ରୋଷେଇ ଆରମ୍ଭ କରିବା ପୂର୍ବରୁ ସମସ୍ତ ଆବଶ୍ୟକ ସାମଗ୍ରୀ ଏକାଠିକରି ରଖନ୍ତୁ। ଏହାଦ୍ୱାରା ଉଭୟ ଗ୍ୟାସ୍ ଓ ସମୟ ବଞ୍ଚିଥାଏ।
ଥଣ୍ଡା କ୍ଷୀର, ପନିପରିବା ଏବଂ ଫ୍ରୋଜନ୍ ଫୁଡ୍ ଆଦିକୁ ବ୍ୟବହାର କରିବାକୁ ଥିଲେ ୧ ଘଣ୍ଟା ପୂର୍ବରୁ ଫ୍ରିଜ୍ରୁ ବାହାରକରି ରଖନ୍ତୁ।
ବିନା ଢାଙ୍କୁଣିରେ ଖାଦ୍ୟ ପ୍ରସ୍ତୁତ କଲେ ଗ୍ୟାସ୍ ତିନିଗୁଣା ଅଧିକ ଖର୍ଚ୍ଚ ହୋଇଥାଏ। ତେଣୁ ସବୁବେଳେ ଢାଙ୍କୁଣି ଘୋଡ଼ାଇ ରୋଷେଇ କରନ୍ତୁ।
କଡ଼େଇ ଏବଂ ପ୍ୟାନ୍ ବଦଳରେ ପ୍ରେସର କୁକରରେ ରୋଷେଇ କରନ୍ତୁ। କୁକରରେ ରୋଷେଇ ଶୀଘ୍ର ହୋଇଥାଏ ଏବଂ ଗ୍ୟାସ୍ ବି କମ୍ ଖର୍ଚ୍ଚ ହୋଇଥାଏ।
ଖାଦ୍ୟ ପ୍ରସ୍ତୁତି ସମୟରେ ଆବଶ୍ୟକ ଅନୁସାରେ ପାଣି ଦିଅନ୍ତୁ। ଅଧିକ ପାଣି ଦେବା ଦ୍ୱାରା ରୋଷେଇ ଅଧିକ ସମୟ ଲାଗିଥାଏ ଏବଂ ପୋଷକ ତତ୍ତ୍ୱ ନଷ୍ଟ ହୋଇଯାଏ।
ପନିପରିବା, ଡାଲି ଏବଂ ମାଂସ ଆଦି ସିଝିବା ପାଇଁ ଗ୍ୟାସ୍ ଅଧିକ ଖର୍ଚ୍ଚ ହୋଇଥାଏ। ଏସବୁକୁ ସେମି କୁକ୍ କରିବା ପାଇଁ ମାଇକ୍ରୋଓ୍ବେଭ୍ ବ୍ୟବହାର କରନ୍ତୁ। ଗ୍ୟାସ୍ ତୁଳନାରେ ମାଇକ୍ରୋଓ୍ବେଭ୍ରେ ମାଂସ ଶୀଘ୍ର ସିଝିଥାଏ।
ମିଡିୟମ ଆଞ୍ଚରେ ସବୁବେଳେ ଖାଦ୍ୟ ପ୍ରସ୍ତୁତ କରନ୍ତୁ। କାରଣ ଅଧିକ ଆଞ୍ଚରେ ଖାଦ୍ୟ ପୋଡ଼ିଯାଏ ଏବଂ କମ୍ ଆଞ୍ଚରେ ଗ୍ୟାସ୍ ଅଧିକ ଖର୍ଚ୍ଚ ହୋଇଥାଏ।
ରୋଷେଇ ତଥା ଚା’ କିମ୍ବା ଅନ୍ୟ ଖାଦ୍ୟ ପ୍ରସ୍ତୁତିବେଳେ ବାରମ୍ବାର ପାଣି ଗରମ ନ କରି ତା’ ବଦଳରେ ଗୋଟିଏ ଥର ଅଧିକ ପାଣି ଗରମକରି ଏକ ଫ୍ଲାକ୍ସରେ ରଖନ୍ତୁ।
ଶୀତଦିନେ ବାରମ୍ବାର ଗ୍ୟାସ୍ରେ ପାଣି ଗରମ କରିବା ବଦଳରେ ସୋଲାର ଓ୍ବାଟର ହିଟର ବ୍ୟବହାର କରନ୍ତୁ।
ଖାଦ୍ୟ ପ୍ରସ୍ତୁତି ପାଇଁ ଉପଯୁକ୍ତ ସାଇଜର କଡ଼େଇ ବା ପ୍ୟାନ୍ ବ୍ୟବହାର କରନ୍ତୁ। ଛୋଟ ସାଇଜ କଡ଼େଇ ବ୍ୟବହାର କରିବା ଦ୍ୱାରା ଗ୍ୟାସ୍ର ଆଞ୍ଚ କଡ଼େଇର ବାହାରକୁ ଆସିଥାଏ ଏବଂ ବଡ଼ ସାଇଜର କଡ଼େଇ ବ୍ୟବହାର ଦ୍ୱାରା ଗରମ ହେବା ପାଇଁ ଗ୍ୟାସ୍ ଅଧିକ ଖର୍ଚ୍ଚ ହୋଇଥାଏ।
ବର୍ନର ହଳଦିଆ ଫ୍ଲେମ୍ରେ ଜଳିଲେ ଏହାକୁ ପରିଷ୍କାର କରିବା ସଙ୍କେତ ମିଳିଥାଏ। ତେଣୁ ସମୟ ଅନ୍ତରରେ ରେଗୁଲେଟର, ପାଇପ୍ ଏବଂ ବର୍ନର ଆଦିର ଚେକ୍ କରି ନିଅନ୍ତୁ। ନଚେତ୍ ଗ୍ୟାସ୍ ଲିକ୍ ହେବା ସମ୍ଭାବନା ରହିଛି।
