ଗୋପ,୧୦।୧୦(ଡି.ଏନ୍.ଏ.): ଗୋପ-କୋଣାର୍କ ରାସ୍ତାର ଜୁଣେଇ ନିକଟରେ ଗୁରୁବାର ଭୋର ସମୟରେ ଏକ ଦୁର୍ଘଟଣା ଘଟିଛି। କୋଣାର୍କ ବୁଲିବାକୁ ଯାଉଥିବା ଭଦ୍ରକ ଅଞ୍ଚଳର ଏକ କାର୍(ଓଡି୨୨ଏଲ୍୪୫୫୫) ଗଛରେ ପିଟି ହେବା ଫଳରେ ଗାଡ଼ିରେ ଥିବା ୩ ପର୍ଯ୍ୟଟକ ଗୁରୁତର ହୋଇଛନ୍ତି। ସେମାନେ ହେଲେ ସନ୍ତୋଷ କୁମାର ନାୟକ(୩୨), ଜଗନ୍ନାଥ ନାୟକ(୩୦) ଏବଂ ଝିଅ ସିଦିଶ୍ରୀ ନାୟକ(୭)। ସେହିଭଳି ସୃତିରେଖା ବେହେରା ଓ ଶୁଭସ୍ମିତା ନାୟକ ଆହତ ହୋଇଛନ୍ତି। ଆହତଙ୍କୁ ଗୋପ ଡାକ୍ତରଖାନାରେ ଚିକିତ୍ସା କରାଯାଉଥିବା ବେଳେ ଗୁରୁତରମାନଙ୍କୁ ଭୁବନେଶ୍ୱର ପଠାଯାଇଛି।
ସୂଚନାନୁଯାୟୀ, ଭଦ୍ରକ ଗଣ୍ତକୁରା ଗ୍ରାମର ଗୋଟିଏ ପରିବାରର ୧୫ ରୁ ଅଧିକ ଲୋକ ୨ ଗୋଟିଏ କାର୍ରେ କୋଣାର୍କ ବୁଲିବାକୁ ଯାଉଥିଲେ। ଡ୍ରାଇଭରଙ୍କ ଅସାବଧାନତା ଯୋଗୁ ଗାଡ଼ିଟି ଭାରସାମ୍ୟ ହରାଇ ରାସ୍ତା ତଳକୁ ଖସିଯାଇ ଏକ ଗଛରେ ପିଟି ହୋଇଯାଇଥିଲା।
