କଟକ ରୋଡ,୨୭ା୭(ଡି.ଏନ୍.ଏ.): ରାଜଧାନୀର ଅଧିକାଂଶ ବାରରେ ଯୁବତୀ ଗୀତ ଗାଇବା ପାଇଁ କେତେଜଣ ବାର ମାଲିକ ଅନୁମତି ପାଇଛନ୍ତି। କିନ୍ତୁ ଏଭଳିସ୍ଥଳେ ଗୀତ ଗାଇବା ନଁ।ରେ ବାରରେ ଯୁବତୀଙ୍କ ନୃତ୍ୟ ପ୍ରଦର୍ଶନ ଲୋକଙ୍କୁ ଚିନ୍ତାରେ ପକାଇଛି। ନିର୍ଦ୍ଦିଷ୍ଟ ସମୟସୀମାକୁ କେତେଜଣ ବାର ମାଲିକ ନିୟମ ଉଲ୍ଲଂଘନ କରି ବିଳମ୍ବିତ ରାତ୍ରି ପର୍ଯ୍ୟନ୍ତ ଯୁବତୀଙ୍କୁ ନିୟୋଜିତ କରୁଛନ୍ତି। ଏଭଳି ସୂଚନା କମିଶନରେଟ ପୋଲିସଙ୍କ ବରିଷ୍ଠ ଅଧିକାରୀ ତଥା ସ୍ଥାନୀୟ ପୋଲିସ ବାର୍ ମାଲିକଙ୍କ ସହ ଉତ୍ତମ ବୁଝାମଣା ସ୍ଥାପନ କରି ଆଇନକୁ ଅଣଦେଖା କରୁଛନ୍ତି। ଏଥିସହ ଅବକାରୀ ବିଭାଗ ମଧ୍ୟ ସବୁ ଜାଣି ନୀରବ ରହିଛି। ବିଳମ୍ବରେ ହେଲେ ମଧ୍ୟ ଦୀର୍ଘଦିନ ଧରି କମିଶନରେଟ ପୋଲିସର ଚେତା ପଶିଛି। ଶୁକ୍ରବାର ରାତି ପ୍ରାୟ ସାଢେ ୧୧ଟା ବେଳେ ଡିସିପି ଅନୁପ କୁମାର ସାହୁଙ୍କ ନିର୍ଦ୍ଦେଶକ୍ରମେ ଲକ୍ଷ୍ମୀସାଗର ପୋଲିସ ସହ ବିଭିନ୍ନ ଥାନା ଅଧିକାରୀଙ୍କୁ ନେଇ ଗଠନ ହୋଇଥିବା ଟିମ କଟକ ରୋଡ ଅଞ୍ଚଳରେ ଥିବା ୧୦ରୁ ଊଦ୍ଧ୍ୱର୍ର୍ ବାରରେ ଚଢ଼ାଉ କରିଛି। ଚଢ଼ାଉ ସମୟରେ ବାରରେ ଥିବା ୩୦ରୁ ଊର୍ଦ୍ଧ୍ୱ ଯୁବତୀଙ୍କୁ ଥାନାକୁ ଅଣାଯାଇ ସେମାନଙ୍କ ପରିଚୟପତ୍ର ଯାଞ୍ଚ କରାଯାଉଛି ବୋଲି ଲକ୍ଷ୍ମୀସାଗର ଥାନା ଅଧିକାରୀ ଦୟାନିଧି ନାୟକ କହିଛନ୍ତି। ସୂଚନାଥାଉକି,ବିଳମ୍ବିତ ରାତ୍ରି ପର୍ଯ୍ୟନ୍ତ କେତେକ ବାରରେ ଯୁବତୀ ନୃତ୍ୟ ପ୍ରଦର୍ଶନ କରିବା ନେଇ ଏହି ଅଞ୍ଚଳରେ ଥିବା ବାରରେ ଲୋକଙ୍କ ଭିଡ ଲାଗୁଛି। ବିଭିନ୍ନ ସମୟରେ ବାରରେ ମାରପିଟ ଘଟଣା ଘଟୁଥିବା ସହ ଅନେକ ପୁରୁଣା ମାମଲାରେ ମାରପିଟ ଘଟଣାରେ ଜଡିତ ଥିବା ଅପରାଧୀଙ୍କୁ ପୋଲିସ ଗିରଫ କରିଛି।
