ଦେଶ ବିଦେଶରୁ ଆସୁଥିବା ପର୍ଯ୍ୟଟକଙ୍କ ରୁଚିକୁ ଦୃଷ୍ଟିରେ ରଖି ପୁରୀ ସହରର ପ୍ରାୟ ବଡ଼ ବଡ଼ ହୋଟେଲ ଏବଂ ରେଷ୍ଟୁରାଣ୍ଟରେ ସୁଆଦିଆ ଖାଦ୍ୟ ପ୍ରସ୍ତୁତ କରାଯାଉଛି। ଅନେକ ଦେଶୀ, ବିଦେଶୀ ଖାଦ୍ୟର ମଜା ବି ନେଉଛନ୍ତି ଗ୍ରାହକ। ସି’ବିଚ୍ ରୋଡ୍ସ୍ଥିତ ପୁରୀ ହୋଟେଲରେ ଉଭୟ ଆମିଷ ଓ ନିରାମିଷ ଖାଦ୍ୟ ପ୍ରସ୍ତୁତ କରାଯାଇ ଗ୍ରାହକଙ୍କୁ ପରଷା ଯାଉଛି। ତେବେ ଏଠାରେ ଏକ ଚାହିଦାଯୁକ୍ତ ଡିଶ୍ ହେଉଛି ଚିକେନ୍ କାଲି ମିର୍ଚି। ଏହି ଇଣ୍ଡିଆନ୍ ଡିଶ୍ର ଗୋଟିଏ ପ୍ଲେଟ୍ ଦାମ୍ ରହିଛି ୨୮୦ ଟଙ୍କା। ଚିକେନ୍ କାଲି ମିର୍ଚିର ପ୍ରସ୍ତୁତି ସମ୍ପର୍କରେ ହୋଟେଲର ମୁଖ୍ୟ ଶେଫ୍ ରଶ୍ମିରଞ୍ଜନ ବିଶ୍ୱାଳ ଯାହା କୁହନ୍ତି…
ଆବଶ୍ୟକ ସାମଗ୍ରୀ:
ଚିକେନ୍: ୨୦୦ ଗ୍ରାମ୍
କଟା ପିଆଜ: ୫୦ ଗ୍ରାମ୍
ଅଦା ରସୁଣ ପେଷ୍ଟ: ୨୦ ଗ୍ରାମ୍
ଟମାଟୋ ସସ୍: ୫୦ ଗ୍ରାମ୍
କାଜୁବଟା: ୨୫ ଗ୍ରାମ୍
ରିଫାଇନ୍ ତେଲ: ୫୦ ଗ୍ରାମ
ଦହି: ୨୫ ଗ୍ରାମ୍
କ୍ଷୀର: ୫୦ ଗ୍ରାମ୍
ଗରମ ମସଲା: ୧୦ ଗ୍ରାମ୍
ଲଙ୍କାଗୁଣ୍ଡ: ୧୦ ଗ୍ରାମ୍
ହଳଦୀଗୁଣ୍ଡ: ୫ ଗ୍ରାମ୍
ଶୁଖିଲା ଲଙ୍କା: ୨ଟା
ମେଥିପତ୍ର: ୧୦ ଗ୍ରାମ୍
ଗୋଟା ଗୋଲମରିଚ: ୧୦ ଗ୍ରାମ୍
ଗୋଲମରିଚ ଗୁଣ୍ଡ: ୧୦ ଗ୍ରାମ୍
ଅମୁଲ କ୍ରିମ୍: ୧୦ ଗ୍ରାମ୍
ଚିକେନ ମସଲା: ୫ ଗ୍ରାମ୍
ଭୁର୍ସୁଙ୍ଗପତ୍ର: ୫ ଗ୍ରାମ୍
କଞ୍ଚାଲଙ୍କା: ୨ଟା
ଧନିଆପତ୍ର: ୫ ଗ୍ରାମ୍
ସ୍ବାଦ ଅନୁସାରେ ଲୁଣ ଓ ଚିନି
ପ୍ରସ୍ତୁତି ପ୍ରଣାଳୀ:ପ୍ରଥମେ ଚିକେନ୍କୁ ଛୋଟ ଛୋଟ କରି କାଟି ଭଲଭାବେ ଧୋଇ ଏକ ପାତ୍ରରେ ରଖନ୍ତୁ। ସେଥିରେ ଅଦା ରସୁଣ ପେଷ୍ଟ ଅଧା, ଲୁଣ ଓ ହଳଦୀ ମିଶାଇ କିଛି ସମୟ ଗୋଳାନ୍ତୁ। ନିଅଁ।ରେ ପ୍ୟାନ୍ ବସାଇ ସେଥିରେ ତେଲ ପକାନ୍ତୁ। ତେଲ ଗରମ ହେଲା ପରେ ସେଥିରେ ଶୁଖିଲା ଲଙ୍କା, ଭୁର୍ସୁଙ୍ଗପତ୍ର ଓ କିଛି ସମୟ ପରେ କଟା ପିଆଜ ପକାଇ ଭାଜନ୍ତୁ। ପିଆଜ ସାମାନ୍ୟ ବ୍ରାଉନ କଲର୍ ହେବା ପରେ ସେଥିର ଗୋଟା ଗୋଲମରିଚ ଏବଂ ବଳକା ଅଦା ରସୁଣ ପେଷ୍ଟ ପକାନ୍ତୁ। ଏହା ଧୀରେ ଧୀରେ ବ୍ରାଉନ କଲର୍ ହୋଇଯିବ। ଏଥିରେ କାଜୁବଟା ପକାଇ କଷନ୍ତୁ। ପରେ ଟମାଟୋ ଜୁସ୍, ଲୁଣ, ହଳଦୀ, ଲଙ୍କାଗୁଣ୍ଡ, ମେଥିପତ୍ର, ଚିକେନ୍ ମସଲା, ଦହି ପକାଇ ଭଲ ଭାବେ ଗୋଳାନ୍ତୁ। କିଛି ସମୟ ପରେ ଗ୍ରେଭି ପ୍ରସ୍ତୁତ ହୋଇଯାଏ। ଅନ୍ୟ ଏକ ପ୍ୟାନ୍ରେ ତେଲ ପକାଇ ପୂର୍ବରୁ ଗୋଳାଇ ରଖିଥିବା ଚିକେନ୍ ଫ୍ରାଏ କରନ୍ତୁ। ଏପଟେ ଗ୍ରେଭିରେ କ୍ଷୀର ଦେବା ପରେ ଫ୍ରାଏ୍ ଚିକେନ୍ ପକାନ୍ତୁ। ୧୦ ମିିନିଟ୍ ଫୁଟିବା ପରେ ସେଥିରେ ଗୋଲମରିଚ ଗୁଣ୍ଡ, ଗରମ ମସଲା ଓ ଅମୁଲ କ୍ରିମ୍ ଦେଇ ଓହ୍ଲାଇ ଦେବେ। ଏବେ ପ୍ରସ୍ତୁତ ହୋଇଗଲା ଚିକେନ୍ କାଲି ମିର୍ଚି। ପ୍ଲେଟ୍ରେ କାଢି ଧନିଆପତ୍ର ଏବଂ କଞ୍ଚାଲଙ୍କା ଦେଇ ସଜାଇ ଗରମ ଗରମ ନାନ୍ ଏବଂ ରୁଟି ସହିତ ପରଷି ଦିଅନ୍ତୁ।
