ତେହରାନ୍,୩୦ା୩: ତେହରାନ୍ ଏବଂ ଏହାର ଆଖପାଖ ଅଞ୍ଚଳର ବିଦ୍ୟୁତ୍ ଗ୍ରୀଡ୍ ଉପରେ ଇସ୍ରାଏଲ୍ ଶନିବାର ବୋମାମାଡ଼ କରିଛି। ଫଳରେ ତେହରାନ୍ ସମେତ ଅନେକ ସହରରେ ବିଦ୍ୟୁତ୍ ସେବା ବ୍ୟାହତ ହୋଇଛି। ପ୍ରଥମଥର ପାଇଁ ଇସ୍ରାଏଲ ବିଦ୍ୟୁତ୍ ଭିତ୍ତିଭୂମି ଉପରେ ଆକ୍ରମଣ କରିଛି। ଇତିମଧ୍ୟରେ ଆମେରିକା ଗ୍ରାଉଣ୍ଡ ଅପରେଶନ ଆରମ୍ଭ କରିବାକୁ ପ୍ରସ୍ତୁତ ହେଉଥିବା କୁହାଯାଉଥିଲାବେଳେ ଇରାନ୍ ରବିବାର ଆମେରିକାକୁ ପୁଣି ଧମକ ଦେଇଛି। ଏକ ଭିଡିଓ ବାର୍ତ୍ତାରେ ଇରାନ୍ ସେନା ପ୍ରବକ୍ତା ଇବ୍ରାହିମ୍ ଜୋଲଫାଗାରି କହିଛନ୍ତି, ପାରସ୍ୟ ସାଗର ସାର୍କମାନଙ୍କ ପାଇଁ ଆମେରିକା ସୈନିକ ଭଲ ଖାଦ୍ୟ ହେବେ। ଆମେରିକା ଇରାନ୍କୁ ସେନା ପଠାଇ ଭୟଙ୍କର ସ୍ଥିତି ଉତ୍ପନ୍ନ କରିବାକୁ ଯାଉଛି। ଆମେ ସେମାନଙ୍କୁ ଅପେକ୍ଷା କରିଛୁ ବୋଲି ଇବ୍ରାହିମ୍ କହିଛନ୍ତି। ଏହା ପୂର୍ବରୁ ଆମେରିକା ସୈନିକଙ୍କୁ ସମୁଦ୍ରରେ ବୁଡ଼ାଇ ମାରିବାକୁ ଇରାନ ଧମକ ଦେଇଥିଲା।
