ଖବର ପ୍ରକାଶ ପରେ ଚେତିଲା ପ୍ରଶାସନ
5:15 pmApril 19, 2020April 19, 2020 / 54

ବିଜେପୁର,୧୯।୪(ଡି.ଏନ.ଏ.)-ବରଗଡ ଜିଲା ବିଜେପୁର ବ୍ଲକ ଚାରପାଲି ପଞ୍ଚାୟତରେ ଲକ୍‌ ଡାଉନ ବେଳେ ନିରାଶ୍ରିତଙ୍କୁ ରନ୍ଧା ଖାଦ୍ୟ ନ ମିଳିବା ଘଟଣାର ରବିବାର ପ୍ରଶାସନିକ ତଦନ୍ତ ହୋଇଛି । ବିଡିଓ ପଦ୍ମନାଭ ସାମନ୍ତରାୟ ଚାରପାଲିକୁ ଯାଇ ଏହାର ତଦନ୍ତ କରିଥିଲେ। ସ୍ଥାନୀୟ ପଞ୍ଚାୟତ କମ୍ପ୍ଲେକ୍ସରେ ଆଶ୍ରୟ ନେଇଥିବା ବେଲେକୁମୁରାକୁ ଭେଟି ତାଙ୍କ ବିଷୟରେ ପଚାରି ବୁଝିଥିଲେ। ଲକ୍‌ ଡାଉନ ଶେଷ ହେବାଯାଏଁ ତାଙ୍କୁ ରନ୍ଧା ଖାଦ୍ୟ ଯୋଗାଇ ଦିଆଯିବ ବୋଲି ବିଡିଓ କହିଥିଲେ । ସୂଚନାଯୋଗ୍ୟ ଯେ, ଚାରପାଲି ପଞ୍ଚାୟତରେ କୌଣସି ଜଣେ ବ୍ୟକ୍ତିଙ୍କୁ ମଧ୍ୟ ରନ୍ଧା ଖାଦ୍ୟ ଯୋଗାଇ ଦିଆଯାଉ ନ ଥିଲା । ଏ ନେଇ ଗଣମାଧ୍ୟମ ପ୍ରତିନିଧିଗଣ ଶନିବାର ଉକ୍ତ ଗାଁକୁ ଯାଇଥିବା ବେଳେ ସ୍ଥାନୀୟ ଲୋକେ ଏହି ନିରାଶ୍ରିତଙ୍କ ବିଷୟରେ ଅଭିଯୋଗ କରିଥିଲେ। ଫଳରେ ଧରିତ୍ରୀ ପଶ୍ଚିମ ଓଡିଶା ସଂସ୍କରଣରେ ଲକ୍‌ ଡାଉନ କଟକଣା: ନିରାଶ୍ରିତଙ୍କୁ ମିଳୁନି ରନ୍ଧାଖାଦ୍ୟ ଶୀର୍ଷକ ଖବର ରବିବାର ପ୍ରକାଶିତ ହୋଇଥିଲା। ଖବର ପ୍ରକାଶିତ ହେବା ପରେ ପ୍ରଶାସନ ତତ୍ପରତା ପ୍ରକାଶ କରିଥିଲା।