ଫୁଲବାଣୀ ଅଫିସ, ୩୦ା୫-କନ୍ଧମାଳ ଜିଲା ଫିରିଙ୍ଗିଆ ଥାନା ପଲାବୃଡି ପଞ୍ଚାୟତ ଅଲିମାଡା ଗ୍ରାମର ଶନିବାର ବେପରୁଆ ଗାଡି ଚାଳନା କାଳ ହୋଇଛି ା ଏକ କାର ସହ ବାଇକ୍ ଧକ୍କା ହେବାରୁ ବାଇକ୍ରେ ଥିବା ୨ ଯୁବକଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି ା ମୃତକ ହେଲେ ଫିରିଙ୍ଗିଆ ଥାନା ପଲାବୃଡି ପଞ୍ଚାୟତ ଅଲିମାଡା ଗ୍ରାମର ପ୍ରଦୀପ ବଗାର(୨୭), ନରେଶ ବଗାର(୨୫) ା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରିଛି ା ଗୁରୁତର ଅବସ୍ଥାରେ କାର ଡ୍ରାଇଭରଙ୍କୁ ବ୍ରହ୍ମପୁର ବଡ଼ ମେଡିକାଲ ପଠାଯାଇଛି ା
ସୂଚନାନୁସାରେ, ମୃତ ନରେଶ ଓ ପ୍ରଦୀପ ଦୁହେଁ ସମ୍ପର୍କୀୟ ଭାଇ ା ସେମାନେ ସକାଳୁ ଘରୁ ଫୁଲବାଣୀ ମୋବାଇଲ ଫୋନ କିଣିବାକୁ ଆସିଥିଲେ ା ଫୋନ କିଣି ସାରିବା ପରେ ଜଳଖିଆ ଖାଇ ଘରକୁ ବାହାରିଥିଲେ ା ସେମାନେ ଫୁଲବାଣୀ-ଫିରିଙ୍ଗଆ ରାସ୍ତାରେ ଯାଉଥିଲେ ା ବରପଦା ପାଖରେ ଫିରିଙ୍ଗିଆ ପଟୁ ଆସୁଥିବା ଏକ କାର ସହ ସେମାନଙ୍କ ମୁହଁାମୁହିଁ ଧକ୍କା ହୋଇଥିଲା ା ଘଟଣାସ୍ଥଳରେ ହିଁ ସେମାନଙ୍କର ମତ୍ୟୁ ହୋଇଥିଲା। କାର ଚାଳକ ଭୁବନେଶ୍ୱର ଓଲଡ୍ ଟାଉନର ଜିତେନ୍ଦ୍ର ପାତ୍ରଙ୍କ ମୁଣ୍ଡରେ ଗଭୀର ଆଘାତ ଲାଗିଛି ା ତାଙ୍କୁ ବ୍ରହ୍ମପୁର ବଡମେଡିକାଲ ପଠାଇ ଦିଆଯାଇଛି।
