ଔପଦା, ୫।୧୨-ବାଲେଶ୍ୱର ଜିଲା ଔପଦା ଥାନାରୁ ୧୪ ମାସ ତଳେ ଚୋରି ହୋଇଥିବା ଏକ ଟ୍ରାକ୍ଟରକୁ ଔପଦା ପୋଲିସ ମୟୂରଭଞ୍ଜ ଜିଲାର ଯଶିପୁର ଥାନା ଟଙ୍ଗାବିଲା ଅଞ୍ଚଳରୁ ଉଦ୍ଧାର କରିଛି। ବାଲେଶ୍ୱର ,ମୟୂରଭଞ୍ଜ,କେନ୍ଦୁଝର,ଅନୁଗୋଳ ଆଦି ଜିଲାରେ ସକ୍ରିୟ ଥବବା ଏକ ର଼୍ୟାକେଟ ଟ୍ରାକ୍ଟର ସମେତ ବିଭିନ୍ନ ଯାନବାହନ ଚୋରି କରୁଥିବା ପୋଲିସକୁ ସୂଚନା ମଳିଛି। ଏହି ର଼୍ୟାକେଟ୍ର ମୁଖ୍ୟ ଠାକୁରମୁଣ୍ଡା ଥାନା ଖୁଣ୍ଟାପଶି ଅଞ୍ଚଳର ଶାନ୍ତି ଯତି ସିଂ (୨୬)ଙ୍କୁ ପୋଲିସ ଗିରଫ କରିବା ପରେ ଜିଲାର ରରୁଆଁ ଥନା ଅଞ୍ଚଳ ଅଦିପୁର୍ରୁଞ୍ଜନ ମହାନ୍ତ (୩୪), କେନ୍ଦୁଝର ଜିଲା ବଡବିଲ ଥାନା ଭୁସୁଗାଁ ର ରମାକାନ୍ତ ପାତ୍ର (୩୯) ଏବଂ ଚମ୍ପୁଆ ଥାନା ଅଞ୍ଚଳର ମହେଶ୍ୱରପୁରଞ୍ରୁ ଜୟନ୍ତ ମହାନ୍ତ (୩୨) କୁ ଗିରଫ କରି ଚୋରି ଟ୍ରାକ୍ଟର ଉଦ୍ଧାର କରାଯାଇଛି।
ପୋଲିସ ସୂଚନା ଅନୁଯାୟୀ ଗତବର୍ଷ ସେପ୍ଟେମ୍ବର ୨୭ତାରିଖରେ ଔପଦା ଥାନା ମାଟିଗଡା ଗ୍ରାମର ହରିହର ମହଲାଙ୍କ ଟ୍ରାକ୍ଟର ଚୋରି ହୋଇଥିଲା। ଏ ନେଇ ଅଭିଯୋଗ ହେବା ପରେ ପୋଲିସ ଏକ ମାମଲା( ନଂ. ୬୩/୨୦୧୮) ରୁଜୁ କରି ତଦନ୍ତ ଚାଲୁ ରଖିଥିଲା । ଗତ ମାସ ୨୮ ତାରିଖରେ ଏହି ଥାନା ଦରଖୋଳି ଗ୍ରାମର ପ୍ରଭାତ ମହାନ୍ତିଙ୍କ ଟ୍ରାକ୍ଟର ନିକଟସ୍ଥ ଅତାସାହି ପଡିଆରୁ ଚୋରି ହେବା ପରେ ପୋଲିିସ ଆଉ ଏକ ମାମଲା (ନଂ.୮୫/୨୦୧) ରୁଜ କରି ତଦନ୍ତ କାର୍ଯ୍ୟକୁ ତ୍ୱରାନ୍ବିତ କରିଥିଲା ା ଔପଦା ଥାନା ଅଧିକାରୀ ପ୍ରଶାନ୍ତ କୁମାର ଜେନା ବିଶେଷ ସୂତ୍ରରୁ ଖବର ପାଇ ମୟୂରଭଞ୍ଜ ଜିଲା ଠାକୁରମୁଣ୍ଡା ଥାନା ଅନ୍ତର୍ଗତ ଗବରବେଡା ଅଞ୍ଚଳରୁ ପ୍ରଥମେ ଏକ ଟ୍ରାକ୍ଟର ଉଦ୍ଧାର କରି ଅଭିଯୁକ୍ତଙ୍କୁ ଧରିିଥିଲା ା ଏହି କ୍ରମରେ ୪ ଜିଲାକୁ ଉକ୍ତ ର଼୍ୟାକେଟ ଲମ୍ବିଥିବା ପୋଲିସକୁ ସୂଚନା ମିଳିଥିଲା।