ବର୍ତ୍ତମାନର ଜୀବନଶୈଳୀ ଓ କର୍ମବ୍ୟସ୍ତତା ପାଇଁ ଅଧିକାଂଶ ଲୋକ ସ୍ବାସ୍ଥ୍ୟପ୍ରତି ଯତ୍ନଶୀଳ ହୋଇପାରି ନ ଥାନ୍ତି। ଫଳରେ ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ଦେଖାଯାଇଥାଏ। ତନ୍ମଧ୍ୟରୁ କୋଷ୍ଠକାଠିନ୍ୟ ଓ ଗ୍ୟାସ ମୁଖ୍ୟ ସମସ୍ୟା। ତେବେ ଏହି ସମସ୍ୟା ଛୋଟ ଲାଗୁଥିଲେ ମଧ୍ୟ ଏହାର ଯନ୍ତ୍ରଣା ଅଧିକ କଷ୍ଟକର ହୋଇଥାଏ। ଗ୍ୟାସ ଲାଗି ହେଉଥିବା ପେଟ ଦରଜ ଓ ମୁଣ୍ଡବିନ୍ଧା ଏକ ଚିନ୍ତାର ବିଷୟ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଲୋକେ ଗରମପାଣି, ହେଙ୍ଗୁ, ଜୁଆଣି ଓ ବିଟ୍ ଲୁଣରେ ଘରୋଇ ଚିକିତ୍ସା କରିଥାନ୍ତି। ଘରୋଇ ଚିକିତ୍ସା ପରେ ତାହା କିଛି ସମୟ ପାଇଁ ଭଲ ହୋଇଯାଉଥିଲେ ମଧ୍ୟ ପରବର୍ତ୍ତୀ ସମୟରେ ପୁଣି ହୋଇଥାଏ। ତେବେ ସବୁଦିନ ପାଇଁ ଏଥିରୁ ମୁକ୍ତି ପାଇବାକୁ ଏହିସବୁ ଦିଗ ଉପରେ ଧ୍ୟାନ ଦିଅନ୍ତୁ।
ବାହାର ଖାଦ୍ୟ ଓ ଜଙ୍କ୍ ଫୁଡ୍ଠାରୁ ଦୂରେଇ ରୁହନ୍ତୁ:
ବାହାର ଖାଦ୍ୟ ଠାରୁ ଦୂରେଇ ରୁହନ୍ତୁ। ଯଦି କାର୍ଯ୍ୟବ୍ୟସ୍ତତା ପାଇଁ ବାହାରେ ଖାଇବାକୁ ବାଧ୍ୟ ହେଉଛନ୍ତି,ତେବେ ରାଗ, ତେଲ, ମସଲାଠାରୁ ଦୂରେଇ ରୁହନ୍ତୁ।
ଔଷଧ
ଅନେକ ସମୟରେ ଅଧିକ ଆଣ୍ଟିବାଓଟିକ ଔଷଧ ସେବନ କରୁଥିବା ଲୋକଙ୍କଠାରେ ମଧ୍ୟ ଗ୍ୟାସ ସମସ୍ୟା ଦେଖାଯାଇଥାଏ। ଟିକେ ଟିକେ ସମସ୍ୟାରେ ଆମେ ଅନେକ ପେନକିଲର ଖାଇଦେଇଥାଉ। ତେବେ ଡାକ୍ତରଙ୍କ ବିନା ପରାମର୍ଶରେ କୌଣସି ଔଷଧ ସେବନ କରନ୍ତୁ ନାହିଁ।
ଖାଦ୍ୟକୁ ଚୋବାଇ ଖାଆନ୍ତୁ
କର୍ମବ୍ୟସ୍ତତା ପାଇଁ ଅଧିକାଂଶ ଲୋକ ଖାଦ୍ୟକୁ ତରତରରେ ଗିଳି ଦେଇଥାନ୍ତି। ଯାହା ପାଚନ ପ୍ରକ୍ରିୟାରେ ସମସ୍ୟା ସୃଷ୍ଟି କରିଥାଏ। ତେଣୁ ଖାଦ୍ୟକୁ ଚୋବାଇ ଖାଇବା ଉଚିତ।
ଖାଇ ସାରିବା ପରେ ଚାଲନ୍ତୁ
ସାଧାରଣତଃ ଖାଇ ସାରିବା ପରେ ଆମେ ବସି ଯାଇଥାଉ। ମତ୍ର ଖାଇ ସାରିବା ପରେ ଚାଲିବା ଉଚିିତ
