ନୂଆଦିଲ୍ଲୀ,୨୦।୫: ରବିବାର ପ୍ରକାଶ ପାଇଥିବା ଏକ୍ଜିଟ୍ ପୋଲ ବାସ୍ତବିକ ପରିଣାମ ନୁହେଁ ବୋଲି ଉପରାଷ୍ଟ୍ରପତି ଭେଙ୍କିଆ ନାଇଡ଼ୁ। ‘ଆମକୁ ବୁଝିବା ଦରକାର ଯେ, ଏକ୍ଜିଟ୍ ପୋଲ ବାସ୍ତବିକ ପରିଣାମ ନୁହେଁ’। ୧୯୯୯ରୁ ଆସିଥିବା ଏକ୍ଜିଟ୍ ପୋଲ ଅଧିକତର ଭୁଲ ହୋଇଛି ବୋଲି ଉପରାଷ୍ଟ୍ରପତି କହିଛନ୍ତି। ସବୁ ରାଜନୈତିକ ଦଳଙ୍କୁ ସେ ଆଶ୍ୱସ୍ତ କରିବା ସହ ମତ ଗଣନା ବା ମେ ୨୩ ତାରିଖକୁ ଅପେକ୍ଷା କରିବାକୁ ସେ ପରାମର୍ଶ ଦେଇଛନ୍ତି। ସବୁବେଳେ ଦେଶ ଓ ରାଜ୍ୟକୁ ଏକ କୁଶଳ ନେତା ଓ ସ୍ଥିର ସରକାରର ଆବଶ୍ୟକତା ହୋଇଥାଏ। ସେ ଯିଏ ବି ହେଉ ନା କାହିଁକି। ସମାଜର ପରିବର୍ତ୍ତନ ରାଜନୈତିକ ଦଳର ପରିବର୍ତ୍ତନରେ ହିଁ ହୋଇଥାଏ ବୋଲି ଉପରାଷ୍ଟ୍ରପତି ଭେଙ୍କିଆ ନାଇଡ଼ୁ କହିଛନ୍ତି।
