ଚାଇନାର ଏକ କମ୍ପାନୀ ‘ଫ୍ରୁଟ୍ ଗୋଲ୍ଡ’ ବିଚିତ୍ର ଆକାରର ଫଳ ଓ ପରିବା ତିଆରି କରିବା ପାଇଁ ପ୍ରସିଦ୍ଧ। ଚତୁର୍ଭୁଜାକାର ସେଓଠାରୁ ଆରମ୍ଭ କରି ଦିଲ୍ ଡିଜାଇନ୍ର ତରଭୁଜ ପର୍ଯ୍ୟନ୍ତ ଏବଂ ଲାଫିଙ୍ଗ୍ ବୁଦ୍ଧଙ୍କ ଆକୃତିର ନାସ୍ପାତି, ଷ୍ଟାର ଆକାରର କାକୁଡ଼ି ଓ ଆହୁରି ଅନେକ ଆକୃତିର ଫଳ ଓ ପରିବା ତିଆରି କରିବାରେ ଏହି କମ୍ପାନୀ ପ୍ରସିଦ୍ଧ। ଗ୍ରାହକମାନଙ୍କର ଡିମାଣ୍ଡ ଅନୁସାରେ କମ୍ପାନୀ ତାର ପ୍ରଡକ୍ଟସ୍କୁ ଡିଜାଇନ୍ ଦେଇଥାଏ। କମ୍ପାନୀ ନିଜର ଆଧିକାରିକ ୱେବ୍ସାଇଟ୍ରୁ ଗ୍ରାହକମାନଙ୍କର ଅର୍ଡ଼ର ନେଇଥାଏ। ଏହି ବିଚିତ୍ର କାମ ପାଇଁ କମ୍ପାନୀ ତା’ର କାର୍ଯ୍ୟରତ କୃଷକମାନଙ୍କୁ ଫଳ ଓ ପରିବାକୁ ସମସ୍ତ ପ୍ରକାରର ଡିଜାଇନ୍ କରିବା ପାଇଁ ରଖିଛି। ଫଳ ଓ ପରିବାକୁ ଆକାର ଦେବା ପାଇଁ ସେମାନଙ୍କୁ ମୋଲ୍ଡ ଷ୍ଟେମ୍ ଉପରେ ରଖି ଦିଆଯାଏ। ଯେତେବେଳେ ଫଳ ପାଚିବାକୁ ଆରମ୍ଭ କରିବ, ତାହା ସେହି ଆକାର ଧାରଣ କରିବ। କମ୍ପାନୀ ଗ୍ରାହକମାନଙ୍କର ଡିମାଣ୍ଡ ଅନୁସାରେ ଫଳ ଉପରେ ନାମ ମଧ୍ୟ ଅଙ୍କନ କରୁଛନ୍ତି।