Posted inଫୁରସତ

ଆମେରିକୀୟ ବ୍ଲଗରଙ୍କ ଭିଡିଓକୁ ୩୨ ମିଲିୟନ ଭ୍ୟୁ: ଭୁଲରେ ଅପରିଚିତଙ୍କୁ କୁଣ୍ଢାଇ ଅଡ଼ୁଆରେ ପଡ଼ିଥିଲେ

ଆମେରିକୀୟ ବ୍ଲଗର ମେରି କ୍ୟାଥେରିନ ବ୍ୟାକ୍‌ଷ୍ଟ୍ରମଙ୍କ ସହ ଘଟିଥିବା ଏକ ମଜାଦାର ଘଟଣା ସମ୍ପର୍କିତ ଭିଡିଓ ସମ୍ପ୍ରତି ଫେସ୍‌ବୁକ୍‌ରେ ଭାଇରାଲ ହୋଇଛି। ସେ କିଭଳି ଭୁଲରେ ଜଣେ ଅପରିଚିତଙ୍କୁ କୁଣ୍ଢାଇ ପକାଇଥିଲେ ତାହା ଭିଡିଓରେ ବର୍ଣ୍ଣନା କରିଛନ୍ତି। ଗତ ୬ ତାରିଖରେ ପୋଷ୍ଟ ହୋଇଥିବା ଉକ୍ତ ଭିଡିଓ ମଙ୍ଗଳବାର ସୁଦ୍ଧା ୩୨ ମିଲିୟନ ଭ୍ୟୁ ହୋଇସାରିଛି। ଏହାକୁ ନେଇ ଅନେକ ମଜାଳିଆ କମେଣ୍ଟ ମଧ୍ୟ ମିଳିଛି। ଫ୍ଲୋରିଡାରେ ରହୁଥିବା ମେରି ଗତ ଶୁକ୍ରବାର ‘ଓ୍ବାଓ୍ବା’ ନାମକ ଏକ ଗ୍ୟାସ୍‌ ଷ୍ଟେଶନ କନଭିନିଏନ୍ସ ଷ୍ଟୋରରେ ଥିବାବେଳେ ଏକ ପୁସ୍ତକ ପଢ଼ୁଥିଲେ, ଯାହାର ବିଷୟବସ୍ତୁ ଥିଲା ଫେଷ୍ଟିଭ୍‌ ସିଜନରେ ଉଦାର ରହିବା ଉଚିତ। ତାହା ତାଙ୍କୁ ଅନୁପ୍ରାଣିତ କରିଥିଲା। ଫଳରେ ସେ ସେଠାରେ ଥିବା ଜଣେ ମହିଳାଙ୍କ ପାନୀୟ ବିଲ୍‌ ପୈଠ କରିଥିଲେ। ହେଲେ ଉକ୍ତ ଷ୍ଟୋରରୁ ବାହାରିବା ପରେ ଦେଖିଲେ ଯେ, ତାଙ୍କ କାର କାଚକୁ ଜଣେ ବ୍ୟକ୍ତି ସଫା କରୁଛନ୍ତି। ଏହାକୁ ସେ ଖ୍ରୀଷ୍ଟମାସ୍‌ ମ୍ୟାଜିକ୍‌ ଭାବିଲେ। ଖ୍ରୀଷ୍ଟମାସ୍‌ ସମୟ ହୋଇଥିବାରୁ ଉକ୍ତ ବ୍ୟକ୍ତିଜଣକ ଉଦାର ଭାବନାରେ ପ୍ରେରିତ ହୋଇ ଏଭଳି କରୁଥିବା ମେରି ଭାବିନେଲେ। କୃତଜ୍ଞତା ଜଣାଇବା ପାଇଁ ମେରି ଉକ୍ତ ବ୍ୟକ୍ତିଙ୍କ ପାଖକୁ ଯାଇ ତାଙ୍କୁ କୁଣ୍ଢାଇ ପକାଇଥିଲେ ଏବଂ କହିଥିଲେ, ‘ଏଭଳି ମାନବିକତା ଭାବନାକୁ ମୁଁ ପସନ୍ଦ କରେ। ଖ୍ରୀଷ୍ଟମାସ୍‌କୁ ବହୁତ ଭଲ ପାଏ। ଏଭଳି କାର୍ଯ୍ୟ କରିଥିବାରୁ ଧନ୍ୟବାଦ’। କିନ୍ତୁ ଏହାର କିଛି କ୍ଷଣ ଭିତରେ ସେ ନିଜକୁ ଅଡ଼ୁଆ ଅନୁଭବ କଲେ, ଯେତେବେଳେ ସେ ଜାଣିବାକୁ ପାଇଲେ ଯେ ଉକ୍ତ କାର ତାଙ୍କର ନୁହେଁ। ବ୍ୟକ୍ତିଜଣକ ନିଜ କାରର କାଚକୁ ସଫା କରୁଥିଲେ। ମେରି ଉକ୍ତ ଘଟଣାକୁ ବର୍ଣ୍ଣନା କରି ଯେଉଁ ଭିଡିଓ ପୋଷ୍ଟ କଲେ ତାହାକୁ ଅନେକେ ପସନ୍ଦ କରିଛନ୍ତି। ଜଣେ ବ୍ୟକ୍ତି କମେଣ୍ଟ କରିଛନ୍ତି ଯେ, ଏଭଳି ଘଟଣା ତାଙ୍କ ଜୀବନରେ ସବୁଠୁ ମଜାଳିଆ। ସେହିପରି ଆଉ ଜଣେ କହିଛନ୍ତି ‘ହେ ଭଗବାନ୍‌! ଖ୍ରୀଷ୍ଟମାସ ମ୍ୟାଜିକ୍‌ ସେହି ବ୍ୟକ୍ତିଙ୍କ ପାଇଁ କାମ କଲା। ସେ ମାଗଣାରେ ଆଲିଙ୍ଗନ ସ୍ନେହ ପାଇଲେ।’ ମେରି କହିଛନ୍ତି ଯେ, ଏହି ଘଟଣାରେ ତାଙ୍କୁ ବହୁତ ଖୁସି ମିଳିଛି।


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri