ଋତୁ ପରିବର୍ତ୍ତନ ଦ୍ୱାରା ମନୁଷ୍ୟ ଶରୀରରେ ଏହାର ଅନେକ ପ୍ରଭାବ ପଡ଼ିଥାଏ। ଏହି ଦିନଗୁଡ଼ିକରେ ଫ୍ଲ୍ୟୁ, ଭାଇରାଲ ଫିବର ଭଳି ଅନେକ ସମସ୍ୟା ଦେଖାଯାଇଥାଏ। ତେବେ ଶୀତଦିନେ ମଧ୍ୟ ପରିବର୍ତ୍ତିତ ଜଳବାୟୁ ଲାଗି ଥଣ୍ଡା କାଶ ଆଦି ସମସ୍ୟା ଦେଖାଦେଇଥାଏ। ଏ ନେଇ ଅଧିକାଂଶ ଲୋକ ବିଭିନ୍ନ ଔଷଧ ଖାଇଥାନ୍ତି। ମାତ୍ର ଏହି ସମସ୍ୟାକୁ ଘରୋଇ ଉପଚାର ମାଧ୍ୟମରେ ବି ଦୂର କରିହେବ। ଜାଣନ୍ତୁ ସେ ସମ୍ପର୍କରେ…..
ଗୋଲମରିଚ:
ଏଥିରେ ଇନ୍ଫ୍ଲାମାଟୋରି ଓ ଆଣ୍ଟିବ୍ୟାକ୍ଟେରିକାଲ ଗୁଣ ରହିଥାଏ। ଏହା ସହ ଭିଟାମିନ୍ ସି’ ମଧ୍ୟ ମିଳିଥାଏ। ଏହି ଗୁଣ ଇମ୍ୟୁନିଟି ବଢ଼ାଇଥାଏ। ଥଣ୍ଡା କାଶରୁ ମୁକ୍ତି ପାଇବା ଲାଗି ଚା’ରେ ଗୋଲମରିଚ ପକାଇ ପିଅନ୍ତୁ। ଆରାମ ଲାଗିବ।
ଅଦା:
ଏଥିରେ ଇନ୍ଫ୍ଲାମାଟୋରି ଗୁଣ ରହିଛି, ଯାହା ନିଃଶ୍ୱାସପ୍ରଶ୍ୱାସ ସମ୍ବନ୍ଧୀୟ ସମସ୍ୟାରୁ ମୁକ୍ତି ଦେଇଥାଏ। ଆଣ୍ଟିବ୍ୟାକ୍ଟେରିକାଲ ଗୁଣ ଇନ୍ଫେକ୍ଶନରୁ ମୁକ୍ତି ଦେଇଥାଏ। ତେବେ ଚା’ରେ ଅଦା ପକାଇ ପିଇଲେ ଗଳା ଦରଜ ଓ କଫ ସମସ୍ୟା ଦୂର ହୋଇଥାଏ।
ତୁଳସୀ:
ଆୟୁର୍ବେଦ ଗୁଣରେ ଭରପୂର ତୁଳସୀ ଇମ୍ୟୁନୋ ସିଷ୍ଟମକୁ ମଜଭୁତ କରିଥାଏ। ଏହାକୁ ଚା’ରେ ପକାଇ ପିଇବା ଫଳରେ ଥଣ୍ଡା, କାଶ ଓ କଫ ସମସ୍ୟାରୁ ମୁକ୍ତି ମିଳିଥାଏ।
ଲବଙ୍ଗ:
ଏଥିରୁ ମିଳୁଥିବା ଫିନେ କମ୍ପାଉଣ୍ଡ ଶରୀର ଭିତରକୁ ବ୍ୟାକ୍ଟେରିଆ ପ୍ରବେଶ କରିବାକୁ ନ ଦେଇ ସେମାନଙ୍କ ସଙ୍ଗେ ଲଢ଼ିଥାଏ। ଟକ୍ସିନ୍କୁ ଶରୀରରୁ ବାହାର କରିବା ସହ ଇମ୍ୟୁନୋ ସିଷ୍ଟମ ବଢ଼ାଇଥାଏ। ଏହା ମଧ୍ୟ ଥଣ୍ଡାରୁ ମୁକ୍ତି ଦେଇଥାଏ।
