କଟକ,୩।୨:ଆକାଶ ବାଇଜୁସ୍ (କଟକ ସେଣ୍ଟର)ର ଛାତ୍ର ସମ୍ଭବ ମିଶ୍ରଙ୍କୁ ନିକଟରେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ୍ ପୁରସ୍କାର (ପିଏମ୍ଆର୍ବିପି) ସମ୍ମାନରେ ସମ୍ମାନିତ କରାଯାଇଛି। ବିଶେଷକରି କଳା ଓ ସଂସ୍କୃତି କ୍ଷେତ୍ରରେ ଅତୁଳନୀୟ ସଫଳତା ପାଇଁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ନିକଟରେ ସମ୍ଭବଙ୍କୁ ଉକ୍ତ ସମ୍ମାନ ପ୍ରଦାନ କରିଥିଲେ। ଏଥିରେ ଏକ ଲକ୍ଷ ଟଙ୍କାର ନଗଦ ପୁରସ୍କାର ଓ ଏକ ସାର୍ଟିଫିକେଟ୍ ମଧ୍ୟ ସାମିଲ ରହିଛି। ଏହି ପରିପ୍ରେକ୍ଷୀରେ ଆକାଶ ବାଇଜୁସ୍ର କଟକ ସେଣ୍ଟର ପକ୍ଷରୁ ଗୁରୁବାର ଏକ ସ୍ବତନ୍ତ୍ର ସମ୍ବର୍ଦ୍ଧନା ସଭାର ଆୟୋଜନ କରି ସମ୍ଭବଙ୍କୁ ମାନପାତ୍ର ସହ ସମ୍ବର୍ଦ୍ଧିତ କରାଯାଇଥିଲା।
ଏ ସମ୍ପର୍କରେ ଆକାଶ ବାଇଜୁସ୍ର ଆଞ୍ଚଳିକ ନିର୍ଦ୍ଦେଶକ ଅଜୟ ବାହାଦୁର ସିଂହ କହିଛନ୍ତି, ଆକାଶ ବାଇଜୁସ୍ରେ ଛାତ୍ରୀଛାତ୍ରମାନଙ୍କୁ ଆବଶ୍ୟକ ଶିକ୍ଷା ସହ ସେମାନଙ୍କର କ୍ୟାରିୟର ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବା ବ୍ୟତୀତ ଭବିଷ୍ୟତର ଆଦର୍ଶ ନାଗରିକ ଗଢ଼ି ତୋଳିବା ବା ପରିଣତ ହେବାରେ ସାହାଯ୍ୟ କରିବା ପାଇଁ ଆମେ ଏକ ଦାୟିତ୍ୱକୁ ଅନୁଭବ କରିଛୁ। ଏପରିକି ଆମେ ସମ୍ଭବଙ୍କ ଭଳି ଜଣେ ମେଧାବୀ ଛାତ୍ରଙ୍କ ସହ ଜଡିତ ହୋଇ ଗର୍ବ ଅନୁଭବ କରୁଛୁ। ସେହିଭଳି ଏତେ କମ୍ ବୟସରୁ ସେ ଯାହା କରି ଦେଖାଇଛନ୍ତି, ତାହା ବାସ୍ତବରେ ପ୍ରେରଣାଦାୟକ ଓ ପ୍ରଶଂସନୀୟ । ସେହିପରି ଆମେ ତାଙ୍କୁ ଉନ୍ନତ କୋଚିଂ ଓ ଅନ୍ୟାନ୍ୟ ଆବଶ୍ୟକ ଶିକ୍ଷା ସହାୟତା ପ୍ରଦାନ କରି ତାଙ୍କର ଅଧ୍ୟୟନରେ ସହଯୋଗ ପାଇଁ ତାଙ୍କ ସହ ରହିବାକୁ ପ୍ରତିବଦ୍ଧ ରହିଛୁ। ବିଶେଷ କରି ଆମେ ସମ୍ଭବଙ୍କୁ ତାଙ୍କର ଭବିଷ୍ୟତର ପ୍ରୟାସଗୁଡିକ ପାଇଁ ଶୁଭେଚ୍ଛା ମଧ୍ୟ ଜଣାଉଛୁ। ଅନ୍ୟମାନଙ୍କ ମଧ୍ୟରେ ଆକାଶ ବାଇଜୁସ୍ର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
