ନାଉଗଁା,୧୫ା୧୨(ସ୍ବ.ପ୍ର.): ନାଉଗଁ। ବ୍ଲକ ସଦର ମହକୁମାରୁ କୋରୁଅ ପଞ୍ଚାୟତ ତେଲସରାକୁ ସଂଯୋଗୀକରଣ ପାଇଁ ନାଉଗଁା-ଗାରୋଇ ରାସ୍ତା ରହିଛି। ଏହି ରାସ୍ତା ପୂର୍ତ୍ତ ବିଭାଗ ଅଧୀନରେ ଯାଉଛି। ରାସ୍ତାଟି ମୋଟ୍ ୧୫ କିମି ହୋଇଥିବାବେଳେ ପ୍ରାୟ ୩ କିମି କଂକ୍ରିଟ ହୋଇଛି। ଅବଶିଷ୍ଟ ୧୨ କି.ମି ପିଚୁ କରାଯାଇଛି। ତେବେ ଏହି ରାସ୍ତାରେ ଏକାଧିକ କଲଭର୍ଟ ନିର୍ମାଣ କରାଯାଇଛି। ମାତ୍ର କଲଭର୍ଟ ଗୁଡିକ ବିପର୍ଯ୍ୟସ୍ତ ଅବସ୍ଥାରେ ରହିଛି। ଶନିବାର ଭୋର ସମୟରେ ଗଙ୍ଗଦାହାଟ ନିକଟରେ ଥିବା କଲଭର୍ଟ ଦେଇ ଏକ ପଥର ବୋଝେଇ ହାଇଓ୍ବା ଯିବା ସମୟରେ ରାସ୍ତା ଦବି ଯାଇଥିଲା। ଫଳରେ ହାଇଓ୍ବା ଆଗକୁ ଯାଇ ନ ପାରି ସେଠାରେ ଫସି ରହିଥିଲା। ଯଦ୍ଦ୍ବାରା ରାସ୍ତାଟି ସମ୍ପୂର୍ଣ୍ଣ ଜାମ ହୋଇଥିଲା। ଏଥିଯୋଗୁ ପ୍ରାୟ ୧୨ ଘଣ୍ଟା ଧରି ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା। ସନ୍ଧ୍ୟାରେ ହାଇଓ୍ବାକୁ ହଟାଯିବା ପରେ ଗାଡ଼ି ଚଳାଚଳ ସ୍ବାଭାବିକ ହୋଇଥିଲା। ଯେଉଁ ସ୍ଥାନରେ ହାଇଓ୍ବା ଦବିଥିଲା ସେହି ସ୍ଥାନରେ ଥିବା କଲଭର୍ଟକୁ ୩ ଦିନ ତଳେ ମରାମତି ପାଇଁ ଖୋଳାଯାଇଥିଲା। କିନ୍ତୁ କାର୍ଯ୍ୟ କରାଯାଇ ନ ଥିଲା। ତେଣୁ ପଥର ବୋଝେଇ ହାଇଓ୍ବା ଭାରାସାମ୍ୟ ହରାଇ ଗୋଟିଏ ପାର୍ଶ୍ୱକୁ ଢଳି ରହିଥିଲା। ସେହିପରି ରାସ୍ତା କଡରେ ଥିବା ଏକ ଫଳ ଦୋକାନ ଆଡ଼କୁ ଗାଡ଼ି ଢଳାଇ ଯାଇଥିଲା। ମାତ୍ର ଦୋକାନୀ ଶୋଇଥିଲେ ମଧ୍ୟ ବର୍ତ୍ତି ଯାଇଛନ୍ତି।
ବ୍ଲକର କୋକିଡ଼ିହଠାରୁ ଗାରୋଇ ପର୍ଯ୍ୟନ୍ତ ୧୫ କମି ରାସ୍ତା ପୂର୍ବତନ ବିଧାୟକ ଜ୍ୟୋତିଷ ଚନ୍ଦ୍ର ଦାସଙ୍କ ୧୯୮୫-୧୯୯୦ ମଧ୍ୟରେ ଆଞ୍ଚଳିକ ଉନ୍ନୟନ ପାଣ୍ଠିରୁ ମେଟାଲ କରାଯାଇଥିଲା। ପରେ ୧୯୯୦ରୁ ୯୫ ମଧ୍ୟରେ ପୂର୍ବତନ ବିଧାୟକ ଉମେଶ ସ୍ବାଇଁଙ୍କ ଆଞ୍ଚଳିକପାଣ୍ଠିରୁ ନାଉଗଁାଠାରୁ ବାଂଶ ପଞ୍ଚାୟତ ଚାନ୍ଦପୁରା ପଯର୍ୟନ୍ତ ପିଚୁ କରାଯାଇଥିଲା। ଏହା ଶେଷ ହୋଇ ନ ପାରିବାରୁ ୧୯୯୫-୨୦୦୦ ମଧ୍ୟରେ ପୂର୍ବତନ ବିଧାୟକ ଡା.ଲଲାଟେନ୍ଦୁ ମହାପାତ୍ରଙ୍କ ସମୟରେ ୪ କୋଟି ଟଙ୍କା ବ୍ୟୟ କରାଯାଇ ଗାରୋଇ ପର୍ଯ୍ୟନ୍ତ ପିଚୁ କରାଯାଇଥିଲା। ପିଚୁ କାଯର୍ୟ ଶେଷ ହେବା ପରେ ରାସ୍ତାଟିକୁ ପୂର୍ତ୍ତ ବିଭାଗକୁ ହସ୍ତାନ୍ତର କରାଯାଇଥିଲା। ସେହିଦିନଠାରୁ ପୂର୍ତ୍ତ ବିଭାଗ ରକ୍ଷଣାବେକ୍ଷଣ ପାଇଁ ରାସ୍ତାରେ ଲକ୍ଷାଧିକ ଟଙ୍କା ବ୍ୟୟ କରୁଛି। ମାତ୍ର ରାସ୍ତା ଅବସ୍ଥା ସୁଧୁରିବାର ନାଁ ଧରୁ ନାହିଁ। ଏପରି କି ରାସ୍ତା ପ୍ରଶସ୍ତୀକରଣ ବେଳେ ବିଭାଗର କୌଣସି ଅଧିକାରୀ ଉପସ୍ଥିତ ନ ଥିଲେ। ଫଳରେ ଠିକାଦାର ମନଇଚ୍ଛା କାର୍ଯ୍ୟ କରିଥିଲେ। ଯେଉଁଥି ପାଇଁ ଅଳ୍ପ ଦିନରେ ରାସ୍ତା ବିପଯର୍ୟସ୍ତ ହୋଇ ପଡିଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଏ ସମ୍ପର୍କରେ ପୂର୍ତ୍ତ ବିଭାଗ ଏସ୍ଡିଓ ସନ୍ତୋଷ ମହାପାତ୍ରଙ୍କୁ ପଚାରିବାରେ ସେ କହିଥିଲେ, ହାଇଓ୍ବାଟି କ୍ଷମତାଠାରୁ ଅଧିକ ସାମଗ୍ରୀ ପରିବହନ କରୁଥିଲା। ତେଣୁ ଏଭଳି ସମସ୍ୟା ହୋଇଥିଲା। ମାତ୍ର ରାସ୍ତା କାର୍ଯ୍ୟ ନିମ୍ନମାନର ହୋଇ ନ ଥିବା ପ୍ରକାଶ କରିଥିଲେ।
