ଦୃଢ଼ ଇଚ୍ଛାଶକ୍ତି ସଫଳତାର ମୂଳମନ୍ତ୍ର, ଯାହା ପ୍ରମାଣ କରି ଦେଖାଇଛନ୍ତି ବେଙ୍ଗାଲୁରୁର ଡ. କେ.ଏସ୍. ରଜାନ୍ନା। ପୋଲିଓ ଆକ୍ରାନ୍ତ ହୋଇ ମାତ୍ର ୧୧ ବର୍ଷ ବୟସରେ ହାତଗୋଡ଼ ହରାଇବା ପରେ ରଜାନ୍ନା ପାରା ଅଲିମ୍ପିକ ଚାମ୍ପିୟନ, ଜଣେ ସାମାଜିକ କର୍ମୀ ଏବଂ ସଫଳ ଉଦ୍ୟୋଗୀ ହୋଇପାରିଛନ୍ତି। କେବଳ ଏତିକି ନୁହେଁ, ସେ ୩୫୦ ଲୋକଙ୍କୁ ନିଯୁକ୍ତି ଦେଇଛନ୍ତି। ରଜାନ୍ନା ଆଣ୍ଠୁରେ ଚାଲି ସ୍କୁଲକୁ ଯାଇଛନ୍ତି ଓ କଠିନ ପରିଶ୍ରମ କରି ପଢ଼ିଛନ୍ତି। ସେ ନିଜ ଜୀବନ ସଂଗ୍ରାମରେ ସଫଳ ହେବା ପରେ ଦିବ୍ୟାଙ୍ଗମାନଙ୍କୁ ମଧ୍ୟ ସାହାଯ୍ୟ କରୁଛନ୍ତି। ୨୦୧୩ରେ ତାଙ୍କ ନିରବଚ୍ଛିନ୍ନ ସେବାକୁ ପ୍ରଥମେ ସ୍ବୀକୃତି ମିଳିଥିଲା ଓ ସେ ଦିବ୍ୟାଙ୍ଗଙ୍କ ପାଇଁ ଗଠିତ ଡିଜାବଲ୍ଡ କର୍ନାଟକ ଷ୍ଟେଟ୍ କମିଶନର ହୋଇଥିଲେ। ରଜାନ୍ନା ମଧ୍ୟ ପଦ୍ମଶ୍ରୀ ସମ୍ମାନର ଅଧିକାରୀ ହୋଇଛନ୍ତି। ସବୁ ସ୍ତରରେ ଦିବ୍ୟାଙ୍ଗଙ୍କ ପାଇଁ ସଂରକ୍ଷଣ ବ୍ୟବସ୍ଥା ରହିଥିଲେ ମଧ୍ୟ ରାଜନୀତିରେ ଏହା ନାହିଁ ଏବଂ ଏହା ପାଇବା ସେମାନଙ୍କ ଅଧିକାର ବୋଲି କହିଛନ୍ତି ୬୪ ବର୍ଷିଆ ରଜାନ୍ନା।
