ନୂଆଦିଲ୍ଲୀ,୧୮।୭: କୁଳଭୂଷଣ ଯାଦବଙ୍କ ଭଳି ପାକିସ୍ତାନ ଜେଲ୍ରେ ୨୭୩ ଜଣ ଭାରତୀୟ ବନ୍ଦୀ ଭାବେ ରହିଛନ୍ତି। ପାକିସ୍ତାନରେ ବିଭିନ୍ନ ଜେଲ୍ରେ ଏହି ଭାରତୀୟମାନେ ରହିଛନ୍ତି। ସେମାନଙ୍କ ମଧ୍ୟରେ ୬୪ ସାଧାରଣ ଲୋକ ଏବଂ ୨୦୯ ଜଣ ଧୀବର ରହିଥିବା କୁହାଯାଉଛି। ୨୦୧୬ରେ ପାକିସ୍ତାନ ୪୧୦ ଭାରତୀୟ ଧୀବର ଏବଂ ୨ ଜଣ ସାଧାରଣ ଲୋକଙ୍କୁ ମୁକ୍ତ କରିଥିଲା। ସେହିପରି ୨୦୧୭ରେ ୫୦୮ ଧୀବର ଏବଂ ୭ ସାଧାରଣ ଲୋକଙ୍କୁ ପାକିସ୍ତାନ ମୁକ୍ତ କରିଥିଲା। ୨୦୧୮ରେ ୫ ସାଧାରଣ ଲୋକ ଏବଂ ୧୭୪ ଧୀବରଙ୍କୁ ପାକିସ୍ତାନ ଜେଲ୍ରୁ ମୁକ୍ତ କରାଯାଇଥିଲା। ୨୦୧୯ରେ ୩୫୫ ଭାରତୀୟ ଧୀବର ଏବଂ ୭ ଜଣ ସାଧାରଣ ଲୋକ ପାକିସ୍ତାନ ଜେଲ୍ରୁ ମୁକ୍ତ ହୋଇ ସ୍ବଦେଶ ବାହୁଡ଼ିଛନ୍ତି। ୨୦୧୪ଠାରୁ ବର୍ତ୍ତମାନ ସୁଦ୍ଧା ପାକିସ୍ତାନରେ ବନ୍ଦୀ ଥିବା ୨ ହଜାର ଶହେ ୧୦ ଜଣ ଭାରତୀୟ ମୁକ୍ତି ପାଇଥିବା ସରକାରୀ ରିପୋର୍ଟରେ ଦର୍ଶାଯାଇଛି।
