ଭାପୁର,୬ା୧୧(ଡି.ଏନ.ଏ.)-ଜଣେ ଆନ୍ତଃଜିଲା ମୋବାଇଲ ଚୋରକୁ ନୟାଗଡ ଜିଲା ଭାପୁର ପୋଲିସ ମଙ୍ଗଳବାର ଗିରଫ କରି କୋର୍ଟ ଚାଲାଣ କରିଛି ା ଗିରଫ ଅଭିଯୁକ୍ତଙ୍କ ନାମ ଦୁର୍ଗାଚରଣ ସାହୁ(୩୮)। ତାଙ୍କ ଘର ଫତେଗଡ଼ ଥାନା ପଦ୍ମାବତୀ ଗ୍ରାମରେ।
ଯେ,ଭାପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିସରରେ ସମ୍ପୃକ୍ତ ଯୁବକ ସନ୍ଦେହଜନକ ଅବସ୍ଥାରେ ବୁଲୁଥିଲେ। ଏହାଦେଖି ସ୍ଥାନୀୟ କେତେକ ଯୁବକ ତାଙ୍କୁ କାବୁ କରି ପୋଲିସକୁ ହସ୍ତାନ୍ତର କରିଥିଲେ। ପୋଲିସ ତଲାସି କରି ତାଙ୍କ ଠାରୁ ୩ଟି ସ୍ମାର୍ଟ ଫୋନ ଜବତ କରିଥିଲା ା ପରବର୍ତ୍ତୀ ସମୟରେ ପୋଲିସ ଏ ସମ୍ପର୍କରେ ଅଧିକ ତଦନ୍ତ କରିବା ପରେ ଜବତ ଫୋନ୍ଗୁଡ଼ିକ ଭୁବନେଶ୍ୱର ବମିଖାଲ ଅଞ୍ଚଳର ସୁଶାନ୍ତ ଛୋଟରାୟ,ମଞ୍ଚେଶ୍ୱର ଅଞ୍ଚଳର ବାବୁ ବାରିକ ଏବଂ ଅଶୋକନଗର ଅଞ୍ଚଳର ପ୍ରମୋଦ କୁମାର ସାହୁଙ୍କର ବୋଲି ଜଣାପଡ଼ିଥିଲା। ସେହିପରି ଭାପୁରରେ ଥିବା ମହାବୀର ମୋବାଇଲ ଦୋକାନ ଏବଂ ଏକ ପାଥୋଲୋଜି ଲାବୋରେଟୋରିରୁ ନିକଟରେ ହୋଇଥିବା ମୋବାଇଲ ଚୋରି ଘଟଣାରେ ସେ ସମ୍ପୃକ୍ତ ଥିବା ପୋଲିସ ସନ୍ଦେହ କରୁଛି ା
