ଟେକ୍ନୋଲୋଜିର ଏବେ ବ୍ୟାପକ ବିକାଶ ହେଉଛି ଓ ନୂଆ ନୂଆ ଉପତ୍ାଦ ବି ସାମ୍ନାକୁ ଆସୁଛି। ଏଗୁଡ଼ିକର ବ୍ୟବହାର ଯୋଗୁ ବହୁ ବର୍ଜ୍ୟ ବହାରୁଛି, ଯାହା ପରିବେଶ ପାଇଁ ଅତ୍ୟନ୍ତ କ୍ଷତିକାରକ। ତେବେ ଏଭଳି ସମସ୍ୟା ଦୂର କରିବା ଲାଗି ପୁଣେର ଅନିଶ ମାଲ୍ପାନିଙ୍କ ପ୍ରୟାସ ପ୍ରଶଂସନୀୟ। ଇଲେକ୍ଟ୍ରୋନିକ୍ସ ବର୍ଜ୍ୟର ସଦୁପଯୋଗ କରି ସେ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। ସେ ରିସାଇକେଲ୍ଡ ଚିପ୍ସ ପ୍ୟାକେଟର ଉପଯୋଗ କରି ସନ୍ଗ୍ଲାସ୍ ତିଆରି କରୁଛନ୍ତି। ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ। ଅନିଶ ତାଙ୍କ ଦ୍ୱାରା ପ୍ରତିଷ୍ଠା ହୋଇଥିବା ‘ଅକ୍ଷୟ ଲାବ୍’ ମାଧ୍ୟମରେ ଏହା କରୁଛନ୍ତି। ସେ ୩ ମାସ ମଧ୍ୟରେ ୫୦୦ ସନ୍ଗ୍ଲାସ୍ ବିକ୍ରି କରିଥିଲେ। ଏବେ ସୁଦ୍ଧା ଅନିଶ ୧,୦୦୦ରୁ ଊର୍ଦ୍ଧ୍ୱ ୟୁନିଟ୍ ବିକ୍ରି କରିସାରିଲେଣି। ତାଙ୍କର ଏହି ପଦକ୍ଷେପ ବର୍ଜ୍ୟ ପରିଚାଳନାକୁ ଏକ ନୂଆ ଦିଗ ଦେଖାଇଛି। ତାଙ୍କୁ ଏଥିପାଇଁ ବି ପୁରସ୍କୃତ କରାଯାଇଛି।
