କେନ୍ଦୁଝର, ୩ା୪(ନରେଶ ଚନ୍ଦ୍ର ପଟ୍ଟନାୟକ)-କେନ୍ଦୁଝର ସଦର ବ୍ଲକ ଅଧୀନ ବେଲପଶି ଗ୍ରାମର କବିରାଜ ହରେକୃଷ୍ଣ ମହାନ୍ତ ବେଶ ଜଣାଶୁଣା। ତାଙ୍କ ଜଡିବୁଟି ଔଷଧରେ ଅନେକ ରୋଗ ଭଲ ହେଉଥିବାରୁ ତାଙ୍କ ପାଖକୁ ଲୋକ ଛୁଟି ଆସିଥାନ୍ତି। ଏବେ କରୋନା ସଂକ୍ରମଣ ରୋକିବା ପାଇଁ ସରକାରଙ୍କ ପକ୍ଷରୁ ଲକ୍ଡାଉନ ଘୋଷାଣ ପରେ ସଙ୍ଗରୋଧ ଓ ସାମାଜିକ ଦୂରତ୍ୱ ରକ୍ଷା କରି ସେ ଏବେ ଘରେ ରହୁଛନ୍ତି। ଏହି ସମୟରେ ସେ ବିଶ୍ରାମ ନେବା ପରିବର୍ତ୍ତେ ଔଷଧ ପ୍ରସ୍ତୁତିରେ ଲାଗିପଡିଛନ୍ତି। ଅନେକ ସମୟରେ ସେ ରୋଗୀଙ୍କୁ ଚିକିତ୍ସା କରିବାରେ ବ୍ୟସ୍ତ ରହୁଥିବାରୁ ଜଡିବୁଟିରୁ ଔଷଧ ପ୍ରସ୍ତୁତ କରିବା ପାଇଁ ସମୟ ପାଉ ନ ଥିଲେ। ଏବେ ସେ ଔଷଧ ପ୍ରସ୍ତୁତିରେ ଲାଗି ପଡିଥିବା କହିଛନ୍ତି। ଆଉ ବେଳ ମିଳିଲେ ନାତିନାତୁଣୀଙ୍କ ସହ ମଜାଗପ କରିବା ସହ ଟିଭିରେ ନ୍ୟୁଜ, ରାମାୟଣ/ମହାଭାରତ ଭଳି ସିରିଏଲ ଦେଖି ଦିନ କାଟୁଥିବା ସେ କହିଛନ୍ତି ା
ବୈଦ, କବିରାଜମାନେ ପାରମ୍ପରିକ ଚିକିତ୍ସା ବଜାୟ ରଖିବା ପାଇଁ ଏକପ୍ରକାର ଆନ୍ଦୋଳନ କରିଆସୁଛନ୍ତି। ସେମାନେ ବହୁ କଷ୍ଟରେ ପ୍ରକୃତିଦତ୍ତ ବୃକ୍ଷଲତାରୁ ଔଷଧ ପ୍ରସ୍ତୁତ କରି ଗାଁ ଗଣ୍ଡା ଓ ସହରରେ ଲୋକଙ୍କ ଚିକିତ୍ସା କରି ଆସ୍ଥାଭାଜନ ହୋଇପାରିଛନ୍ତି। ଅଦ୍ୟାବଧି ସେମାନଙ୍କୁ ସରକାର ମାନ୍ୟତା ଦିଆଯାଉ ନ ଥିବା ଦୁର୍ଭାଗ୍ୟପୂର୍ଣ୍ଣ ବୋଲି ସେ କହିଛନ୍ତି। ଶ୍ୱାସରୋଗ, ଡାଇବେଟିସ ଭଳି ବିଭିନ୍ନ ଗୁରୁତ୍ୱପୂର୍ଣ୍ଣ ରୋଗ ପାଇଁ ଔଷଧ ନିଜେ ପ୍ରସ୍ତୁତ କରୁଥିବା କହିଛନ୍ତି ା ପ୍ରଥମେ ଜଡିବୁଟିକୁ ସଂଗ୍ରହ କରି ରଖାଯାଇଛି ା ଏହାକୁ ଗୁଣ୍ଡକରି ଠିକ ଭାଗମାପ ମିଶାଇ ଔଷଧ (ବଟିକା), ମୋଦକ ଆଦି ପ୍ରସ୍ତୁତ କରି ଖରାରେ ଶୁଖାଯାଉଛି। ଏହା ସମୟସାପେକ୍ଷ। ଏଣୁ ଏବେ ସମୟ ମିଳିଯାଇଥିବାରୁ ଏହି କାମ କରୁଥିବା ବୈଦ୍ୟବିଷାରଦ କହିଛନ୍ତି ା ଜୀବନ ହେଉଛି ମୂଲ୍ୟବାନ ା କରୋନା ପାଇଁ ଲୋକମାନେ ନିଜେ ଯତ୍ନବାନ ହେବା ଉଚିତ ା ଭାରତୀୟ ଲୋକଙ୍କ ସହନଶୀଳତା ଅଧିକ ଓ ଏଠାକାର ଜଳବାୟୁ ଅଲଗା ା ଏଣୁ ଏହା ଅନ୍ୟ ଦେଶ ଭଳି ବ୍ୟାପିବ ନାହିଁ ବୋଲି ମୋର ଆଶା ବୋଲି କୁହନ୍ତି କବିରାଜ ହରେକୃଷ୍ଣ। ତଥାପି ସତର୍କତା ରହିବା ଓ ନିଜର ଓ ପରିବାରର ସୁରକ୍ଷା କରିବା ସମସ୍ତଙ୍କ ଦାୟିତ୍ୱ ା ଏଣୁ ଘରେ ରୁହନ୍ତୁ ଓ ସଂକ୍ରମଣରୁ ଦୂରେଇ ରୁହନ୍ତୁ ବୋଲି ସେ କହିଛନ୍ତି ା
