ଓ୍ବେଲିଂଟନ,୧।୪(ଏଏଫ୍ପି): କୋଭିଡ-୧୯ ସଂକ୍ରମଣ କାରଣରୁ ନ୍ୟୁଜିଲାଣ୍ଡ ରଗ୍ବୀ (ଏନ୍ଜେଡ୍ଆର) ପାଖାପାଖି ୬୦ ମିଲିୟନ ଆମେରିକୀୟ ଡଲାର କ୍ଷତି ସହିବ ବୋଲି ଆଶଙ୍କା ପ୍ରକାଶ କରିଛି। ଫଳରେ ନୁଜିଲାଣ୍ଡ ରଗ୍ବୀ ତା’ର ସମସ୍ତ କର୍ମଚାରୀଙ୍କ ଦରମା କାଟିବାକୁ ନିଷ୍ପତ୍ତି ନେଇଛି। ଯଦି ପରିସ୍ଥିତି ଆହୁରି ଖରାପ୍ ହୁଏ ଚଳିତ ବର୍ଷ ସୁପର ରଗ୍ବୀ ଟିମଗୁଡିକ ଓ ଅଲ ବ୍ଲାକ୍ସର ଦଳଗୁଡିକ ଖେଳିବେ ନାହିଁ ବା ପଡିଆକୁ ଓହ୍ଲାଇବେ ନାହିଁ ବୋଲି ଏନ୍ଜେଡଆର ମୁଖ୍ୟ ମାର୍କ ରବିନସନ କହିଛନ୍ତି। ଏଭଳି ପରିସ୍ଥିତିରେ ବହୁତ କ୍ଷତି ସହିବାକୁ ପଡିବ। କର୍ମଚାରୀମାନେ ମଧ୍ୟ ଆଗାମୀ ୩ ମାସ ପାଇଁ ୪୦ ପ୍ରତିଶତ ପାଉଣା କାଟିବା ନେଇ ସମ୍ମତି ପ୍ରକାଶ। ଖେଳାଳିମାନଙ୍କ ସହିତ ମଧ୍ୟ ଏ ନେଇ କଥାବାର୍ତ୍ତା ଚାଲିଛି ବୋଲି ସେ କହିଛନ୍ତି। ଆଗକୁ ବହୁତ ଚ୍ୟାଲେଞ୍ଜ ରହିଛି। ତେବେ ଦେଶରେ ରଗ୍ବୀକୁ ଭଲ ପାଇଥିବା ଲୋକ ବହୁତ ଅଛନ୍ତି। ଏ ସଂକ୍ରାନ୍ତରେ ଓ୍ବାଲର୍ଡ ରଗ୍ବୀ ସହିତ ମଧ୍ୟ କଥା ହୋଇଛୁ ବୋଲି ସେ କହିଛନ୍ତି।
ଇତିମଧ୍ୟରେ ନ୍ୟୁଜିଲାଣ୍ଡର ୫ଟି ସୁପର ରଗ୍ବୀ କ୍ଲବ୍ଗୁଡିକୁ ୨,୫୦,୦୦୦ ଲକ୍ଷ ନ୍ୟୁଜିଲାଣ୍ଡ ଡଲାର ପ୍ରଦାନ କରାଯାଇଛି। ଆଗାମୀ ୩ ମାସ ପାଇଁ ପ୍ରସ୍ତୁତ ହେବା ପାଇଁ ଏହି ଅର୍ଥ ପ୍ରଦାନ କରାଯାଇଛି ବୋଲି ଏନ୍ଜେଡଆର ତରପରୁ କୁହାଯାଇଛି। ସୁପର ରଗ୍ବୀ କ୍ଲବଗୁଡିକର କିପରି ମୂଳ ତଥା ମୌଳିକ କ୍ଷମତା ବଜାୟ ରଖିବେ ସେଥିପାଇଁ ଏହି ନିଷ୍ପତ୍ତି ନିଆଯାଇଛି ଏନ୍ଜେଡଆର ତରଫରୁ କୁହାଯାଇଛି।
