ଦୁନିଆରେ ଏମିତି କିଛି ଲୋକ ଅଛନ୍ତି, କେବେ କାହାକୁ ସେମାନେ ସାହାଯ୍ୟ କରିବାକୁ ଆସନ୍ତି ନାହିଁ। ମାତ୍ର ଜଣେ ଜଣେ ଅଛନ୍ତି, ଯିଏ କି ସାହାଯ୍ୟକାରୀ। ସେହି ବ୍ୟକ୍ତି ଜଣକ ହେଉଛନ୍ତି କେରଳର ଅଖିଳେଶ କୁମାର। ସେ ଏମିତି କିଛି କରିଛନ୍ତି, ଯାହା ଶୁଣିଲେ ତାରିଫ ନ କରି ରହିପାରିବେନି। ଆସନ୍ତୁ ଜାଣିବା କ’ଣ କରନ୍ତି ସେ। ଅଖିଳେଶ ପ୍ରତିଦିନ ରାତିରେ କେରଳର ମଲ୍ଲାପୁରମସ୍ଥିତ ସବ୍ରିନା ହୋଟେଲକୁ ଖାଇବା ପାଇଁ ଯାଇଥାନ୍ତି। ଏହି ଅବସରରେ ହୋଟେଲ ବାହାରେ ଥିବା କିଛି ପିଲାଙ୍କ ଉପରେ ତାଙ୍କ ନଜର ପଡ଼ିଲା। ଏହା ପରେ ଅଖିଳେଶ ସେହି ପିଲାମାନଙ୍କୁ ଭିତରକୁ ଡାକିଲେ। ସେମାନେ ଭିତରକୁ ଆସିବା ପରେ କ’ଣ ଖାଇବ ବୋଲି ଅଖିଳେଶ ପଚାରିଲେ। ପିଲାମାନେ ଟେବୁଲ ଉପରେ ଥିବା ଖାଦ୍ୟଥାଳିକୁ ହାତ ଠାରିଲେ। ସେ ତୁରନ୍ତ ସେମାନଙ୍କ ପାଇଁ ଖାଇବା ମଗାଇଲେ। ସେମାନଙ୍କୁ ସେ ଖୁଆଇ ମଧ୍ୟ ଦେଲେ। ପିଲାମାନେ ଖାଇସାରି ମନଖୁୁୁୁୁୁୁୁୁୁୁୁୁୁୁୁସିରେ ଗଲେ। ଓ୍ବେଟରଙ୍କୁ ଅଖିଳେଶ ଡାକି ବିଲ୍ ଆଣିବା ପାଇଁ କହିଲେ। ବିଲ୍ ଦେଖି ଆଶ୍ଚର୍ଯ୍ୟ ହୋଇଗଲେ ଅଖିଳେଶ। ଜାଣନ୍ତି ବିଲ୍ କେତେ ଥିଲା! ବିଲ୍ରେ ଲେଖାଥିଲା- ‘ଆମ ପାଖରେ ଏମିତି କିଛି ମେଶିନ ନାହିଁ, ଯାହା ମାନବିକତାର ବିଲ୍ କରିବ। ଖୁସିରେ ରୁହନ୍ତୁ।’ ଏହା ଦେଖି ଅଖିଳେଶଙ୍କ ଆଖି ନରମିଗଲା। ସେ ଏହି ବିଲ୍ଟିକୁ ତାଙ୍କ ଫେସବୁକ୍ରେ ଶେୟାର କରିଛନ୍ତି। ଏହାକୁ ଅନେକ ୟୁଜର୍ସ ଲାଇକ୍ କରିବା ସହ ଶେୟାର ବି କରିଛନ୍ତି।
