ଆସନ୍ତା ସପ୍ତାହରେ ବାଣିଜ୍ୟିକ କୋଇଲା ଖଣିର ନିଲାମ ଆରମ୍ଭ
6:47 amJune 12, 2020 / 21

ନୂଆଦିଲ୍ଲୀ,୧୨।୬ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ମାସରେ ବାଣିଜି୍ୟକ କୋଇଲା ଖଣିର ନିଲାମ ପ୍ରକ୍ରିୟାକୁ ଶୁଭାରମ୍ଭ କରିବେ। ଭିଡିଓ କନଫରେନ୍ସିଂ ଯୋଗେ ଏହି କାର୍ଯ୍ୟକ୍ରମ ଆୟୋଜନ ହେବ ବୋଲି ଜଣାପଡିଛି। ଆତ୍ମନିର୍ଭର ଭାରତ କ୍ଷେତ୍ରରେ କୋଇଲା କ୍ଷେତ୍ରର ଯୋଗଦାନ ପ୍ରମୁଖ ଭୂମିକା ଗ୍ରହଣ କରିବ। ଏହି ଲକ୍ଷ୍ୟକୁ ହାସଲ କରିବା ଦିଗରେ ଭାରତ ସକ୍ଷମ ହୋଇପାରିବ ବୋଲି କେନ୍ଦ୍ର କୋଇଲା ମନ୍ତ୍ରୀ ପ୍ରହଲ୍ଳାଦ ଜୋଷୀ ଟୁଇଟ ଯୋଗେ ସୂଚନା ଦେଇଛନ୍ତି। ନିକଟରେ ଘୋଷଣା ହୋଇଥିବା ଆତ୍ମନିର୍ଭର ଭାରତ ଯୋଜନାରେ କୋଇଲା ଏବଂ ଖଣି କ୍ଷେତ୍ରରେ ବିଭିନ୍ନ ସଂସ୍କାର ଧାରା ସରକାର ହାତକୁ ନେଇଛନ୍ତି। କୋଇଲା କ୍ଷେତ୍ରରେ ରହିଥିବା କଟକଣାକୁ ସରକାର କୋହଳ କରିବା ସହ ଘରୋଇ କ୍ଷେତ୍ରକୁ ସୁଯୋଗ ଦେବା ଲାଗି ନୂଆ ନିୟମ ଆଣିଛନ୍ତି। ଅଟୋମେଟିକ ରୁଟ୍‌ରେ ୧୦୦% ଏଫ୍‌ଡିଆଇ, ରେଭିନ୍ୟୁ ଶେୟାରିଂ ମଡେଲ ଭଳି ସୁବିଧା କରାଯିବାକୁ ପ୍ରସ୍ତାବ ରହିଛି। କମର୍ସିଆଲ କୋଲ ମାଇନିଂ ଲାଗି ୫୦ ବ୍ଲକ ନିଲାମ କରାଯିବାକୁ ଯୋଜନା ରଖାଯାଇଛି।