ଖଇରା, ୨୫।୯(ଡି.ଏନ.ଏ.)-ବାଲେଶ୍ୱର ଉପଜିଲାପାଳ ନିଲୁ ମହାପାତ୍ରଙ୍କ ନେତୃତ୍ୱରେ ଏକ ଟିମ୍ ମଙ୍ଗଳବାର ଶାରୀଶୂଆ ପାହାଡ଼ ପାଦଦେଶରେ ବେଆଇନ ଭାବେ ଚାଲୁଥିବା ବିଭିନ୍ନ କ୍ରଶରର କାଗଜପତ୍ର ଯାଞ୍ଚ କରିବା ସହ ଖଣି ପରିଦର୍ଶନ କରିଛନ୍ତି। ପ୍ରବଳ ବର୍ଷା ଯୋଗୁ ଯାଞ୍ଚରେ ବାଧା ଉପୁଜିଥିଲା। ପ୍ରଥମେ ଉପଜିଲାପାଳ ମହାପାତ୍ର ବ୍ରିଜ ଗୋପାଳ କ୍ରଶର ଓ ଦିବିଏଲ ମୋବାଇଲ କ୍ରଶର ଯାଞ୍ଚ କରିଥିଲେ। ମହାପାତ୍ର ଟିମ୍ରେ ସୋର ତହସିଲଦାର ଦେବୀପ୍ରସନ୍ନ ଦାଶ, କୁପାରୀ ଫରେଷ୍ଟର କିଶୋରଚନ୍ଦ୍ର ଭୂୟାଁ, ପରିବେଶ ବିଭାଗର ସହକାରୀ ଯନ୍ତ୍ରୀ ସନ୍ଧ୍ୟାରାଣୀ ମାରାଣ୍ଡି, ଖଇରା ତହସିଲଦାର ପ୍ରଦୀପ କୁମାର ସାହୁ, ଅତିରିକ୍ତ ତହସିଲଦାର ବିଭାସ ରଞ୍ଜନ ପାଣିଗ୍ରାହୀ ପ୍ରମୁଖ ସାମିଲ ଥିଲେ। ସରକାରୀ ଜାଗାରେ ଚାଲୁଥିବା ଏହି କ୍ରଶରର ଆବଶ୍ୟକ କାଗଜପତ୍ର ଅଭାବରୁ ଜମି ଚିହ୍ନଟ ପାଇଁ ତହସିଲଦାରଙ୍କୁ ନିର୍ଦ୍ଦେଶ ଦେଇଥିଲେ। ସେହିଭଳି ସୁଦର୍ଶନ ଷ୍ଟୋନ କ୍ରସରରେ କୌଣସି କର୍ମଚାରୀ ନ ଥିବାରୁ କାଗଜପତ୍ର ଯାଞ୍ଚ କରି ନ ପାରି ଅଧିକାରୀମାନେ କ୍ରଶରକୁ ସିଲ କରିଦେଇଥିଲେ। ଏହାଛଡ଼ା ପାହାଡର ୧୪୪ ଧାରା ଥିବା କିଛି କ୍ରଶରରୁ ମାଲ ଉଠାଯାଉଥିବା ନେଇ ଅସନ୍ତୋଷ ପ୍ରକାଶ କରିଥିଲେ। ସେହିଭଳି ଖଣିଗୁଡ଼ିକ ଚତୁଃପାର୍ଶ୍ୱରେ ଗଛ ଲଗାଯାଇ ନ ଥିବାରୁ ଅଧିକାରୀମାନେ ଉଦ୍ବେଗ ପ୍ରକାଶ କରିଥିଲେ।
ଉପଜିଲାପାଳ ନିଲୁ ମହାପାତ୍ରଙ୍କ ସହ ଏ ସମ୍ପର୍କରେ ଯୋଗାଯୋଗ କରିବାରୁ ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି ା ଏହା ଆଗକୁ ମଧ୍ୟ ଚାଲିବ ବୋଲି କହିଛନ୍ତି ା ସେହିଭଳି ଟିମ୍ରେ ସାମିଲ ଥିବା ସହାକାରୀ ପରିବେଶବିତ୍ ଯନ୍ତ୍ରୀ ସନ୍ଧ୍ୟାରାଣୀ ମାରାଣ୍ଡିଙ୍କୁ ଏ ସମ୍ପର୍କରେ ପଚାରିବାରେ ପଥର ଉତ୍ତୋଳନ ପରେ ଖଣି ପାର୍ଶ୍ୱରେ ଗଛ ଲଗାଯିବାର ନିୟମ ଥିଲେ ହେଁ କୌଣସି ଖଣିରେ ଗଛ ଲାଗିନାହିଁ ା ସେହିଭଳି କ୍ରଶରଗୁଡ଼ିକ ଲୋଡ଼ିଂ ଓ ଅନଲୋଡ଼ିଂ ପରେ ସ୍ପ୍ରିଙ୍କଲର ମେଶିନ ବ୍ୟବହାର କରିବାର
