ଖଇରା, ୨।୮(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ରଟିଣା ନୋଡାଲ ହାଇସ୍କୁଲର ୨ ଛାତ୍ରଙ୍କ ମୃତ୍ୟୁ ପରେ ୫ଦିନ ଧରି ବନ୍ଦ ରହିଥିବା ସ୍କୁଲରେ ସ୍ବାଭାବିକ ପରିସ୍ଥିତି ଫେରିଛି ା ଗୁରୁବାର ପୂର୍ବାହ୍ନରେ ଖଇରା ବ୍ଲକ ଶିକ୍ଷାଧିକାରୀ ଧରଣୀଧର ପାତ୍ର ନିଜ କାର୍ଯ୍ୟାଳୟର କର୍ମଚାରୀମାନଙ୍କ ସହ ବିଦ୍ୟାଳୟକୁ ଯାଇ ଗେଟ ତାଲା ଖୋଲିବା ସହ ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ପ୍ରଧାନଶିକ୍ଷକ ସୁବୋଧ କୁମାର ସାହୁଙ୍କୁ ଚାବି ହସ୍ତାନ୍ତର କରିଥିଲେ ା ପରେ ପୂର୍ବଭଳି ପାଠ ପଢା ଆରମ୍ଭ କରିବାକୁ ଶିକ୍ଷାଧିକାରୀ ପାତ୍ର ପରିଚାଳନା କମିଟିର ସଭାପତି ବିଦ୍ୟାଧର ଶତପଥି, ସରପଞ୍ଚ ସତ୍ୟାନନ୍ଦ ଜେନା, ଚିନ୍ତାମଣି ଦାସ, ନିରଞ୍ଜନ ମହାପାତ୍ରଙ୍କ ସମେତ କମିଟିର ଅନ୍ୟ କର୍ମକର୍ତ୍ତାଙ୍କ ସହ ଆଲୋଚନା କରିଥିଲେ। ଶୁକ୍ରବାରଠାରୁ ପୂର୍ବଭଳି ପାଠପଢା, ମଧ୍ୟାହ୍ନଭୋଜନ ପ୍ରସ୍ତୁତି କରିବାକୁ ସର୍ବସମ୍ମତ୍ତିକ୍ରମେ ନିଷ୍ପତ୍ତି ଗ୍ରହଣ କରାଯାଇଥିଲା ା ତେବେ ବିଦ୍ୟାଳୟରେ ପୂର୍ବରୁ କାର୍ଯ୍ୟରତ ଖେଳଶିକ୍ଷକ ଉମାକାନ୍ତ ସାହୁଙ୍କୁ ବଦଳି କରିବା ବଦଳରେ ନିଲମ୍ବନ କରାଯିବା ଘଟଣାରେ କମିଟି ସଭ୍ୟ ଅସନ୍ତୋଷ ପ୍ରକାଶ କରିଥିଲେ।
