ଖୋର୍ଦ୍ଧା ଅଫିସ,୩୦ା୯: ଖୋର୍ଦ୍ଧା ଅତିରିକ୍ତ ଜିଲା ଦୌରାଜଜ ୨ୟ ଦିଲୀପ କୁମାର ବିଶ୍ୱାଳଙ୍କ କୋର୍ଟରେ ଟାଙ୍ଗୀ ଥାନା ଭୁଷଣ୍ଡପୁର ଫାଣ୍ଡି କନ୍ତଳବାଇ ଗଁାର ବାପ,ପୁଅଙ୍କ ହତ୍ୟା ଉଦ୍ୟମର ରାୟ ସୋମବାର ପ୍ରକାଶ ପାଇଛି। ଏହି ମାମଲାରେ କନ୍ତଳବାଇର ପଙ୍କଜ ମହାପାତ୍ରଙ୍କୁ ଆଜୀବନ କାରାଦଣ୍ଡଦେଶ ହୋଇଛି। ଦଫା ୩୦୨ରେ ଅଜୀବନ କାରାଦଣ୍ଡ ଓ ୧୦ ହଜାର ଜରିମାନା ରହିଛି। ଜରିମାନା ଅନାଦେୟ ବର୍ଷେ କାରଦଣ୍ଡ ଆଦେଶ ରହିଛି। ସେହିପରି ଦଫା ୩୨୩ ରେ ୬ମାସ କାରାଦଣ୍ଡ ୫୦୦ ଟଙ୍କା ଜରିମାନା ଆଦେଶ ରହିଛି। ଜରିମାନା ଅନାଦେୟ ପୁଣି ୨ମାସ ଜେଲ ଦଣ୍ଡ କରାଯାଇଛି।
ପ୍ରାପ୍ତ ସୂଚନା ଅନୁସାରେ, ୨୦୧୭ ସେପ୍ଟେମ୍ବର ୧୧ରେ ରାତି ପ୍ରାୟ ସାଢ଼େ ୯ଟାରେ କନ୍ତଳବାଇର ପଙ୍କଜ ମଦ ପିଇ ଉଲଗ୍ନ ହୋଇ ଗଁାଲୋକଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ଗଁାର ପୂର୍ଣ୍ଣଚନ୍ଦ୍ର ନାୟକ ବୁଝାଶୁଝା କରି ପଙ୍କଜଙ୍କୁ ଘରେ ଛାଡିଥିଲେ। କିଛି ସମୟ ପରେ ପଙ୍କଜ ଘରୁ ଆସି ପୂର୍ଣ୍ଣଚନ୍ଦ୍ର କୁଆଡେ ଗଲା ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ଏପରିକି ଘର ବାରଣ୍ଡାରେ ବସିଥିବା ପୂର୍ଣ୍ଣଚନ୍ଦ୍ରଙ୍କ ବାପା ଗାଜିଙ୍କୁ ଠେଙ୍ଗାରେ ମାରପିଟ୍ କରିଥିଲେ। ଗାଜି ଅଚେତ ହୋଇ ତଳେ ପଡି ଯାଇଥିଲେ। ପରେ ଭାଇ ଶେଷଦେବ ଘଟଣା ସ୍ଥଳେ ପହଞ୍ଚତ୍ବାରୁ ତାଙ୍କୁ ମଧ୍ୟ ମାରପିଟ୍ କରି ତଳେ ପକାଇ ଦେଲେ। ବାପ ଓ ପୁଅ ଅଚେତ ହୋଇ ପଡିଥିବାବେଳେ ମରିଗଲେ ଭାବି ସେମାନଙ୍କୁ ଆଉ ଆକ୍ରମଣ କରି ନ ଥିଲେ। ପରେ ଅଣ୍ଟାରୁ କଟୁରୀ କାଢ଼ି କହିଥିଲେ ମୋ ପାଖକୁ କେହି ଆସନି, ଆସିଲେ ୨ଜଣଙ୍କ ପରି ଅନ୍ୟମାନଙ୍କୁ ହତ୍ୟା କରି ଫୋପାଡି ଦେବି। ଏ ସମ୍ପର୍କରେ ଥାନାରେ ଅଭିଯୋଗ ପରେ ପୋଲିସ ଦଫା ୨୯୪, ୩୨୩, ୩୨୪, ୩୦୭, ୫୦୬ ଆଇପିସିରେ ନଂ. ୩୨୪/୧୭ରେ ମାମଲା ରୁଜୁ କରି ଘଟଣାର ତଦନ୍ତ କରିଥିଲା। ପରେ ଟାଙ୍ଗୀ ଥାନା ପୋଲିସ କନ୍ତଳବାଇର ପଙ୍କଜଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଜାମିନ ନାମଞ୍ଜୁର ପରେ ପଙ୍କଜ ଜେଲରେ ରହିଛନ୍ତି। ସରକାରଙ୍କ ପକ୍ଷରୁ ଅନିଲ ପଟ୍ଟନାୟକ ମକଦ୍ଦମା ପରିଚାଳନା କରିଥିଲେ।
