ଆର.ଉଦୟଗିରି,୨୧ା୪(ଡି.ଏନ.ଏ.)- ଗଜପତି ଜିଲା ଆଦିବାସୀ ଶବର ସମାଜ ପକ୍ଷରୁ ସୋମବାର ମୁଖ୍ୟମନ୍ତ୍ରୀ ରିଲିଫି ପାଣ୍ଠିକୁ ଏକ ଲକ୍ଷ ଟଙ୍କାର ସହାୟତା ପ୍ରଦାନ କରାଯାଇଛି। ଏନେଇ ଏକ ଚେକ ଶବରପଲ୍ଲୀ ଶ୍ରୀରାମପୁର ସ୍ଥିତ ଶବର କଲ୍ୟାଣ ସମିତି କାର୍ଯ୍ୟାଳୟ ଶବର ସମାଜ ଓଡିଶା ସର୍ବୋଚ୍ଚ ସଭାପତି ଝାମ୍ପୁରା ରଇତ, ସମ୍ପାଦକ କୁଷ୍ଣଚନ୍ଦ୍ର ଗମାଙ୍ଗ, ସହ ସମ୍ପାଦକ କର୍ଣ୍ଣରଥି ରଇତ, କୋଷାଧ୍ୟକ୍ଷ ଚିତ୍ତରଞ୍ଜନ ରଇତ, ଗଜପତି ଜିଲା ସଭାପତି ଦଣ୍ଡପାଣି ବଡମୁଣ୍ଡି ଓ ସମ୍ପାଦକ ଅର୍ଜୁନ ରଇତ ପ୍ରମୁଖ ସ୍ଥାନିୟ ବିଡିଓ ପ୍ରଦିପ କୁମାର ନାୟକଙ୍କୁ ତାଙ୍କ କାର୍ଯ୍ୟଳୟରେ ପ୍ରଦାନ କରିଥିଲେ। କରୋନା ବିପର୍ଯ୍ୟୟବେଳେ ସାହାଯ୍ୟ କରିବା ଶବର ସମାଜର ସକରାତ୍ମକ ମାନସିକତା ପ୍ରେରଣାର ଉତ୍ସ ବୋଲି ବିଡିଓ ମତପ୍ରକାଶ କରିଥିଲେ।
