ଚିକିଟି,୨୫ା୪(ଡି.ଏନ.ଏ.)- ସାରା ଦେଶରେ ଲକ୍ଡାଉନ୍ ଯୋଗୁ ଯାନବାହନ ଚଳାଚଳ ବନ୍ଦ ରହିଛି। ଫଳରେ ଜଳପଥ ଦେଇ ରାଜ୍ୟବାହାରେ ଫସିଥିବା ଲୋକେ ଘରକୁ ଫେରୁଛନ୍ତି। ଶନିବାର ସନ୍ଧ୍ୟାରେ ଗଞ୍ଜାମ ଜିଲା ଚିକିଟି ବ୍ଲକ୍ ସୁନୁପୁର ମୁହାଣରେ ୩୮ଜଣ ଦାଦନ ଶ୍ରମିକ ଚେନ୍ନାଇରୁ ବୋଟ୍ରେ ଆସି ପହଞ୍ଚତ୍ଛନ୍ତି। ସେମାନେ ଚିକିଟି ବ୍ଲକ ପାଟିସୁନୁପୁର,ଏକସିଙ୍ଗି ଏବଂ ଗୋପାଳପୁର ସମେତ ଆନ୍ଧ୍ର ସୀମାନ୍ତ ଡଙ୍କୁରୁ, କାବସ୍ତାକୁଡି, ପୁକାଲପାଲାମ ଅଞ୍ଚଳର। ଚେନ୍ନାଇରେ ରହି କାମ କରୁଥିବାବେଳେ ଲକ୍ଡାଉନ ପରେ କାମଧନ୍ଦା ବନ୍ଦ ହୋଇଯାଇଥିଲା। ଫଳରେ ବହୁ ଅସୁବିଧାରେ ଚଳୁଥିଲେ। ଏକ ମୋଟର ବୋଟ୍ କିଣି ଗତ ୨୦ ତାରିଖରେ ଚେନ୍ନାଇରୁ ସମୁଦ୍ର ପଥ ଦେଇ ବାହାରିଥିଲେ। ସନ୍ଧ୍ୟାରେ ସୁନୁପୁରୁ ମୁହାଣରେ ପହଞ୍ଚତ୍ବା ପରେ ଚିକିଟି ତହସିଲ୍ଦାର ହରପ୍ରସାଦ ଭୋଇ, ବିଡିଓ ଫାଲ୍ଗୁନି ମାଝି ଏବଂ ଗୋଳନ୍ଥରା ମେରାଇନ୍ ଥାନା ପୋଲିସ୍ ପହଞ୍ଚତ୍ ସମସ୍ତଙ୍କୁ ଆଣି ମେରାଇନ୍ ଥାନାରେ ରଖିଛନ୍ତି। ସେମାନଙ୍କୁ କେଉଁ କ୍ବାରାଣ୍ଟାଇନ୍ ସେଣ୍ଟରରେ ରଖାଯିବ ସେ ନେଇ ପ୍ରଶାସନିକ ଅଧିକାରୀମାନେ ଆଲୋଚନା କରୁଥିବା ଜଣାପଡିଛି।
