ଲଣ୍ଡନ,୧୭।୧୧(ଏଏଫ୍ପି): ସିଜନ ଶେଷରେ ଆୟୋଜନ ହେଉଥିବା ହାଇପ୍ରୋଫାଇଲ ଏଟିପି ଫାଇନାଲ୍ସ ଟୁର୍ନାମେଣ୍ଟର ଫାଇନାଲ ମୁକାବିଲା ସ୍ପଷ୍ଟ ହୋଇଛି। ଟାଇଟଲ ପାଇଁ ଫାଇନାଲ ମ୍ୟାଚ୍ରେ ରବିବାର ଅଷ୍ଟ୍ରିଆର ଡୋମିନିକ ଥିମ ଓ ଗ୍ରୀସର ଷ୍ଟିଫାନୋସ ତିସିତ୍ପାସ ପରସ୍ପରକୁ ଭେଟିବେ। ଥିମ ଶନିବାର ଖେଳାଯାଇଥିବା ସେମିଫାଇନାଲ ମ୍ୟାଚ୍ରେ ପଞ୍ଚମ ସିଡ ମାନ୍ୟତା ପାଇଥିବା ଥିମ ୭-୫, ୬-୩ ସେଟ୍ରେ ଗତଥରର ଚାମ୍ପିୟନ ଜର୍ମାନୀର ଆଲେକଜାଣ୍ଡାର ଭେରେଭଙ୍କୁ ହରାଇ ଫାଇନାଲକୁ ଉଠିଛନ୍ତି। ସେହିପରି ପୂର୍ବରୁ ସୁଇଜରଲାଣ୍ଡର ଅଭିଜ୍ଞ ଖେଳାଳି ରୋଜର ଫେଡେରରଙ୍କୁ ୬-୩, ୬-୪ ସେଟରେ ଅନ୍ୟଏକ ସେମିଫାଇନାଲରେ ପରାସ୍ତ କରି ତିସିତ୍ପାସ ଫାଇନାଲରେ ପ୍ରବେଶ କରିଛନ୍ତି।
ଥିମ ତାଙ୍କର ଚତୁର୍ଥ ଏଟିପି ଫାଇନାଲ୍ସ ଖେଳୁଛନ୍ତି। ଗତ ୩ଟି ସଂସ୍କରଣରେ ସେ କେବଳ ୩ଟି ମ୍ୟାଚ୍ ଜିତିଥିଲେ ଓ ଗ୍ରୁପ୍ ପର୍ଯ୍ୟାୟ ଅତିକ୍ରମ କରିପାରି ନ ଥିଲେ। ଗତବର୍ଷ ଟୁର୍ନାମେଣ୍ଟର ଫାଇନାଲରେ ସର୍ବିୟାର ନୋଭାକ ଜୋକୋଭିକଙ୍କୁ ପରାସ୍ତ କରି ସପ୍ତମ ସିଡ ଭେରେଭ ଫାଇନାଲରେ ପ୍ରବେଶ କରିଥିଲେ। ୨୬ ବର୍ଷୀୟ ଥିମ ଗତବର୍ଷ ଫ୍ରେଞ୍ଚ୍ ଓପନ ଫାଇନାଲରେ ପ୍ରବେଶ କରିଥିଲେ ଓ ତାଙ୍କୁ କ୍ଲେ କୋର୍ଟ ସ୍ପେଶାଲିଷ୍ଟ ମଧ୍ୟ କୁହାଯାଉଛି।
