ରାୟଗଡା ଅଫିସ,୨ା୫: ରାୟଗଡା ସହରରେ ଏଯାବତ୍ କରୋନା ସଂକ୍ରମିତ ଚିହ୍ନଟ ହୋଇନାହାନ୍ତି। ତେବେ ଆନ୍ଧ୍ର ସୀମାନ୍ତ ଜିଲା ହୋଇଥିବାରୁ ପୋଲିସ ଏବଂ ପ୍ରଶାସନ ପକ୍ଷରୁ ସତର୍କ ଦୃଷ୍ଟି ରଖାଯାଇଛି। ପୋଲିସ ପକ୍ଷରୁ ରାତ୍ରି ପାଟ୍ରୋଲିଂକୁ ମଧ୍ୟ କଡ଼ାକଡ଼ି କରାଯାଇଛି। କରୋନା ଭଳି ମହାବିପତ୍ତି ସମୟରେ ପୋଲିସ ଲୋକଙ୍କ ସୁରକ୍ଷା ପ୍ରତି ଦୃଷ୍ଟିଦେବା ସହ ସଚେତନତା କାର୍ଯ୍ୟକ୍ରମ ଜାରି ରଖିଛି। ତେଣୁ ଏଏସ୍ଆଇ ପି. ରାବଣା ଏବଂ ଅନ୍ୟ ୫ ପୋଲିସ କର୍ମଚାରୀଙ୍କୁ ୨ ନଂ ଓ୍ବାର୍ଡ ଜଗନ୍ନାଥ ମନ୍ଦିର ସାହିର ରିମଝିମ ଏସ୍ଏଚ୍ଜିର ମହିଳାମାନେ କରୋନା ଯୋଦ୍ଧାଭାବେ ସମ୍ବର୍ଦ୍ଧିତ କରିଛନ୍ତି। ଏମାନଙ୍କ ପାଇଁ ଜନସାଧାରଣ ସୁରକ୍ଷିତ ଅଛନ୍ତି ବୋଲି ମହିଳାମାନେ କହିଛନ୍ତି।
