ବଲିଉଡ ଅଭିନେତ୍ରୀ ଭୂମିକା ଚାୱଲା ଜଣେ ଜଣାଶୁଣା ଅଭିନେତ୍ରୀ। ଯଦିଓ ଆଜିକାଲି ସେ ଫିଲ୍ମରେ କମ୍ ସକ୍ରିୟ ଅଛନ୍ତି, କିନ୍ତୁ ସେ ପ୍ରାୟତଃ ଚର୍ଚ୍ଚାରେ ଅଛନ୍ତି। ସେ ସୁପରଷ୍ଟାର ସଲମାନ ଖାନଙ୍କ ‘ତେରେ ନାମ’ରେ ନିର୍ଜାରା ଭୂମିକା ପାଇଁ ଏବେ ବି ଚର୍ଚ୍ଚତ। ନିକଟରେ ଭୂମିକା ଏକ କାର୍ଯ୍ୟକ୍ରମରେ ମଞ୍ଚ ଉପରେ କାନ୍ଦୁଥିବାର ଦେଖାଯାଉଛି।
ଭୂମିକା ଫିଲ୍ମ ‘ୟୁଫୋରିଆ’ରେ ନଜର ଆସିବେ। ଏଥିରେ ରଣବୀର ସିଂହଙ୍କ ବ୍ଲକବଷ୍ଟର ‘ଧୂରନ୍ଧର’ର ନାୟିକା ସାରା ଅର୍ଜୁନ ମଧ୍ୟ ଅଛନ୍ତି। ଏହି ଫିଲ୍ମର କାହାଣୀ ହାଇଦ୍ରାବାଦରେ ଘଟିଥିବା ଏକ ସତ୍ୟ ଘଟଣା ଉପରେ ଆଧାରିତ। ଫିଲ୍ମ ରିଲିଜ ହେବା ପୂର୍ବରୁ ହାଇଦ୍ରାବାଦରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଭୂମିକା ‘ୟୁଫୋରିଆ’ ସହିତ ତାଙ୍କର ଅଭିଜ୍ଞତା ବାଣ୍ଟି କାନ୍ଦି ପକାଇଥିଲେ। ଫିଲ୍ମର କାହାଣୀ ଶୁଣି ସାରା ରାତି ଶୋଇ ପାରି ନ ଥିବା କହିଛନ୍ତି।
ଗୁଣଶେଖରଙ୍କ ନିର୍ଦ୍ଦେଶିତ ଏହି ଫିଲ୍ମଟି ନିଶା ନିବାରଣ ଏବଂ ଛୋଟ ପିଲାମାନଙ୍କ ମଧ୍ୟରେ ଯୌନ ଶୋଷଣର ସମ୍ବେଦନଶୀଳ ପ୍ରସଙ୍ଗ ଉପରେ ପର୍ଯ୍ୟବେସିତ ହୋଇଛି।
କାହାଣୀଟି ୨୦୨୨ରେ ଜୁବିଲି ହିଲ୍ସରେ ଘଟିଥିବା ଏକ ଘଟଣାର ଉପରେ ଆଧାରିତ। ଏଠାରେ ପ୍ରଭାବଶାଳୀ ପରିବାରର ପାଞ୍ଚ ଜଣ ନାବାଳକ ଜଣେ ୧୭ ବର୍ଷୀୟା ଝିଅକୁ ଯୌନ ନିର୍ଯାତନା ଦେଇଥିଲେ।
Dharitri – Odisha’s No.1 Odia Daily
