍ଷରୁ କୁହାଯାଇଛି ା
