ନୂଆଦିଲ୍ଲୀ,୧୫।୬: କେନ୍ଦ୍ର ସରକାରଙ୍କ ଛାତ୍ରବୃତ୍ତି ଯୋଜନା ଅନ୍ତର୍ଗତ ୨୦୧୮-୧୯ ବର୍ଷରେ ମୋଟ ଏକ କୋଟି ୮ ଲକ୍ଷ ଛାତ୍ରୀଛାତ୍ର ଉପକୃତ ହୋଇଛନ୍ତି। ସେମାନଙ୍କ ମଧ୍ୟରୁ ମୁସଲମାନ ଛାତ୍ରୀଛାତ୍ରଙ୍କ ସଂଖ୍ୟା ୮୮ ଲକ୍ଷ ଥିବାବେଳେ ହିନ୍ଦୁ ଛାତ୍ରୀଛାତ୍ରଙ୍କ ସଂଖ୍ୟା ୫ ଲକ୍ଷ ୨୦ ହଜାର ରହିଛି। ସେହିପରି ଏହି ଯୋଜନାରେ ୮ଲକ୍ଷ ୨୬ ହଜାର ଖ୍ରୀଷ୍ଟିଆନ୍, ୫ ଲକ୍ଷ ୪୫ ହଜାର ଶିଖ୍, ଏକ ଲକ୍ଷ ୯୪ ହଜାର ବୌଦ୍ଧ ଏବଂ ଏକଲକ୍ଷ ୭ ହଜାର ଜୈନ ଛାତ୍ରୀଛାତ୍ର ରହିଛନ୍ତି। ଏସମ୍ପର୍କରେ ଇଲୋକ୍ଟନିକ୍ସ୍ ଏବଂ ସୂଚନା ପ୍ରାଦ୍ୟୋଗିକ ମନ୍ତ୍ରଣାଳୟ ଦ୍ୱାରା ପରିଚାଳିତ ଜାତୀୟ ଛାତ୍ରବୃତ୍ତି ପୋର୍ଟାଲ ଦ୍ୱାରା ପ୍ରକାଶିତ ଏକ ରିପୋର୍ଟରେ ପ୍ରକାଶ ପାଇଛି। ଏଥିପାଇଁ ଏକକୋଟି ୪୦ ଲକ୍ଷ ଛାତ୍ରୀଛାତ୍ର ଆବେଦନ କରିଥିଲେ। ଏଥିଲାଗି ୨ ହଜାର ଏକଶହ ୫୭ କୋଟି ଟଙ୍କା ପ୍ରଦାନ କରାଯାଇଛି। ଏଥିରେ ସର୍ବାଧିକ ପଶ୍ଚିମବଙ୍ଗ, କର୍ନାଟକ, ଉତ୍ତରପ୍ରଦେଶ,ମହାରାଷ୍ଟ୍ର ଓ କେରଳ ଆଦି ୫ ରାଜ୍ୟ ରହିଥିବା ରିପୋର୍ଟରେ ଦର୍ଶାଯାଇଛି। ଏହି ଯୋଜନାରେ ସର୍ବାଧିକ ୩ଶହ ୩୬ କୋଟି ଟଙ୍କା ଉତ୍ତରପ୍ରଦେଶକୁ ଦିଆଯାଇଥିବା ପ୍ରକାଶ ପାଇଛି।
