କରୋନା ପ୍ରଭାବ: ଜିଲା ପ୍ରଶାସନ ପକ୍ଷରୁ ଦଣ୍ଡନାଚ ବନ୍ଦ ନିର୍ଦ୍ଦେଶ
11:25 amMarch 16, 2020 / 43

ହିିଞ୍ଜିଳିକାଟୁ, ୧୬ା୩(ଡି.ଏନ୍‌.ଏ.): କରୋନାକୁ ନେଇ ସବୁଆଡେ ଭୟର ବାତାବରଣ ସୃଷ୍ଟି ହୋଇଥିବା ବେଳେ ଏବେ ଓଡ଼ିଶାରେ ପ୍ରଥମ କରୋନା ଭାଇରସ ପଜିଟିଭ ସ୍ପଷ୍ଟ ହୋଇଛି। ଏ ନେଇ ସରକାରଙ୍କ ପକ୍ଷରୁ ସମସ୍ତ ପ୍ରକାର ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇଛି। ଏହି କ୍ରମରେ ଗଞ୍ଜାମ ଜିଲା ପ୍ରଶାସନ ପକ୍ଷରୁ ହିଞ୍ଜିଳିକାଟୁ ତହସିଲ ଅଞ୍ଚଳର ସମସ୍ତ ଦଣ୍ଡକାଳୀ ନାଚକୁ ଚଳିତ ବର୍ଷ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି। କରୋନା ଭୂତାଣୁ ସଂକ୍ରମଣକୁ ରୋକିବା ଓ ଏହାର ପ୍ରତିରୋଧ ପାଇଁ ବିଭିନ୍ନ ଉତ୍ସବ, ଯାତ୍ରା ଓ ଜନଗହଳି ବନ୍ଦ ପାଇଁ ଜିଲା ପ୍ରଶାସନ ନିଷ୍ପତ୍ତି ନେଇଛି। ଏଥିନେଇ ବିଭିନ୍ନ ମାଧ୍ୟମରେ ତହସିଲଦାର ଅଞ୍ଚଳର ସମସ୍ତ ଦଣ୍ଡକାଳୀ ଯାତ୍ରା କମିଟିକୁ ଏପରି ସମୟରେ ସହଯୋଗ ପାଇଁ ନିବେଦନ କରିଛନ୍ତି।