ବଲାଙ୍ଗୀର ଅଫିସ, ୫ା୬-ବଲାଙ୍ଗୀର ମୁଖ୍ୟ ଡାକଘର ପରିସରରେ ଶୁକ୍ରବାର ଭାରତୀୟ ଡାକବିଭାଗ ପକ୍ଷରୁ ଏକ କମନ୍ ସର୍ଭିସ ସେଣ୍ଟର ଉଦ୍ଘାଟନ କରାଯାଇଛି ା ବଲାଙ୍ଗୀର ପୋଷ୍ଟାଲ ସୁପରିଣ୍ଟେଣ୍ଡେଣ୍ଟ ଦେବୀ ପ୍ରସାଦ ନାୟକ ଏହି କମନ୍ ସର୍ଭିସ ସେଣ୍ଟରର ଉଦ୍ଘାଟନ କରିଥିଲେ ା ସମ୍ମାନିତ ଅତିଥିଭାବେ ମହିଳା ଭଲିବଲ ଖେଳାଳି ତଥା ଆଟଗଁା ସରପଞ୍ଚ ବବିତା ପୁଟେଲ, ଡାକଟିକଟ ସଂଗ୍ରାହକ କମଳ ଚକ୍ରବର୍ତ୍ତୀ, ଗଙ୍ଗାଧର ତ୍ରିପାଠୀ ଯୋଗ ଦେଇଥିଲେ ା କାର୍ଯ୍ୟକ୍ରମକୁ ରସରାଜ ଅଚ୍ୟୁତ ପୁରୋହିତ ପରିଚାଳନା କରିଥିଲେ ା ଏହି ନବ ଉଦ୍ଘାଟିତ କମନ୍ ସର୍ଭିସ ସେଣ୍ଟରରେ ଜନସାଧାରଣ ବିଭିନ୍ନ ପ୍ରକାର ଡିଜିଟାଲ ସେବା ସୁବିଧା ପାଇପାରିବେ ା ଏଠାରେ ଆଧାର କାର୍ଡ, ପାନ କାର୍ଡ, ଜନ୍ମ ଓ ମୃତ୍ୟୁ ପ୍ରମାଣ ପତ୍ର, ପାସ୍ପୋର୍ଟ, ଟ୍ରେନ୍ ଓ ଉଡାଜାହାଜ ଟିକଟ ସେବା ପାଇପାରିବେ ବୋଲି ପୋଷ୍ଟାଲ ସୁପରିଣ୍ଟେଣ୍ଡେଣ୍ଟ ନାୟକ ଗଣମାଧ୍ୟମକୁ ସୂଚନା ଦେଇଥିଲେ ା ଏହି ଅବସରରେ ସହକାରୀ ଡା ଅଧିକ୍ଷକ ସର୍ବେଶ୍ୱର ବଳିଆର ସିଂ ଓ ଭରତ ଜାଲି, ଡାକବିଭାଗର ଦେବାନନ୍ଦ ପୁଟେଲ, ସ୍ବାଧୀନ ପଣ୍ଡା, ସୌମେନ୍ଦ୍ର ପାତ୍ର, ବନ୍ଦିତା ଦର୍ଜୀ, ମୀନତୀ ଡାଙ୍ଗ, ଆଶିଷ ଚୌହାନ, ସୂରଜ ମେହେର, ପ୍ରଶାନ୍ତ ଜାଲ, ସ୍ନିଗ୍ଧାରାଣୀ ଭୋଇ, ଲିପ୍ସା ମିଶ୍ର ଓ ଭାରତୀ ଉପସ୍ଥିତ ଥିଲେ ା କମନ୍ ସର୍ଭିସ ସେଣ୍ଟର ପାଇଁ ମୁଖ୍ୟ ଡାକଘରରେ ଏକ ସ୍ବତନ୍ତ୍ର କାଉଣ୍ଟର ଖୋଲାଯାଇଛି ା ଏହି କାଉଣ୍ଟର ଉଦ୍ଘାଟନ ପରେ କରୋନା ଯୋଦ୍ଧାଙ୍କ ଉଦ୍ଦେଶ୍ୟରେ ଡାକବିଭାଗ ପକ୍ଷରୁ ପ୍ରସ୍ତୁତ ଏକ ସ୍ପେଶାଲ ପୋଷ୍ଟାଲ କ୍ୟାନ୍ସେଲେସନ୍କୁ ଡାକ ଅଧିକ୍ଷକ ନାୟକ ଉନ୍ମୋଚନ କରି କରୋନା ଯୋଦ୍ଧାଙ୍କୁ ଉତ୍ସାହିତ କରିଥିଲେ ା
