ମୁମ୍ବାଇ: ବଲିଉଡ୍ର ଜଣାଶୁଣା ଫିଲ୍ମ ନିର୍ଦ୍ଦେଶକ କରଣ ଜୋହରଙ୍କ ନିର୍ଦ୍ଦେଶିତ ଫିଲ୍ମ ‘କଭି ଖୁସି କଭି ଗମ୍’ ୟଶରାଜ ପ୍ରଡକ୍ସନର ସବୁଠାରୁ ହିଟ୍ ଫିଲ୍ମ ମଧ୍ୟରୁ ଅନ୍ୟତମ। ଏହି ଫିଲ୍ମ ୨୦୦୧ ଡିସେମ୍ବର ୧୪ରେ ରିଲିଜ୍ ହୋଇଥିଲା। ଏହି ଫିଲ୍ମକୁ ୧୮ବର୍ଷ ପୂରଣ ହୋଇଛି। ଏଥିରେ ଅମିତାଭ ବଚ୍ଚନ, ଶାହରୁଖ ଖାଁ, ଜୟା ବଚ୍ଚନ, କରିନା କପୁର, ହ୍ରିତିକ ରୋଶନ ଓ କାଜୋଲଙ୍କ ଭଳି ପପୁଲାର ଷ୍ଟାରକାଷ୍ଟଙ୍କୁ ଏକାଠି ଦେଖିବାକୁ ମିଳିଥିଲା। ରୋମାଣ୍ଟିକ, ଡ୍ରାମା ଓ କମେଡିକୁ ନେଇ ଆଧାରିତ ହୋଇଥିବା ଫିଲ୍ମରେ ଅମିତାଭଙ୍କ ମା’ ଚରିତ୍ରରେ ପ୍ରଥମେ ଓ୍ବାହିଦା ରେହମାନଙ୍କୁ ଚୟନ କରାଯାଇଥିଲା। ହେଲେ ଓ୍ବାହିଦାଙ୍କ ସ୍ବାମୀ କମଲଜିତ୍ଙ୍କ ନିଧନ ପରେ ସେ ଫିଲ୍ମରୁ ଓହରିଯାଇଥିଲେ। ଏହାପରେ ଅଚଲା ସଚଦେବ ଅମିତାଭଙ୍କ ମା’ ଚରିତ୍ରରେ ଅଭିନୟ କରିଥିଲେ। ଏହି ଫିଲ୍ମର କାଷ୍ଟ, ସଂଳାପ, ଗୀତ ଓ ଦୃଶ୍ୟକୁ ଆଜି ବି ପ୍ରଶଂସକ ମନେରଖିଛନ୍ତି। ତେବେ ଫିଲ୍ମର ଭିନ୍ନ ଭିନ୍ନ ଦୃଶ୍ୟକୁ ପ୍ରଶଂସକ ସୋସିଆଲ ମିଡିଆରେ ଶେୟାର କରି ଶୁଭେଚ୍ଛା ଜଣାଇଛନ୍ତି।
